Билим берүү жана илим министрлигинин Мектепте жана мектептен тышкаркы билим берүү башкармалыгынын башчысы Марат Усеналиев. Архив

Усеналиев: олимпиадаларды декабрда баштоону пландап жатабыз

38
Билим берүү жана илим министрлигинин Мектепте жана мектептен тышкаркы билим берүү башкармалыгынын башчысы Марат Усеналиев 2020-2021-окуу жылында олимпиадалар өткөрүлөрүн айтты.
Усеналиев: олимпиадаларды декабрда баштоону пландап жатабыз

Быйыл олимпиадаларды декабрь айында өткөрүүнү пландаштырып жатабыз. Бул тууралуу Марат Усеналиев Sputnik Кыргызстан радиосунун эфиринде маек куруп жатып билдирди.

Анын айтымында, билим жарышынын кандай режимде өтөрү азырынча белгисиз.

"Жыл сайын билим олимпиадалары ноябрь айында өтчү. Пандемияга байланыштуу быйыл декабрга жылдырдык. Өткөрбөй коюуга акыбыз жок. Анткени ага катышуу ар бир окуучунун укугу. Кырдаал кандай болгон күндө да биз окуучуларыбыздын укугун чектебешибиз керек. Андыктан мектептерде өтө турган биринчи этабы декабрь айына белгиленди. Олимпиадалар реалдуу режимде өткөрүлөт, эгер абал мүмкүнчүлүк бербесе, онлайн тартибинде уюштурууга да даярбыз", — деди Усеналиев.

Педагог өзү каалаган окуучулар да олимпиадага жеке демилгеси менен келип катыша аларын кошумчалады.

38
Белгилер:
пандемия, билим, олимпиада, Марат Усеналиев
Тема боюнча
Сайназаров: директорлор мектептин чарбалык иштери менен эле алектенип калышты
Дефектолог Жазгул Аманбек кызы

Аманбек кызы: угуусу начар балдарды окутуу үчүн тиркеме иштелип чыкты

41
(жаңыланган 15:14 27.11.2020)
Дефектолог Жазгүл Аманбек кызы жаңсоо тилин үйрөнүп жаткан балдар бир учурда эле эки-үч тилди үйрөнүп жаткандай болорун айтты.
Аманбек кызы: угуусу начар балдарды окутуу үчүн тиркеме иштелип чыкты

Угуусу начар жана укпаган балдарды окутуу үчүн атайын тиркеме иштелип чыкты. Бул тууралуу Жазгүл Аманбек кызы Sputnik Кыргызстан радиосуна маек берип жатып билдирди.

Анын айтымында, тиркеме улуттук колоритке басым жасалуу менен ишке ашырылган.

"Балдарды жаңсоо тилине үйрөткөн атайын тиркеме иштеп чыгуу идеясы көптөн бери бар болчу. Бирок аны ишке ашыруу мүмкүн болбой келген. Себеби ага техникалык жактан көмөк керек болчу. Бактыга жараша, бул жагынан тилектеш адамдарга кезигип, биргеликте иш алып баруу менен ушундай натыйжага жеттик. Аталган тиркемени көчүрүп алуу бекер. Арифметика деген бөлүмдө сандар, кошуу, кемитүү ыкмалары көрсөтүлгөн. Ал эми "менин үй-бүлөм" бөлүмүндө идиш-аяк, эмерек, үй жана жапайы жаныбарлар боюнча окутулат. Мындан тышкары, айлана-чөйрө деген бөлүмү бар. Окутуу жеңил болушу үчүн сүрөттөр, ар бир тамганын кол менен көрсөтүлгөнү дагы бар. Мындан тышкары, балдардын кызыгуусу тарап кетпеши үчүн оюн түрүндөгү тесттер дагы киргизилди", — деди Аманбек кызы.

Дефектолог ата-энелер үч жашка чейинки балдарына өзгөчө көңүл бөлүп, алардын угуу, сүйлөөсү жайында экенине маани бере жүрүшү керектигин кошумчалады.

41
Белгилер:
жугуу, окутуу, тиркеме, ата-эне
Тема боюнча
Балдар менен ар кыл тилде сүйлөшкөн болбойт. Логопед-дефектолог менен маек
Акыйкатчы институтунун өкүлү Альберт Көлөпов

Көлөпов: ИИМдин убактылуу кармоочу жайында 30 адамдан пневмония чыкты

104
Акыйкатчы институтунун өкүлү Альберт Көлөпов ШИИБге караган 60 орундуу убактылуу кармоочу жайда 100 адам кармалып турганын айтты.
Көлөпов: ИИМдин убактылуу кармоочу жайында 30 адамдан пневмония чыкты

ШИИБдин карамагындагы мыйзам бузган жарандарды 48 саат кармоочу жайда 30 адам пневмонияга чалдыккан. Бул тууралуу Альберт Көлөпов Sputnik Кыргызстан радиосунун эфиринде маек куруп жатып билдирди.

Анын айтымында, аталган 30 адамга медициналык жардам көрсөтүү көйгөйлөрү курч турат.

"ИИМдин ШИИБине караштуу убактылуу кармоочу жайы 60 адамга ылайыкташкан. Бирок анда учурда 100 адам бар. Алардын 30унан пневмония аныкталган. Вирустук диагноз менен СИЗОго да алынбай, кадимки жарандык ооруканаларга да кайрыла алышпай, начар шартта отурушат. Керектүү медикаменттер жетишсиз, болгону бир фельдшер иштейт. Сыз, тар жерде отурган бул адамдардын ден соолугуна көңүл буруп, абалды жөнгө салуу үчүн биз коронавирус менен күрөшүү боюнча түзүлгөн Республикалык штабга кайрылуу жиберебиз", — деди Көлөпов.

Ал адам өлүмү каттала электе ыкчам чара көрүү зарылдыгы турганын кошумчалады.

104
Белгилер:
көйгөй, вирус, укук
Тема боюнча
Сооронбаев: өзүм билемдик менен рентген, компьютердик томографияга түшпөгүлө
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

0
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

0
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео