Эл аралык мамилелер боюнча эксперт Чынара Эсенгул

Чынара Эсенгул: учурда үчүнчү дүйнөлүк согуш жүрүп жатат деп айтууга болот

288
Эл аралык мамилелер боюнча эксперт Чынара Эсенгул үчүнчү дүйнөлүк согуш чыгып кетүү ыктымалдуулугу боюнча пикир билдирүүдө серепчилер бир канча топко бөлүнүп калганын айтты.
Чынара Эсенгул: учурда үчүнчү дүйнөлүк согуш жүрүп жатат деп айтууга болот

Учурда жүрүп жаткан гибриддик согуштардын жүрүшүнөн улам, үчүнчү дүйнөлүк согуш болуп жатат деп айтууга болот. Бул тууралуу Чынара Эсенгул Sputnik Кыргызстан радиосуна маек берип жатып билдирди.

Анын айтымында, теориялык жактан алганда үчүнчү дүйнөлүк согуш тууралуу кеп кылардан мурда согуш дегендин аныктамасын тактап алуу зарыл.

Кыргызстан Карабахтагы тирешти токтотуу келишими боюнча позициясын билдирди

"Буга чейинки дүйнөлүк согуштардын башталышы жана бүткөн убактысы так болчу. Ал учурда согуш жарыялоо процесси болуп, кайра жеңилген тарап капитуляция болгонун билдирген. Анын баары документтер менен бекитилген. Ал эми учурда эл аралык мамилелерге сереп салган эксперттер үчүнчү дүйнөлүк согуштун башталуусу тууралуу пикир билдирүүдө бир нече топко бөлүнүп калган. Айрым аймактарда ар кыл топтор аралашкан гибриддик согуштар жүрүп жатат. Мына ушул көрүнүштү үчүнчү дүйнөлүк согуш катары сыпаттаган серепчилер бар. Албетте, ири державалардын курал колдонуу менен согушу боло элек. Бул көз караштан алганда азыркы окуяларды үчүнчү дүйнөлүк согуш деп атоо туура эмес болуп калат", — деди Эсенгул.

Серепчи учурда дүйнөдөгү ири державалар өз кызыкчылыгын коргоо үчүн басташып жаткан эки тараптагы күчтөрдү тымызын колдоого алган тирешүүлөр уланып жатканын кошумчалады.

Гибриддик согуш — душманга кадимки аскердик чабуул жасабастан жашыруун операциялар, киберчабуулдар жана каршылаштын аймагындагы козголоңчуларга колдоо көрсөтүү менен жүргүзүлгөн согуштук аракеттер.

288
Белгилер:
мамиле, согуш
Тема боюнча
Карабах келишими: Азербайжан, Армения жана Россия лидерлери кандай чечимге келди
Өрт өчүрүү жана алдын алуу башкармалыгынын башчысынын орун басары майор Азиз Бейшекеев. Архивдик сүрөт

Бейшекеев: сууктун түшүшү менен өрт кырсыктары күч алууда

14
(жаңыланган 16:59 05.12.2020)
Өрт өчүрүү жана алдын алуу башкармалыгынын башчысынын орун басары майор Азиз Бейшекеев ушул жылдын 10 айынын жыйынтыгы менен республика боюнча өрт 38,9 пайызга аз катталганын маалымдады.
Бейшекеев: сууктун түшүшү менен өрт кырсыктары күч алууда

Бул жылы өлкө боюнча 2 045 өрт кырсыгы катталган, бирок кыштын келиши менен күч алып жатканы байкалууда. Бул тууралуу Азиз Бейшекеев Sputnik Кыргызстан радиосуна маек берип жатып билдирди.

Анын айтымында, өрттүн чыгуусуна көбүнчө адамдык фактор таасирин тийгизип жатат.

"2020-жылдын 10 айынын жыйынтыгы боюнча статистикага токтоло турган болсок, республика боюнча 2045 өрт кырсыгы катталган. Бул былтыркыга салыштырмалуу 38,9 пайызга азайганын айгинелейт. Ал эми келтирилген материалдык чыгымдын көлөмү 473 миллион сомдон ашканы менен өткөн жылга салыштырмалуу 39 пайызга азайганынан кабар берүүдө. Бирок сууктун түшүшү менен өрт кырсыктары көбөйө баштаганы байкалууда. Күз-кыш мезгилинин келиши менен от жагуу, электр жабдыктарды колдонуудан улам бир суткада республика ичинде 20-25 өрт кырсыгы катталууда", — деди Бейшекеев.

Ал өрттүн алдын алуу максатында түшүндүрүү иштери байма-бай жүргүзүлө турганын кошумчалады.

14
Белгилер:
Кыргызстан, кыш, өрт
Тема боюнча
Өрттөнүп кеткен Башкы прокуратуранын ичи. Имараттын 10 жылдан кийинки көрүнүшү
Кыргызгидрометтин атмосфералык абанын булгануусун байкоо бөлүмүнүн башчысы Бегайым Алипова

Алипова: Бишкекте абанын булгануусун текшерген 50 жаңы датчик орнотулат

10
Кыргызгидрометтин атмосфералык абанын булгануусун байкоо бөлүмүнүн башчысы Бегайым Алипова Бишкекте мезгилге карабастан атмосферанын булганышы дайыма нормадан ашык болорун айтты.
Алипова: Бишкекте абанын булгануусун текшерген 50 жаңы датчик орнотулат

Алматы — Бишкек экономикалык коридорунун алкагында Кыргызгидромет Азия өнүктүрүү банкы менен меморандум түздү. Ага ылайык, Бишкектин бардык аймагында абанын булгануусун текшерген 50 жаңы датчик орнотулганы жатат. Долбоор ушул жылдын аягына чейин ишке ашып калат деген үмүттөбүз. Бул тууралуу Бегайым Алипова Sputnik Кыргызстан радиосунун эфиринде маек куруп жатып билдирди.

Анын айтымында, Бишкекте жаан жаап, катуу шамал болгондо атмосферада кармалган кир заттар таркап, аба тазара түшөт.

"ӨКМдин алдындагы Гидрометеорология агенттиги 1970-жылдан бери атмосферанын булгануусуна байкоо жүргүзүп келет. Азыркы учурда абанын нормасын текшерген жети стационардык станция Бишкек шаарынын ар кайсы жеринде жана бир автоматтык станция шаардын түштүк-батышында жайгашкан. Борборубузда абанын булганышы мезгилге карабастан дайыма нормадан ашык болуп келет. Бирок кышында атмосфера андан да көбүрөөк булганат. Мисалы, айдын башында кирдетүүчү заттардын орточо 1,5-5 эсе суткалык нормадан жогору болгонун байкадык. Негизи абанын булганышына байкоо Кыргызстандын беш шаарында жүргүзүлөт. Анын ичинен эң кири — борбор калаабыз. Ал эми калаанын чок ортосунун абасы өтө кир. Биздин изилдөөлөрдү мамлекеттик муниципалдык жана башка мекемелерге таратабыз. Ушул жылдын күз мезгилинен баштап тесттик режимде абанын булганышын божомолдоо аракеттери көрүлүп баштаган. Азыр синоптиктерибиз күндүн табы, шамалдын ылдамдыгынан сырткары күн сайын абанын тазалыгы тууралуу да маалымат берип жатышат", — деди Алипова.

Ал meteo.kg сайтына атмосферанын булганышы боюнча маалымат күнүгө саат 10.00дө жана 16:00дө чыгып турарын кошумчалады.

10
Белгилер:
булгануу, аба, Кыргызгидромет
Тема боюнча
Фотофакт: өпкө илдетин чакырган Бишкектин кир абасы
Кыздын чачынан тартып аткан киши. Архивдик сүрөт

Аялын өлтүрө сабап он жылдан кийин кармалган зөөкүр. Ноябрдагы соттук чечимдер

0
(жаңыланган 20:46 05.12.2020)
КРдеги фемида өкүлдөрү узап кеткен айда бир топ чуулуу, төбө чачты тик тургузган кылмыштарды карап чыгып бир катар чечимдерди кабыл алды.

Булардын арасында ымыркайларды саткан медицина кызматкерлери, аялын мыкаачылык менен өлтүрүп он жылга жоголгон эргулдун былыктары бар. Sputnik Кыргызстан агенттиги ноябрь айындагы айрым соттук өкүмдөрдү сунуштайт.

Ымыркай саткан дарыгерлер

Борбор калаадагы жеке медициналык клиникалардын биринде иштеген ак халатчандар боюнан алдырууга келген келинге дары берип төрөтүп, ымыркайды көптөн бери балалуу боло албай жүргөн бүлөгө 1 500 долларга сатып жиберген. Бир нече күн өткөндөн кийин ал чүрпө сыркоолоп калып ооруканага түшкөн. Айыгып чыккандан кийин анын багып алган энеси наристени кайра берип салган. Кылмыштуу топтун мүчөлөрү ошондой эле мыйзамсыз документтерди даярдаган. Дарыгерлер мындай жоруктарын бир нече жолу жасап, төрөлгөн балдарды 1500 доллардан 3000 долларга чейин сатышкан. Жыйынтыгында фемида өкүлдөрү бир акушер-гинекологду сегиз жылга эркинен ажыратып, төрт жылга мамлекеттик жана жеке медициналык мекемелерде иштөө укугунан ажыратты. Калган бешөөнү "Улуу Ата Мекендик согуштун жеңишинин 75 жылдыгына, 2010-жылдагы Элдик Апрель революциясынын он жылдыгына байланыштуу мунапыс жөнүндө" мыйзамынын негизинде жазадан бошотту.

Казынага 21 миллиондон ашык зыян келтирилген

Чет элдик эки жаран 2012-жылы Бишкек шаарында почта кызматын көргөзгөн фирма ачып, Кыргызстан, Казакстан жана Тажикстандан чыккан тамекилерди Канада, АКШ, Европага бажы төлөмдөрүн төлөбөй жөнөтүп турган. Укук коргоо кызматкерлери ишкананын документтерин карап чыгып, ишкерлер мамлекеттик казынага жалпы 21 миллион 405 миң сомдон ашык зыян келтиргендигин аныктаган. Айыпталуучулар аталган сумманы өлкө казынасына төлөп берип, камактан бошотулду.

Интернетке сүрөт жүктөп соттолгон ата

Чач тарач болуп иштеген жаш жигит интернет айдыңында диний сүрөттөрдү көчүрүп алып социалдык тармактар аркылуу бөлүшкөн. Милиция кызматкерлери андагы символикалар КРде тыюу салынган "Хизбут-Тахрир" экстремисттик уюмуна таандык экендигин аныктаган. Сот отурумунда шектүү аталган уюмга тиешеси жок экенин жана алардын идеологиясын жактабай турганын айткан. Бирок бир баланын атасы үч жылга эркинен ажыратылды.

Аялын өлтүрө сабап жоголгон эргул

Он жыл мурун мас болуп алып боюнда бар аялын түн ортосунда көчөдө катуу сабап койгон. Окуя болгон жерге тез жардам кызматы келип бети-башы канжалаган жаш келинди ооруканага алып кетип, милиционерлер кызыл камчыны колго түшүргөн. Бир күн өткөндөн кийин кош бойлуу аял эсине келбей ооруканада көз жумган. Ал эми камактагы эргул тергөө учурунда прокуратуранын имаратынан чыгып баратып погончондорго күч колдонуп качып кеткен. Адам өмүрүн алган шектүү он жыл жашынып жүрүп паспортун алмаштырып, башкага үйлөнүп, эки балалуу болгонго жетишкен. Эми зөөкүр он жыл темир тор артында болот.

Мыкаачы кылмышкер

Ширетүүчү болуп иштеген 51 жаштагы жаран улгайган аялдын үйүнө түн ортосунда кирип жеңил акча табууга аракет кылган. Пенсия курагындагы кожейке ойгонуп кеткен. Кылмышкер анын колу-бутун байлап зордуктап, андан соң муунтуп өлтүрүп, окуя болгон жерден кетип калган. Соттук-медициналык экспертиза аял аба жетпей көз жумгандыгын аныктаган. Эми мурда сот жоопкерчилигине тартылган мыкаачы 20 жыл өмүрүн абакта  өткөрүп, мамлекетке 100 миң сом төлөйт.

Элден 300 миң сомго жакын акча алып...

Кылмышка шектүү катары милициянын колуна түшкөн эркек Ош шаары менен Ош облусунун аймагында каржы пирамидасы менен алектенген. Ал жергиликтүү тургундардан ири суммадагы акча каражатын алып, аларды "иштебесеңер деле берген акчаңар ай сайын көбөйүп турат" деп ишендирген.

Жалпы ал шылуун элден 300 миң сомго жакын акча чогулткан. Жеңил акча табууга бел байлаган киши эми 80 миң сом айып пул төлөп, эки жыл сегиз ай темир тор артында болот.

0
Белгилер:
шектүү, өкүм, сот, кылмыш, Кыргызстан
Тема боюнча
Кыргызстанда көбүнчө кайсы курактагылар кылмыш кылат. Статистика