Туруктуу энергияны каржылоо KyrSEFF долбоорунун инженери Салават Соронбаев. Архив

Соронбаев: жылууланбаган үйдүн чыгашасы көп болот

197
Туруктуу энергияны каржылоо KyrSEFF долбоорунун инженери Салават Соронбаев үйдү комплекстүү жылуулап, кышка даярдыкты эрте баштоо керектигин айтты.
Соронбаев: жылууланбаган үйдүн чыгашасы көп болот

Суук түшкөнчө үйдү жылуулоо менен кышта жагыла турган отундун 50 пайызын үнөмдөп калса болот. Бул тууралуу Салават Соронбаев Sputnik Кыргызстан радиосунун эфиринде маек куруп жатып билдирди.

"Бишкек жылуулук энерго" ишканасына карыз болгондордун тизмеси чыкты

Анын айтымында, сапаттуу үйдү жылуулоочу материалдарды колдонуу менен узак мөөнөткө даярдык көрсө болот.

"Мисалы, сиз кандай гана меш колдонбоңуз эгер үйдүн дубалы, терезеси, чатыры жылууланбаган болсо, меш алмаштыруудан натыйжа чыкпайт. Себеби үйдүн ичиндеги жылуулук сакталбайт. Андыктан үйдү термостун системасына алып келүү керек. Эгерде бөлмөнү туура жылуулап алып, мешти үйдүн көлөмүнө, аянтына жараша коюп алсаңыз бир чака көмүр менен бир күнгө жылытып алуу мүмкүнчүлүгү болот", — деди Салават Соронбаев.

Ошондой эле адис бөлмө туура эмес же таптакыр жылууланбаган учурда чатыр аркылуу жылуулуктун 30, дубалдардан 35 жана полдон 20 пайызы сыртка чыгып кетерин кошумчалады.

197
Белгилер:
жылуулук, үй
Тема боюнча
Көмүр кымбаттап жатабы? Кара алтындын баасына саресеп
КРдин Мамлекеттик миграция кызматынын Россиядагы өкүлчүлүгүнүн жетекчиси Майрамбек Бейшенов

Бейшенов: эми мигранттар тааныштарын сатып алган үйүнө каттатууга укуктуу

61
КРдин Мамлекеттик миграция кызматынын Россиядагы өкүлчүлүгүнүн жетекчиси Майрамбек Бейшенов коронавирустун биринчи толкунунан кийин РФте эмгек мигранттарга талап күч экенин маалымдады.
Бейшенов: эми мигранттар тааныштарын сатып алган үйүнө каттатууга укуктуу

Мигранттар туугандарын жана тааныштарын сатып алган үйүнө каттата алат. Бул тууралуу Майрамбек Бейшенов Sputnik Кыргызстан радиосуна маек берип жатып билдирди.

Анын айтымында, мигранттарга жеңилдик берген бир катар мыйзамдар ишке кирүүдө.

"Мигранттардын жашоо-турмушун жакшыртуу боюнча аракеттер көрүлүүдө. Алсак, мигранттар кыймылсыз мүлк сатып алган болсо, ага туугандарын жана тааныштарын каттоого тургуза алат. Мындан тышкары, Россияда иш берүүчүлөрдүн электрондук порталы түзүлөт. Ал эмгек мигранттарына ошол аркылуу жумушка орношууга мүмкүндүк түзүлөт. Бул демилге 2021-2022-жылда ишке ашып калуусу күтүлүүдө. Ал аркылуу Кыргызстанда туруп эле иш берүүчү менен байланышып, жумушка орношо алат", — деди Бейшенов.

Ошондой эле ал учурда мигранттарга Россиянын жарандыгын алуу үчүн өз өлкөсүндө жарандыктан чыгуунун кажети жок болуп калганын кошумчалады.

61
Белгилер:
коронавирус, Россия, миграция, Майрамбек Бейшенов
Тема боюнча
Кыргызстандык мигранттарга иш табуу жеңил болгон Россиянын аймактары
Бишкек аба кыймылын тейлөө борборунун 1-класстагы диспетчери Канат Төлөгөнов

Төлөгөнов: авиадиспетчерлердин иши оор, үч күн иштеп, үч күн эс алат

39
Бишкек аба кыймылын тейлөө борборунун 1-класстагы диспетчери Канат Төлөгөнов жумуш психоэмоционалдык жактан оор болгондуктан үч күн иштеп, үч күн эс алышарын айтты.
Төлөгөнов: авиадиспетчерлердин иши оор, үч күн иштеп, үч күн эс алат

Инструктаж башталардан бир саат мурун жумушка келебиз. Бул убакытта медициналык кароодон өтүп, пульс жана кан басым өлчөнөт. Алкоголго да текшерилип, баары жайында болгондо гана жумушка киришебиз. Бул тууралуу Канат Төлөгөнов Sputnik Кыргызстан радиосунун эфиринде маек куруп жатып билдирди.

Анын айтымында, жүздөгөн адамдын жашоосу бир нече адистен көз каранды болгондуктан авиадиспетчер кесиби жоопкерчилиги чоң жумуш болуп эсептелет.

"12-апрель - космонавттар күнү төрөлүп, атым Канат деп да коюлганы бул кесипти тандоомо кандайдыр бир түрткү болгон. Кичинемден бери космонавт болом деп кыялдандым. Убакыттын өтүшү менен приоритеттер да өзгөрдү. Ошентип космонавтикага жакын авиация тармагын, анын ичинен авиадиспетчер кесибин тандадым. Алгачкы күндөрү жоопкерчиликти жон териң менен сезип, үн титиреген учурлар болгон. Бизде тандоо өтө катаал. Начар окугандардын 99 пайызы өздөрү иштөөдөн баш тартышат. Алсак, мен окуган учурда 20 студент болсок, анын 10у гана өз кесиби менен иштеп жатат. Бул адистикке тапшырып жаткандар медициналык комиссиядан, кесиптик-психологиялык жарактуулук сынагынан (ВЛЭК) өтүшөт. Окуу жайды бүткөндөн соң англис тили сертификатын алабыз. ICAO эл аралык уюмдун талабына жараша диспетчер тилди төртүнчү деңгээлде билиши керек. Андан кийин "Кыргыз аэронавигация" мамлекеттик ишканасына барып стажировкадан өтөбүз. Мына ошол жерден айдоочулук көбүлүк алгандай эле авиадиспетчер деген күбөлүк алабыз. Ансыз эч ким диспетчер болуп иштей албайт. Ал эки жылдык мөөнөткө берилип, ар эки жыл сайын жогорудагы айтылган талаптарды жаңылап турабыз. Бизде бул кесипке Абдраимов атындагы Кыргыз авиациялык институтунда гана окутат. Ал эми айрымдары Алматыдагы академиядан, Красноярск, Санкт-Петебургдагы окуу жайлардан окуп келишет", — деди Төлөгөнов.

Ал 2016-жылы Дача Суга учак кулаганда пультта отурбаганы менен нөөмөттө болгонун жана диспетчерлер так иштегендиктен, териштирүү учурунда аларга эч кандай доо коюлбагандыгын кошумчалады.

39
Белгилер:
аэродром, учак
Тема боюнча
Украинада кулаган учактан аман калган курсант окуя кандай болгонун айтып берди
Эркек адамдын чачын текшерип жаткан чач тарач. Архив

Жаштардын чачы эмнеге эрте агарат? 6 себеп

0
Адистер чачты күндөн сактап, көчөгө чыгарда баш кийим кийүү зарыл экенин айтып фенди көп колдонбоону сунушташкан.

БИШКЕК, 25-ноя. — Sputnik. Чачка ак адатта жаш өткөндө, организмдеги өзгөрүүлөрдөн кийин түшөт. Бирок чачтарын жаш кезинде эле ак баскандар бар. Себептери жана аны менен күрөшүү жолдору тууралуу макаланы РИА Новости Milliet басылмасына таянып жарыялады.

Басылма белгилегендей, жаш кезде чачты ак баскандын негизги себептеринин бири — организмде B12 витамининин жетишсиздиги. Организм аталган витаминге муктаж болгондо чач түшүшү ыктымал.

Ошондой эле калкан безинде көйгөй жаралган учурда да чачты ак эрте басышы мүмкүн. Калкан без жакшы иштебей калганда чач агарып, сынып же майлуу боло баштайт.

Milliet басылмасы жазгандай, туура эмес тамактануудан дагы чач тез агарат. Чачтын абалына ферритин, кальций, D витамини, жез, цинк жана темирдин аздыгы таасир этет.

"Адамдын дайыма стресс жана кыжалат болушу пигментация үчүн жооп берген клеткаларга таасир этип, жыйынтыгында айрымдардын чачын жаш кезинде эле ак басып кетет", — деп айтылат маалыматта.

Ошондой эле бул дарт тукум куушу ыктымал. Кокус ата-эне же туугандарынын биринин чачына эрте ак түшсө, ал баласына да өтүшү мүмкүн. Адистер зыяндуу химиялык каражаттарды көп колдонуу чачка сөзсүз терс таасирин тийгизерин белгилешкен.

Басылмада жазылгандай, чачты эрте куракта эле ак баса баштаса, анда тамак рационуна жумуртка, уйдун, балыктын этин кошуу керек. Себеби бул азыктарда B12 витамини көп. Мындан сырткары, күн сайын капуста, бадам, брокколи жеп, сабиздин ширесин ичүү сунушталды.

Ошондой эле адистер чачты күндөн сактап, көчөгө чыгарда баш кийим кийүү зарыл экенин айтып, фенди көп колдонбоого чакырган.

0
Белгилер:
ден соолук, ген, витамин, организм, ак, чач
Тема боюнча
Дарыга акча коротпойм десеңиз... Адис жашоодогу алтын эрежелерди санады
Адистер өмүрдү узартууга жардам берген азыктарды атады