Дзюдо боюнча улуттук федерациянын аткаруучу катчысы Урматбек Маткеримов. Архив

Маткеримов: дзюдонун адамды тарбиялоодо таасири зор

153
(жаңыланган 13:42 16.11.2020)
Дзюдо боюнча улуттук федерациянын аткаруучу катчысы Урматбек Маткеримов өлкөдө өткөн дзюдо боюнча ири мелдештер аталган спортко болгон кызыгууну күчөткөнүн белгиледи.
Маткеримов: дзюдонун адамды тарбиялоодо таасири зор

Дзюдого баланы кичинекей кезинен берсе натыйжасы жакшы болот. Себеби аталган спорт адамдын өзүн тарбиялайт. Бул тууралуу Урматбек Маткеримов Sputnik Кыргызстан радиосуна маек куруп жатып билдирди.

"Улуттук дзюдо боюнча федерация жана демөөрчүлөр тарабынан дзюдо борбору салынууда. Анын курулушу аяктап ишке берилсе, аталган спортту өнүктүрүү үчүн мүмкүнчүлүктөр көбөйөт. Пандемияга чейин өткөргөн мелдештерибизге республика боюнча миңден ашуун спортчулар катышып жатты. Бул өлкөдө дзюдонун өнүгүүсү учурда кыйла жакшырып калганынан кабар берет. Бул спортко баланы кичинекейинен берсе, жакшы натыйжаларга жетише алат. Ошондой эле дзюдо адам өзүн-өзү физикалык, моралдык, психологиялык жактан өзүн-өзү тарбиялоосу үчүн дагы абдан жакшы натыйжаларды көрсөтөт", — деди Маткеримов.

Ошондой эле ал федерация кыздар арасында дзюдону өнүктүрүү боюнча иштер колго алынып жатканын кошумчалады.

153
Белгилер:
Кыргызстан, спорт, дзюдо
Тема боюнча
Момунова: алыш күрөшүнө кызыккан кыз-келиндер көбөйдү
Акыйкатчы аппаратынын балдардын, аялдардын жана үй-бүлөнүн укугун коргоо бөлүмүнүн башчысы Гүлзина Бообекова

Бообекова: иш ордунда укугу тебеленген кыз-келиндер жардам ала алат

49
(жаңыланган 14:54 04.12.2020)
Акыйкатчы аппаратынын балдардын, аялдардын жана үй-бүлөнүн укугун коргоо бөлүмүнүн башчысы Гүлзина Бообекова кыз-келиндер жумуш ордунда укугу тебеленген учурда тиешелүү органдарга көп кайрылбай келерин айтты
Бообекова: иш ордунда укугу тебеленген кыз-келиндер жардам ала алат

Кыргызстанда адам укугу бузулган учурда 115, 111 же 102 телефондоруна чалса болот. Бул тууралуу Гүлзина Бообекова Sputnik Кыргызстан радиосунун эфиринде маек куруп жатып билдирди.

Анын айтымында, өлкөдө жарандык жоопкерчилик төмөн болууда.

"Бизде балдардын же аялдардын укугу бузулган учурлар көп. Анткени бул маселелер боюнча коомчулук тартынбай кайрылганга үйрөнүп калды. Бирок ошол эле учурда кыз-келиндердин кызмат ордунда укугу бузулса, ачык айткандан уялышат. Буга биздин менталитет бир жагынан жол бербесе, экинчиден, кайрылган күндө да тергөөчүлөр ишти дыкат карабай коюп жатышат. Андыктан биз коомчулукту бул маселеде ачык болууга үйрөтүшүбүз керек. Эгер жумуш ордунда аялга карата орой мамиле, ыксыз тийишүүлөр болсо, тартынбай 115 номерине чалыңыздар", — деди Бообекова.

Ал жарандар кошунанын үйүндө же көчөдө болуп жаткан ызы-чууга кайдыгер карабай тиешелүү органдарга кайрылуусу зарыл экендигин кошумчалады.

49
Белгилер:
мамиле, кызмат, укук
Тема боюнча
Көлөпов: ИИМдин убактылуу кармоочу жайында 30 адамдан пневмония чыкты
Саякбай Каралаев атындагы сыйлыктын ээси, манасчы Замир Баялиев

Баялиев: манасчылар медициналык жактан изилдене баштады

20
(жаңыланган 14:06 04.12.2020)
Саякбай Каралаев атындагы сыйлыктын ээси, манасчы Замир Баялиев манасчылар жыл бою мектепке, университетке барып, бардык чакырган жерден калбай манас айтып, сөз милдетинен кутулуп жатканын айтты.
Баялиев: манасчылар медициналык жактан изилдене баштады

Манасты жайылтуу боюнча иштер чабал жүрүп жатат. Бирок бул багытта иштер башталып, манасчылардын ден соолугу медициналык жактан изилдене баштады. Бул тууралуу Замир Баялиев Sputnik Кыргызстан радиосуна маек берип жатып билдирди.

Анын айтымында, эпос илимдин бардык багытында ар тараптуу изилденсе, көптөгөн ачылыштарды жасоого болот.

"Манасты" жайылтууда манасчылардын орду толгус. Аларга манас айтуу боюнча талап коюлбайт. Бул тууралуу өкмөткө же тийиштүү министрликке отчет дагы бербейт. Ошентсе дагы мектепке, университетке, деги эле чакырган жерге калтырбай барып, манас айтып берип сөз милдетинен кутулуп жатышат. Аны эч кимге колко кылган жок. 2013-жылы 4-декабрда "Манас" эпосу ЮНЕСКОнун материалдык эмес мурастар тизмесине катталгандан кийин бул багытта ишти күчөтүү керек эле. Бирок "Манасты" жайылтуу боюнча иштер чабал болуп жатат. Ошентсе дагы учурда бул багыттагы алгачкы кадамдар ташталып, Иса Ахунбаев атындагы медициналык академия тарабынан манасчыларды изилдөө иштери башталды. Мындан тышкары, эпосто кездешкен урма, үйлөмө жана башка музыкалык аспаптарды жасоо колго алынууда", — деди Баялиев.

Манасчы эпосту мамлекеттик деңгээлде даңазалоо 4-декабрь күнү эле жүргүзүлбөстөн, жыл бою ишке ашуусу керектигин кошумчалады.

Белгилей кестек, 2013-жылдын 4-декабрында "Манас", "Семетей", "Сейтек" үчилтиги ЮНЕСКОнун "Адамзат маданиятынын материалдык эмес маданий мурастарынын" тизмесине кирген. Ал эми 2015-жылы өкмөттүн токтому менен 4-декабрь —"Манас" эпосунун күнү деп жарыяланган.

20
Белгилер:
Манас, медицина, Манас эпосу, эпос
Тема боюнча
Саякбай манасчы жандай көргөн "Карачологу" менен. Таберик сүрөт
Премьер-министрдин милдетин аткаруучу, биринчи-вице-премьер Артем Новиков

Премьер-министрдин милдетин аткаруучу Новиков Нарынга барат

0
(жаңыланган 17:47 04.12.2020)
Өкмөт башчынын милдетин аткарып жаткан Артем Новиков Нарындагы бир катар инфраструктуралык жана социалдык объектилердин курулушу менен таанышат.

БИШКЕК, 4-дек. — Sputnik. Премьер-министрдин милдетин аткаруучу, биринчи-вице-премьер Артем Новиков эртең, 5-декабрда, Нарынга жумушчу сапары менен барат. Бул тууралуу өкмөттөн кабарлашты.

Жумушчу сапардын алкагында Новиков "Торугарт" көзөмөл өткөрүү бекетинин иши менен таанышат. Ошондой эле бир катар инфраструктуралык жана социалдык объектилердин курулушун көрөт.

0
Белгилер:
Нарын, премьер-министр, Артем Новиков
Тема боюнча
Новиковдон кагуу жеп буйдалган жетекчи. Салык кызматы түшүндүрмө берди