Көйкашка коомдук бирикмесинин мүчөсү, манасчы Нурбек Талантбеков

Талантбеков: "сыргак" деген сөздүн бир нече мааниси бар

483
"Көйкашка" коомдук бирикмесинин мүчөсү, манасчы Нурбек Талантбеков кыргыз тили БУУнун жакынкы элүү жылда жоголуп кете турган тилдеринин тизмесине кире турганын айтты.
Талантбеков: "сыргак" деген сөздүн бир нече мааниси бар

"Сыргак" дегенди көпчүлүк энчилүү ысым катары кабылдашы мүмкүн. А бирок анын бир нече мааниси бар. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, тилди дене сыяктуу эле тез-тез азыктандырып туруу керек.

Талантбеков: "Манаста" кадимки факелдер колдонулган, аталышы — "шамала"

"Сыргак" дегенде көптөр адамдын ысымы катары кабылдашы мүмкүн. Бул сөздүн башка бир нече мааниси бар. Алсак, "Манас" эпосунда чоролордун бири Сыргактын ысымы башкача болгон. "Сыргак" деген куш бар. Ал — чапчаң, шамдагай, өзгөчө кыраан куштардын бири. Анын сыны, мүнөзү сыпатына окшоп тургандыктан Манастын чоросун Сыргак деп коюшкан. Ошондой эле "сыргак" деп тоодогу сыдырым желди айтат. Аталган сөздүн дагы бир мааниси сак, шырп алдырбаган, сергек дегенди билдирет. Анан дагы бул сөздү энчилүү ат катары балдарга коюшат", — деди Талантбеков.

Манасчы тилди жайылтуу ар бир кыргыз жаранынын милдети экенин кошумчалады.

483
Белгилер:
кыргыз тили, Манас эпосу, Нурбек Талантбеков
Тема боюнча
Талантбеков: "сүт мал" деген үстөккө берилген пайданы түшүндүрөт
Бишкек шаардык СПИДдин алдын алуу жана ага каршы күрөшүү борборунун директору Аида Карагулова. Архив

Карагулова: республика боюнча 10 миң 214 адам ВИЧ/СПИД менен жашайт

25
(жаңыланган 15:37 01.12.2020)
Бишкек шаардык СПИДдин алдын алуу жана ага каршы күрөшүү борборунун директору Аида Карагулова соңку учурларда ВИЧ/СПИДди аныктоо иштери жакшы натыйжа берип жатканын белгиледи.
Карагулова: республика боюнча 10 миң 214 адам ВИЧ/СПИД менен жашайт

Республика боюнча 10 миң 214 адам ВИЧ/СПИД менен жашайт. Анын ичинен 2 072си Бишкек шаарында. Бул тууралуу Аида Карагулова Sputnik Кыргызстан радиосуна маек берип жатып маалымдады.

Анын айтымында, аталган илдетти жуктуруп алгандар эң көп катталган аймак — Чүй облусу.

"Соңку учурларда ВИЧ/СПИДди аныктоо боюнча иш-аракеттер жакшы болуп жатат. Акысыз тестирлөө боюнча ар кандай акциялар жүргүзүлүүдө. Статистикага токтоло турган болсок, жалпысынан алганда республика боюнча 10 миң 214 адам ВИЧ/СПИД менен жашайт. Анын ичинен 2072 киши Бишкек шаарында катталган. Алдыңкы орунда Чүй облусу, бардык катталгандардын 21 пайызы Бишкек шаарында, 16 пайызы Ош облусунда жана 11 пайызы Жалал-Абадда жашайт. Бишкек шаары менен Чүй облусунда көп катталып жатышына ички жана тышкы миграция себеп болуусу ыктымал", — деди Карагулова.

Ал ошондой эле ВИЧ/СПИД менен жашаган адамдарга коронавирус кандай таасир эте турганы изилдене электигин кошумчалады.

25
Белгилер:
миграция, коронавирус, СПИД
Тема боюнча
Дүйнөдө биринчи болуп ВИЧти жеңген адам рактан каза тапты
Көйкашка коомдук бирикмесинин мүчөсү, манасчы Нурбек Талантбеков. Архив

Талантбеков: "Манаста" тамактануу убактары "нанүштө", "жагына" делген

31
(жаңыланган 12:19 01.12.2020)
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунан тамактануу боюнча дагы маалыматтарды алса болорун белгиледи.
Талантбеков: "Манаста" тамактануу убактары "нанүштө", "жагына" делген

Таңкы тамактануу "нанүштө", түшкө маал тамак ичүү "түштөнүү", ал эми кечки курсак тойгузуу "жагына" деп аталат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Анын айтымында, мындай сөздөр эпосто колдонулуп, ал тургай кандай тамактануу туура боло турганы айтылган.

"Көбүнесе тамактанууну эртең мененки, түшкү жана кечки деп бөлүп айтылып жүрөт. Айрым учурда бул дагы колдонулбай "завтрак, обед, ужин" делип орусчасы колдонулууда. "Манас" баянында таңкы тамактануу "нанүштө" делип, анда жеңил-желпи тамак желген. Ал эми "түштөнүүдө" абдан күчтүү тамактануу зарылдыгы белгиленген. Ошол эле эпосто кечки курсак тойгузуу "жагына" делип, ал өтө кечке калтырылбастыгын аңдасак болот", — деди Талантбеков.

Манасчы эпостогу көөнө сөздөрдү колдонуп аны коомго жайылтуу керектигин кошумчалады.

31
Белгилер:
тил, Манас эпосу, Нурбек Талантбеков
Тема боюнча
Талантбеков: "Манаста" кадимки факелдер колдонулган, аталышы — "шамала"
Шам жана чырак. Архивдик сүрөт

Эртең Бишкектин бир катар аймактарында жарык өчөт. График

0
(жаңыланган 17:36 01.12.2020)
Бул күнү адистер трансформатор жана электр зымдарын текшерип, оңдой турганы айтылды. Иштер саат 18.00гө чейин жүрөт.

БИШКЕК, 1-дек. — Sputnik. Шаршемби күнү, 2-декабрда, Бишкектин айрым жерлеринде жарык өчөт. Бул тууралуу "Түндүк электр" ишканасынан кабарлашты.

Жарык берүү үзгүлтүккө учурай турган аймактар:

  • 09:00дөн 14:00гө чейин — 7-кичи райондун бир бөлүгүндө (№44-46, 46а үйлөрү);
  • 09:00дөн 16:00гө чейин — 5-кичи райондун бир бөлүгүндө (№43-46 үйлөр);
  • 09:00дөн 17:00гө чейин — Юнусалиев, Кольцевой жана Карасаев көчөлөрүнүн кээ бир жерлеринде;
  • 09:30дан 12:00гө чейин — Арча-Бешик конушунун айрым жерлеринде (Орто-Тогузан, Абдрахманов жана Садыбакасов көчөлөрү);
  • 09:30дан 15:00гө чейин — Чыгыш-5 кичи районунун бир бөлүгүндө (№6/5, 7/5, 14 үйлөр, №66 мектеп);
  • 09:30дан 17:00гө чейин — Исанов менен Ташкент көчөлөрүнүн кесилишкен жеринде, Тоголок Молдо көчөсүндөгү №74 үйдө жана Ак-Босого конушунун кээ бир жерлеринде (Чүй 25, Чүй 29, Чүй 31, Чүй 34);
  • 09:30дан 18:00гө чейин — Арча-Бешик конушунун бир бөлүгүндө (Миң-Куш, Кара-Коо, Он-Арча, Садырбаев, Аксы, Ош-3000, Масыралиев, Жаңы-Турмуш, Нарын көчөлөрү);
  • 11:00дөн 15:00гө чейин — 12-кичи районунун айрым жерлеринде (№1, 7, 9, 23, 26, 27, 30);
  • 11:00дөн 17:00гө чейин — Тыныстанов жана Линейный көчөлөрүнүн кээ бир жерлеринде (темир жол вокзалынын жаны);
  • 13:00дөн 17:00гө чейин — Адыр көчөсү менен Берлик туюк көчөсүндө.
0
Белгилер:
"Түндүк Электр" ишканасы, жарык өчүрүү, Бишкек
Тема боюнча
Дагы кар жаайбы? Бир жумага карата аба ырайы
Фотофакт: өпкө илдетин чакырган Бишкектин кир абасы