Кинорежиссёр, сценарист жана продюсер Эрнест Абдыжапаров

Абдыжапаров: кинолорду автордук жана коммерциялык деп бөлүү туура эмес

51
Кинорежиссёр, сценарист жана продюсер Эрнест Абдыжапаров фестивалдарда ийгилик жаратып, ошол эле учурда элдин сүймөнчүгүнө ээ болгон кинокартиналар бар экенин айтты.
Абдыжапаров: кинолорду автордук жана коммерциялык деп бөлүү туура эмес

Тартылган кинофильмдерди автордук жана коммерциялык деп бөлүү туура эмес. Бул тууралуу Эрнест Абдыжапаров Sputnik Кыргызстан радиосунун "Sputnikтен сүйлөйбүз" программасында маек куруп жатып билдирди.

Анын айтымында, сапаттуу кино элдин салымы менен тартылып, агартуучулук ролду да аткаруусу зарыл.

"Советтер Союзу ыдыраганда кинолорду коммерциялык жана автордук деп туура эмес которушкан. Мурда бөлүнүп каралчу эмес. Сапаттуу тасмага жогорку категория берилип бүткүл союзга көрсөтүлчү. Ал эми начар тартылгандарга төмөнкү категория ыйгарылып, ал беш-алты нуска менен чектелип калчу. Учурда болсо автордук тасмалар жогору бааланып, ошол эле учурда коммерциялык кино төмөнүрөөк сыпатталып кыргыз киносу бөлүнүп, бири-бирине карама-каршы коюлууда. Чынында кыргыздын киносу сапаттуу тартылып, элге сатылып, ошол эле учурда коомду да тарбиялашы зарыл. Булар бири-бирин толуктап тургандай шарт түзүлүшү керек", — деди Абдыжапаров.

Режиссер учурда фестивалга барууну же пайда табууну гана көздөп эптеп-септеп кино тарткандар дагы бар экенин кошумчалады.

Эске салсак, 1994-жылдан бери, 17-ноябрь —  Кыргыз киносунун күнү катары белгиленип келет.

51
Белгилер:
сапат, фестиваль, кино, Эрнест Абдыжапаров
Тема боюнча
Кино менен театрдын залкарларын чогулткан. "Көчө" тасмасындагы ирмемдер
Акыйкатчы аппаратынын балдардын, аялдардын жана үй-бүлөнүн укугун коргоо бөлүмүнүн башчысы Гүлзина Бообекова

Бообекова: иш ордунда укугу тебеленген кыз-келиндер жардам ала алат

38
(жаңыланган 14:54 04.12.2020)
Акыйкатчы аппаратынын балдардын, аялдардын жана үй-бүлөнүн укугун коргоо бөлүмүнүн башчысы Гүлзина Бообекова кыз-келиндер жумуш ордунда укугу тебеленген учурда тиешелүү органдарга көп кайрылбай келерин айтты
Бообекова: иш ордунда укугу тебеленген кыз-келиндер жардам ала алат

Кыргызстанда адам укугу бузулган учурда 115, 111 же 102 телефондоруна чалса болот. Бул тууралуу Гүлзина Бообекова Sputnik Кыргызстан радиосунун эфиринде маек куруп жатып билдирди.

Анын айтымында, өлкөдө жарандык жоопкерчилик төмөн болууда.

"Бизде балдардын же аялдардын укугу бузулган учурлар көп. Анткени бул маселелер боюнча коомчулук тартынбай кайрылганга үйрөнүп калды. Бирок ошол эле учурда кыз-келиндердин кызмат ордунда укугу бузулса, ачык айткандан уялышат. Буга биздин менталитет бир жагынан жол бербесе, экинчиден, кайрылган күндө да тергөөчүлөр ишти дыкат карабай коюп жатышат. Андыктан биз коомчулукту бул маселеде ачык болууга үйрөтүшүбүз керек. Эгер жумуш ордунда аялга карата орой мамиле, ыксыз тийишүүлөр болсо, тартынбай 115 номерине чалыңыздар", — деди Бообекова.

Ал жарандар кошунанын үйүндө же көчөдө болуп жаткан ызы-чууга кайдыгер карабай тиешелүү органдарга кайрылуусу зарыл экендигин кошумчалады.

38
Белгилер:
мамиле, кызмат, укук
Тема боюнча
Көлөпов: ИИМдин убактылуу кармоочу жайында 30 адамдан пневмония чыкты
Саякбай Каралаев атындагы сыйлыктын ээси, манасчы Замир Баялиев

Баялиев: манасчылар медициналык жактан изилдене баштады

20
(жаңыланган 14:06 04.12.2020)
Саякбай Каралаев атындагы сыйлыктын ээси, манасчы Замир Баялиев манасчылар жыл бою мектепке, университетке барып, бардык чакырган жерден калбай манас айтып, сөз милдетинен кутулуп жатканын айтты.
Баялиев: манасчылар медициналык жактан изилдене баштады

Манасты жайылтуу боюнча иштер чабал жүрүп жатат. Бирок бул багытта иштер башталып, манасчылардын ден соолугу медициналык жактан изилдене баштады. Бул тууралуу Замир Баялиев Sputnik Кыргызстан радиосуна маек берип жатып билдирди.

Анын айтымында, эпос илимдин бардык багытында ар тараптуу изилденсе, көптөгөн ачылыштарды жасоого болот.

"Манасты" жайылтууда манасчылардын орду толгус. Аларга манас айтуу боюнча талап коюлбайт. Бул тууралуу өкмөткө же тийиштүү министрликке отчет дагы бербейт. Ошентсе дагы мектепке, университетке, деги эле чакырган жерге калтырбай барып, манас айтып берип сөз милдетинен кутулуп жатышат. Аны эч кимге колко кылган жок. 2013-жылы 4-декабрда "Манас" эпосу ЮНЕСКОнун материалдык эмес мурастар тизмесине катталгандан кийин бул багытта ишти күчөтүү керек эле. Бирок "Манасты" жайылтуу боюнча иштер чабал болуп жатат. Ошентсе дагы учурда бул багыттагы алгачкы кадамдар ташталып, Иса Ахунбаев атындагы медициналык академия тарабынан манасчыларды изилдөө иштери башталды. Мындан тышкары, эпосто кездешкен урма, үйлөмө жана башка музыкалык аспаптарды жасоо колго алынууда", — деди Баялиев.

Манасчы эпосту мамлекеттик деңгээлде даңазалоо 4-декабрь күнү эле жүргүзүлбөстөн, жыл бою ишке ашуусу керектигин кошумчалады.

Белгилей кестек, 2013-жылдын 4-декабрында "Манас", "Семетей", "Сейтек" үчилтиги ЮНЕСКОнун "Адамзат маданиятынын материалдык эмес маданий мурастарынын" тизмесине кирген. Ал эми 2015-жылы өкмөттүн токтому менен 4-декабрь —"Манас" эпосунун күнү деп жарыяланган.

20
Белгилер:
Манас, медицина, Манас эпосу, эпос
Тема боюнча
Саякбай манасчы жандай көргөн "Карачологу" менен. Таберик сүрөт
Конституциялык кеңешменин төрагасы Бекбосун Бөрүбашев. Архив

Бөрүбашев: парламентаризмди тандаган күндө да Конституцияны өзгөртүү керек

0
(жаңыланган 16:44 04.12.2020)
Буга чейин Жогорку Кеңештин депутаттары 10-январда президенттик шайлоо менен кошо мамлекеттик түзүлүштү аныктоо үчүн референдум өткөрүү боюнча мыйзам долбоорун карашкан.

БИШКЕК, 4-дек — Sputnik. Эгер референдумда жарандар парламенттик башкаруу формасына добуш бере турган болсо, азыркы Конституцияны баары бир жаңыртуу керек. Бул тууралуу Конституциялык кеңешменин төрагасы Бекбосун Бөрүбашев маалымат жыйын учурунда билдирди.

"Эл 10-январда "бизге парламенттик башкаруу керек" деген күндө дагы азыркы Конституцияны жаңыртуу зарыл. Бул Баш мыйзамдын көп кемчиликтери бар. Ал кемчиликтерди парламенттик башкаруу формасын колдоп жаткандар да, биз дагы билебиз. Башкаруу формасы боюнча маселе Конституцияда бир нече маселелердин бири гана", — деди Бөрүбашев.

Буга чейин Жогорку Кеңештин депутаттары 10-январда президенттик шайлоо менен кошо мамлекеттик түзүлүштү аныктоо үчүн референдум өткөрүү боюнча мыйзам долбоорун карашкан.

Маалым болгондой, аталган мыйзам долбоорунун автору — Акылбек Жапаров. Эгер ал кабыл алынса, анда кыргызстандыктар президенттик же парламенттик башкарууну тандашат.

Мыйзам долбооруна добуш берүү азырынча боло элек.

0
Белгилер:
президент, парламент, башкаруу, конституция
Тема:
Жаңы Конституциянын долбоору жана референдум
Тема боюнча
"Атаңа, энеңе бар" кылбайлы. Депутат Ормонов референдумду тездетүүгө чакырды
ЖК юристи: референдум өтпөсө депутаттар мөөнөтүн дагы 6 айга узартып алса болот