Эне жана баланы коргоо улуттук борборунун курч респиратордук патология бөлүмүнүн башчысы, Саламаттык сактоо министрлигинин штаттан тышкаркы башкы балдар пульмонологу Динара Кабаева

Кабаева: коронавирус пневмониясын 14-15 жаштагы балдар оор көтөрүүдө

157
Эне жана баланы коргоо улуттук борборунун курч респиратордук патология бөлүмүнүн башчысы, Саламаттык сактоо министрлигинин штаттан тышкаркы башкы балдар пульмонологу Динара Кабаева балдардын иммунитети алсыз болгондуктан аларды көпчүлүккө аралаштырбоого чакырды.
Кабаева: коронавирус пневмониясын 14-15 жаштагы балдар оор көтөрүүдө

Кичинекей балдардын тамактануусунан көп нерсе көз каранды. Өзгөчө азыркы убакта аларга иммунитетин көтөргөн азык-түлүк берген оң. Ал эми ымыркайларды сөзсүз түрдө эмизүү керек. Эне сүтүндө ооруларга каршы даяр антитело болот. Бул тууралуу Динара Кабаева Sputnik Кыргызстан радиосунун эфиринде маек куруп жатып билдирди.

Анын айтымында, үйдө отурган балдар инфекциялык ооруларды сырттан келген чоң кишилерден жугузуп алууда.

"Дем алуу тутумунун оорулары балдар арасында биринчи орунда турат. Бул көйгөй ар кандай курактагы балдарга тиешелүү. Алар көбүнчө бронхит, пневмония жана жогорку дем алуу жолдорунун инфекциялары менен ооруйт. Муну өз убагында дарылабаса вирус төмөнкү дем алуу органдарына түшүп, илдет ырбап кетет. Бала жөтөлүп, тумоолоп, температура болсо, эмчектеги балдар эме албай калса, ата-эне аны дароо педиатрга алып барышы керек. Дарыгер вирус өпкөгө түшүп, пневмония күчөп кете электе дарылаганга жетишет. Коронавирус рецепторлорго жабышып алуу үчүн S-белокту – ACE2 ферментти колдонот, ал чоң кишилерде көп болот. Ал эми балдарда аз болгондуктан алар ооруну жеңил көтөрүп жатышат. Бирок 14-15 жаштагы балдар бул оорудан кыйналып, оор абалга кабылгандары да бар. Аларды чоң кишилердей эле дарылап жатабыз. Андан тышкары, Кавасаки оорусу менен катталган балдар бар, бирок аз. Аларды дарылоо ыкмасы да даяр", — деди Кабаева.

Дарыгер өлкөбүздө дарыгер-пульмонолог жана жалпы эле педиатрлар өтө аз экенин кошумчалады.

157
Белгилер:
коронавирус, балдар, пневмония
Тема:
Коронавируска байланыштуу Кыргызстандагы кырдаал (2430)
Тема боюнча
Эне жана баланы коргоо борборунда 200 млн. сомдук жаңы корпус ачылды. Сүрөттөр
Кыргыз азиздер федерациясынын жетекчиси Гүлназ Жүзбаева

Жүзбаева: азиз адамдарды коомдон алыстатпоо максатында федерация ачылды

20
Кыргыз азиздер федерациясынын жетекчиси Гүлназ Жүзбаева көзү көрбөгөн адамдарга өз укуктарын коргоого, өз алдынча иш кылууга, адамдарга аралашууга мүмкүнчүлүк берсе коомдо өнүгүү болорун айтты.
Жүзбаева: азиз адамдарды коомдон алыстатпоо максатында федерация ачылды

Көзү азиз адамдар түрдүү туура эмес ойлорду четке кагып, коомдо ордун табууга толук мүмкүнчүлүгү бар. Бул тууралуу Гүлназ Жүзбаева Sputnik Кыргызстан радиосунун эфиринде маек куруп жатып билдирди.

Анын айтымында, федерация окуучуларды акысыз алты айдын ичинде күнүмдүк жашоого керектүү бардык иштерди жасоого үйрөтөт.

"Федерацияны 2017-жылы Кыргызстанда жашаган активдүү, позитивдүү көзү азиз адамдар менен бирге түзгөнбүз. Негизги максатыбыз — көзү көрбөгөндөрдүн коомго болгон жана коомдун көзү азиздерге болгон мамилесин өзгөртүү. Учурдагы ишибиз окуучуларыбызга өз алдынча басууну, жашоону, өзүнүн жумушун өзү аткарууну, укуктарын коргоону үйрөтүү болуп саналат. Алты айлык тренингде жашоодо керек болгон усулдарды үйрөтөбүз. Анда алар биздин шарттарды аткарууга тийиш. Окутууга Кыргызстандын булуң-бурчунан келип, биринчи жолу шаардын шартында өз алдынча жашап башташат. Бул мөөнөттө Брайль арибин окуганды, компьютер, смартфон колдонгонду, таякча менен басканды жана англисче, орусча тилдерди үйрөнүшөт. Үй жумуштарын, тамак жасаганды, үй жыйнаганды үйрөтөбүз. Мындан тышкары, чуркап, сууда сүзүп, тандем велосипеддерди тээп спорт менен да машыгышат", — деди Жүзбаева.

Ошондой эле жетекчи Азиздер федерациясынын бүтүрүүчүлөрүнө иш таап берүүгө да көмөктөшөрүн кошумчалады.

20
Белгилер:
тренинг, жардам, азиз
Тема боюнча
КРде майып балдар үчүн мобилдик тиркеме иштелип чыгып, ата-энелерге сунушталды
Юстиция министрлигинин алдындагы мамлекет кепилдеген юридикалык жардамды координациялоо боюнча борбордун директорунун орун басары Жылдыз Рыскулова

Рыскулова: акысыз юридикалык жардамды онлайн дагы алса болот

41
(жаңыланган 10:58 03.12.2020)
Юстиция министрлигинин алдындагы мамлекет кепилдеген юридикалык жардамды координациялоо боюнча борбордун директорунун орун басары Жылдыз Рыскулова кимдер акысыз юридикалык көмөк алса боло турганын түшүндүрүп берди.
Рыскулова: акысыз юридикалык жардамды онлайн дагы алса болот

Республика боюнча 28 борбордо жарандарга акысыз юридикалык жардам берилүүдө. Учурдагы эпидемиологиялык кырдаалды эске алуу менен аны онлайн дагы алса болот. Бул тууралуу Жылдыз Рыскулова Sputnik Кыргызстан радиосуна маек берип жатып билдирди.

Анын айтымында, иш-чарага тийиштүү мамлекеттик органдар жана студенттер көмөктөшүүдө.

"Калкка бекер юридикалык көмөк көрсөтүү боюнча декада өтүп жатат. Ал 30-ноябрда башталып, 5-декабрга чейин уланат. Аймактык юстиция башкармалыктарында 28 атайын борбор бар. Ошол жактан жарандар юридикалык консультация алышууда. Бул кызматты юристтер, жактоочулар көрсөтүп жатышат. Мындан тышкары, өнөктүккө Юстиция министрлигинин кызматкерлеринен тышкары Социалдык фонддун, Мамлекеттик каттоо кызматынын, Эмгек жана социалдык өнүктүрүү министрлигинин, Миграция кызматынын кызматкерлери кошулуп, жарандарга юридикалык кеңеш беришүүдө. Буга кошумча, коммерциялык уюмдар менен биргеликте юридикалык факультеттин студенттери дагы бул иш-чараны уюштурууга активдүү катышты. Быйылкы эпидемиологиялык абалды эске алып, бул кызматтарды онлайн алууга да мүмкүндүк түзүлдү", — деди Рыскулова.

Ошондой эле ал аз камсыз болгон жарандарга акысыз адвокат кепилденгенин кошумчалады.

41
Белгилер:
декада, эл, юридикалык жардам
Тема боюнча
Кыргызстанда элге бекер юридикалык жардам көрсөтүү башталды
Массалык мушташ. Архив

Түндө ЦУМда массалык мушташ чыгып, 15 киши кармалган. Милициянын видеосу

0
(жаңыланган 22:21 03.12.2020)
Жерине кайгуул милициясынын бир экипажы жөнөтүлүп, бирок кишинин көптүгүнө байланыштуу дагы экөө жиберилген. Бирок интернетте андан көп барганы айтылат.

БИШКЕК, 3-дек. — Sputnik. Бүгүн, 3-декабрга караган түнү, Бишкектеги "Айчүрөк" дүр-дүйнө дүкөнүнүн (ЦУМ) жанында массалык мушташ чыгып, 15 киши кармалган. Бул тууралуу Милициянын кайгуул кызматы билдирди.

"Короче" Telegram-каналында ЦУМдун жанында милициянын тогуз унаасы өтүп бараткан видео жүктөлдү.

Бирок кайгуул кызматынын билдиргенине караганда, окуя болгон жерге үч экипаж гана жөнөтүлгөн.

"3-декабрга караган түнү саат 2:30да 102 кызматына ЦУМдун жанында массалык мушташ тууралуу кабар түшкөн. Жерине кайгуул милициясынын бир экипажы жөнөтүлгөн. Бирок кишинин көптүгүнө байланыштуу дагы экөө жиберилген", — деп айтылат маалыматта.

Мушташ токтотулуп, 15тей адам Свердлов райондук милициясына алып келинген. 

0
Белгилер:
унаа, милиция, мушташ, ЦУМ, Бишкек
Тема боюнча
Ош шаарында милиционер менен тургундар мушташа кетти. Видео