Жаза аткаруу мамлекеттик кызматынын башчысы Аскат Эгембердиев

Эгембердиев: абактагылар өздөрүн, айрым мекемелерди азык-түлүк менен камсыздоодо

206
Жаза аткаруу мамлекеттик кызматынын башчысы Аскат Эгембердиев аталган кызматтын максаты соттолгондорду тарбиялоо, ресоциализациялоо экенин айтты.
Эгембердиев: абактагылар өздөрүн, айрым мекемелерди азык-түлүк менен камсыздоодо

Абактагыларга тарбиялык иштер өткөрүлүп, билим берилип, пайдалуу коомдук жумуш менен камсыз болууда. Тартипти сактоо боюнча борбордук аппаратта былтыр анализ жана мониторинг борборун, маалыматтык технологиялар жана байланыш башкармалыгын ачтык. Мекемелерге 800дөн ашык видеокамера орнотулду. Бул тууралуу Аскат Эгембердиев Sputnik Кыргызстан радиосунун эфиринде маек куруп жатып билдирди.

Анын айтымында, абакта жатып иштегендер аткарган жумушуна жараша орто эсеп менен 3500 сом айлык алат.

"Коомдук жумушка келсек, жатак абактардагы соттолгондордун күчү менен быйыл 460 тоннадан ашык картошка, 50 тонна сабиз, 60 тонна пияз, үч тонна помидор, сегиз тонна капуста жана 30 тоннадан ашык кызылча алынды. Мындан тышкары, курулуш материалдарын жасоодо алты миллион бышкан, ал эми 100 миңден ашык чийки кирпич, 20 миңдей пескоблок чыгардык. Ошону менен бирге өзүбүздүн өндүрүш цехтер иштеп жатат. Азыркы учурда Кайгуул жана күзөт департаментин, айрым аскер бөлүктөрүнүн өздүк курамын нан менен камсыз кылып жатабыз. Бул жылы эле 55 миллион сомдук нан продукциясы алынды. Андан тышкары, Чүй өрөөнүндө 26-жатак абагындагылар мал чарбачылыгы менен да алектенип, өзүбүздү эт менен камсыз кылуудабыз. 800дөн ашык тооктон 145 миң даана жумуртка жана 19 тоннадан ашык сүт азыктары алынды", — деди Эгембердиев.

Полковник абакта жаткандар түзүлгөн шартка ылайык 22 кесип боюнча билим алышарын жана аларга кесиптик училищелердин педагогдору сабак өтөрүн кошумчалады.

206
Белгилер:
түрмө, жаза, Аскат Эгембердиев
Тема боюнча
ЖАМК: абактагы 100дөй адам коронавирус жуктуруп алган, каза болгондору да бар
Билим берүүнү баалоо жана окутуу усулдары борборунун директору Чынара Батракеева

Батракеева: ЖРТга катталгандан кийин телефон номерди өзгөрткөнгө болбойт

2
Билим берүүнү баалоо жана окутуу усулдары борборунун директору Чынара Батракеева ЖРТга катталгандан кийин абитуриенттер телефон номерин өзгөртпөй турушу керектигин айтты.
Батракеева: ЖРТга катталгандан кийин телефон номерди өзгөрткөнгө болбойт

Онлайн катталууда бүтүрүүчү өзүнүн же болбосо ата-энесинин туруктуу номерин бериши керек. Анткени системага кирүү үчүн логин катары пайдаланылат. Бул тууралуу Чынара Батракеева Sputnik Кыргызстан радиосунун эфиринде маек куруп жатып билдирди.

Анын айтымында, быйыл ЖРТга каттоо www.testing.kg дарегиндеги борбордун сайтында жүргүзүлөт.

"Жалпы республикалык тестирлөөгө катталгандан кийин абитуриенттер телефон номерин алмаштырбай турушу зарыл. Себеби ЖРТга катталууда арыз ээси сайттагы жеке кабинетине кирүү үчүн өзүнүн телефон номерин көрсөтөт. Ал кирүү үчүн логин болот да, ага сыр сөз  берилет. Кийин ушул эле логин келечекте ЖОЖдорго онлайн кабыл алуу үчүн колдонулат. Ошондуктан окууга тапшырып бүтмөйүн номер алмаштырбай туруңуздар", — деди Батракеева.

Адис негизги жана ар бир кошумча предмет үчүн каттоо акысы 370 сом экенин кошумчалады.

2
Белгилер:
окуу, ЖОЖ, абитуриент, ЖРТ, Чынара Батракеева
Тема боюнча
Быйыл бүтүрүүчүлөр ЖРТга жаңы эреже менен катталат. Шарт-талабы
Мурдагы вице-премьер Максат Мамытканов. Архивдик сүрөт

Мамытканов: вицелик сунушталганда бирөөнүн галстук, костюмун кийип кирдим

153
(жаңыланган 13:28 06.03.2021)
Мурдагы вице-премьер Максат Мамытканов 2020-жылдын октябрь айында болуп өткөн окуялардан кийин аталган кызматка кандайча келип калганын айтып берди.

Вице-премьерлик сунушталып, телефон шыңгыраганда митингге кетип бара жаткам. Анан бирөөнүн галстугун тагынып, костюмун кийип резиденцияга кирип кеттим. Бул тууралуу Максат Мамытканов Sputnik Кыргызстан радиосунда маек куруп жатып билдирди.

Мамытканов: вицелик сунушталганда бирөөнүн галстук, костюмун кийип кирдим

Анын айтымында, Садыр Жапаров премьер-министрдин милдетин аткарып турганда ага өкмөт курамында бирге иштешүүнү сунуштаган.

"Садыр Нургожоевич үчүнчү жолу депутаттар тарабынан шайланды. Ошол учурда митингге кетип жаткам. Телефондон резиденцияга келип калуумду, баягы айтылган сөз боюнча вице-премьерликке сунушталып, өкмөттүн курамына кире турганымды маалымдашты. Дароо эле резиденцияга бардым. Ал жерден өкмөттүн аппаратында иштеген бала "сиз өкмөт курамына кирип жатасыз, галстугу жок болбойт" деп костюмун жана галстугун берди. Ошентип ишим башталды. Ал кызматта үч жарым ай турдум. Январдын 15 күнүнө 20 миң сомдон ашык маяна алдым. Ал эми андан кийинки эки айда алган маянам айына 40 миң сомдон ашкан жок. Анан президенттик шайлоо бүткөндө өкмөттү оптимизациялоо боюнча комиссиянын иши жыйынтыкталды. Баарыбызга кызмат жетпесин түшүнүп, отставкага кетүү чечимин кабыл алдым", — деди Мамытканов.

Ал өкмөттүн учурдагы курамы утурумдук экенин белгилеп, кийин кызмат сунушталса бара турганын кошумчалады.

153
Белгилер:
маяна, өкмөт, Максат Мамытканов
Тема боюнча
Кайсы орган жоюлуп, кимиси кимге баш ийип калды? Өкмөттөгү өзгөрүүлөргө саресеп