КРдин Экономика министрлигине караштуу Стандартташтыруу жана метрология борборунун директору Бердимамат Аданбаев

Аданбаев: улуттук бренд жаатындагы өндүрүшчүлөрдү колдоого даярбыз

37
(жаңыланган 14:33 15.11.2020)
КРдин Экономика министрлигине караштуу Стандартташтыруу жана метрология борборунун директору Бердимамат Аданбаев стандарттар керектөөчүлөр менен өндүрүүчүлөргө абдан маанилүү нормативдик-техникалык документ экендигин айтты.
Аданбаев: улуттук бренд жаатындагы өндүрүшчүлөрдү колдоого даярбыз

Бизнес түзүмдөрүнө көмөк көрсөтүү, сертификаттоодон өткөрүү багытында иштер жүрөт. Бул тууралуу Бердимамат Аданбаев Sputnik Кыргызстан радиосунун эфиринде маек куруп жатып билдирди.

Анын айтымында, стандарттар адам турмушунда абдан маанилүү жана жарандардын турмушун болуп кетчү зыяндан коргоого багыттаган документ.

"Стандартташтыруу жана метрология борборунун фондунда 26 000ге жакын стандарт бар. Анын 95 пайызы эл аралык, үч пайызга жакыны Кыргызстанда өндүрүлгөн продукциянын стандарттары. Алардын көбү өнөр жай жаатында өндүрүлгөн продукциялар. Мисалы, кол өнөрчүлүккө багытталган улуттук продукциялар стандартка жатпайт. Бирок өндүрүштө болсо стандарты иштелип чыгат. Эгерде улуттук брендди иштеп чыгууда өндүрүшчүлөр тарабынан демилге болсо, аларды колдоп бергенге даярбыз", — деди  Аданбаев

Ошондой эле ал стандарттар өндүрүш процесстеринин бардык эрежелерин, ташууну, продукцияны өндүрүүнү, утилизацияны (жокко чыгаруу) камтыган техникалык-нормативдик документ экендигин кошумчалады.

37
Белгилер:
өндүрүш, стандарт, экономика
Тема боюнча
Асанов: ЕАЭБге киргенден бери тигүү өнөр жайынын иши жеңилдеди
Социалдык фонддун маалымат кызматынын жетекчиси Жеңишбек Мукамбетов. Архив

Мукамбетов: Түштүк Кореядагы мигранттар ошол жактан пенсияга чыга алышат

7
Социалдык фонддун маалымат кызматынын жетекчиси Жеңишбек Мукамбетов Түштүк Кореяда эмгектенген кыргызстандыктар келишим боюнча ал жактан да пенсияга чыга алышарын айтты.
Мукамбетов: Түштүк Кореядагы мигранттар ошол жактан пенсияга чыга алышат

Түштүк Кореяда эмгектенип келген 20дай мекендеш ал жактан пенсияга чогулткан акчасын кайтарып алышты. Бул тууралуу Жеңишбек Мукамбетов Sputnik Кыргызстан радиосунун эфиринде маек куруп жатып билдирди.

Анын айтымында, аталган мамлекетке жумушка орношууда келишимде эмгек мигрантынын пенсия маселеси да каралганын көпчүлүгү биле бербейт.

"Түштүк Кореяга келишим аркылуу кетип, мөөнөтү бүткөндө кайтып келген кыргызстандыктардын пенсияга чогулткан акчасы банктык эсебине которулуп жатат. Мындай жол менен 20дай мекендешибиз 3000 доллардан 8000 долларга чейин алышты. Ал жакта пенсияга чыгууда топтомо системасы гана иштейт. Ошондуктан эмгек мигранты айлыгынын 4,5 пайызын, иш берүүчү 4,5 пайызын өздөрүнүн социалдык фондуна которуп турат. Эмгек мигрантынын келишими бүткөн соң, ал Түштүк Кореядан чыгып кетип жатканда чогулган акчаны алып кетсе болот. Бирок муну көпчүлүк мекендештерибиз билбегендиктен, жөн эле учуп келе беришкен. Корея өлкөсү ошол киши жашаган аймактагы социалдык фонддун өкүлчүлүгүнө сурам жөнөтүп, жыйынтыгында эмгек мигранттарынын жеке эсебине акчасын которуп берген учурлар болду. Алардын мыйзамы боюнча адам иштеп кеткен соң беш жыл аралыгында пенсиясына чогулткан акчасын ала алат. Ошондуктан мурда-кийин Түштүк Кореяга келишим менен барып иштеп келген кыргызстандыктар бизге кайрылып, керектүү документтерин берсе биз ал жакка жиберип, ошол учурда топтолгон пенсиясын алдырып бере алабыз", — деди Мукамбетов.

Адис ошондой эле эмгек мигранты Түштүк Кореяда иштеп келген соң көзү өтүп кетсе, анын ошол жакта пенсияга чогулткан акчасын мураскерлери ала алышарын кошумчалады.

7
Белгилер:
мигранттар, пенсия, Түштүк Корея, Жеңишбек Мукамбетов
Тема боюнча
Шамшиев: Россияда 800 миң кыргызстандыктын 470 миңи мыйзамсыз иштейт
Айыл чарба, тамак-аш өнөр жайы жана мелиорация министри Тилек Токтогазиев. Архив

Токтогазиев: өкмөт фитосанитардык көзөмөлдү бизге берсе иретке келтиребиз

122
Айыл чарба, тамак-аш өнөр жайы жана мелиорация министри Тилек Токтогазиев контрабандалык жол менен чыгып жаткан айыл чарба продукцияларын токтотуу үчүн фитосанитардык көзөмөл жүргүзүү милдетин министрликке өткөрүп берүү зарыл деген пикирин билдирди.
Токтогазиев: өкмөт фитосанитардык көзөмөлдү бизге берсе иретке келтиребиз

Ветеринардык жана фитосанитардык коопсуздук мамлекеттик инспекциясынан фитосанитария багытын айыл чарба министрлигинин карамагына өткөрүү зарыл. Бул тууралуу Тилек Токтогазиев Sputnik Кыргызстан радиосунун эфиринде маек куруп жатып белгиледи.

Анын айтымында, аталган тармак министрликке өтсө андагы коррупциялык элементтерди жоюп, ишти иретке келтирүүгө министрге бир жума убакыт жетиштүү.

"Бир эле нерсени мисал кылып кетейин. Кыргызстандан расмий түрдө сыртка жылына 5000 тонна жүгөрү чыгарылса, контрабандалык жол менен 500 миң тонна сатылып кетет экен. Муну мага жүгөрү өстүргөндөр өздөрү айтышты. Биз айрым продукциялардын ЕАЭБден башка мамлекеттерге сатылуусуна убактылуу тыюу салдык. Анда жүгөрү дагы бар. Алар келип мындай маалыматты айткан соң эми жүгөрүнү бул тизмеден чыгаралы деп турабыз. Анткени үчүнчү мамлекеттерге сатууну пландаштырып алган дыйкандар жабыркап калышат экен. Ошондуктан фитосанитардык көзөмөл милдетин биздин министрликке өткөрүү керек. Эгер өкмөт бул ишти бизге тапшырса бир жумада тармакты иретке келтирип коюуга сөз берем. Аталган убакытта ишке ашыра албасам мени жумуртка менен чабышсын", — деди Токтогазиев.

Министр ача туяктууларды башка мамлекеттерге сатууга убактылуу салынган тыюунун башкы максаты сыртка чыгарылып жаткан ургаачы малдардын санын азайтуу болгондугун кошумчалады.

122
Белгилер:
көзөмөл, контрабанда, Тилек Токтогазиев
Тема боюнча
Эргешова: күнөскана үчүн урук тандаганда гибрид өсүмдүктөргө басым жасоо керек
Тыгында турган унаалар. Архив

Боом капчыгайында жол кырсыгы болуп, тыгын жаралды. Видео

0
Жол кыймылынын коопсуздугун камсыздоо башкармалыгы кырсыкка кабылган унаалар жайкы дөңгөлөк менен жүргөнүн билдирди.

БИШКЕК, 28-ноя. — Sputnik. Боом капчыгайында жол кырсыгы болуп, автоунаа тыгыны жаралды. Бул тууралуу Чүй облустук жол кыймылынын коопсуздугун камсыздоо башкармалыгынын маалымат кызматы билдирди.

Окуя бүгүн күндүз болгон. ЖКККБнын маалыматына ылайык, эки айдоочу рулду башкара албай калып, унаалары ортодогу тосмону (парапет) сүзгөн.

"Жол кырсыгынан улам тыгын пайда болду. Жеринде биздин кызматкерлер иш алып барып жатат. Эки айдоочу да жайкы дөңгөлөк менен жүргөн экен", — деп айтылат маалыматта.

Кырсыктын видеосун "Короче" Telegram-каналы жарыялады. Анда парапетти сүзгөн бир гана унаа тартылган. 

ЖКККБнын регионалдык бөлүмү айдоочуларды тоолуу жолдордо тийиштүү ылдамдыкты жана автоунаалардын арасындагы 500 метр аралыкты сактоого чакырат.

0
Белгилер:
тыгын, жол кырсык, Боом капчыгайы
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкектин четинде эл ташыган маршрутка оодарылып калды. Видео