Билим берүү жана илим министри Алмазбек Бейшеналиев. Архивдик сүрөт

Министр: биз билимди сатып жаткан мамлекетпиз

Билим берүү жана илим министри Алмазбек Бейшеналиев 2021-жылдан тарта ЖОЖдордо өлкөдө мурда болуп көрбөгөн багыттар боюнча окуу факультеттери ачыларын айтты.

Учурда Кыргызстанга чет өлкөлөрдөн келип билим алган 40 000ге жакын студент бар. Алар бюджетке 200-300 миллион доллар каражат алып келишүүдө. Бул тууралуу Алмазбек Бейшеналиев Sputnik Кыргызстан радиосунун эфиринде маек куруп жатып билдирди.

Министр: биз билимди сатып жаткан мамлекетпиз

Анын айтымында, 2020-2030-жылдар аралыгында кайсы адистиктер канча санда керек болорун аныктаган долбоор ишке кирди.

"Учурда Кыргызстанда 68 ЖОЖ бар. Анын жарымы мамлекеттик болуп эсептелет. Жогорку окуу жайларын кыскартуу, ишин оптимизациялоо боюнча ар кандай сөздөр айтылып келет. Бирок санын азайтып, лицензиялык чектөөлөрдү киргизүү менен маселе чечилбейт. Экинчи тарабынан мындай кадамдар биздин бир топ мыйзамга карама-каршы келет. Андыктан жогорку билим берүү багытын оптималдаштырууда биз адистиктерге басым жасашыбыз зарыл. Жыйынтыгында турмуш талап кылып жаткан багыттар боюнча билим берген окуу жайлар атаандаштыктын негизинде өздөрү эле алдыга озуп чыгышат", — деди Бейшеналиев.

Ошондой эле министр келечекте эки-үч кесиптин башын бириктирген IT-медицина, агроном-менеджер деген сыяктуу факультеттер ачылуусу зарылдыгын кошумчалады.

Белгилер:
келечек, билим берүү, ЖОЖ, Алмазбек Бейшеналиев
Тема боюнча
Кыргызстандыктарга Венгрияда бекер билим алууга 150 орун бөлүндү. Шарт-талабы
Музыка ышкыбозу Чынтемир Акбарали уулу

Акбарали уулу: рок-музыканы кыргыз тилинде жайылтуу керек

(жаңыланган 14:20 15.04.2021)
Музыка ышкыбозу Чынтемир Акбарали уулу рок-н-роллду кыргыз тилинде жайылтып, коомдогу актуалдуу маселелерди көтөрүп чыкса болорун айтты.

Рок-н-ролл Кыргызстанда өтө кеңири өнүкпөгөндүктөн, жанрды коомго жайылтуу оор болуп жатат. Бул тууралуу Чынтемир Курсанали уулу Sputnik Кыргызстан радиосунун эфириндеги маек учурунда билдирди.

Акбарали уулу: рок-музыканы кыргыз тилинде жайылтуу керек

Анын айтымында, өлкөдө аталган музыкалык жанрдын өнүгүшүнө Виктор Цой баштаган "Кино" советтик рок-группанын салымы чоң.

"Мен кичинекей кезимен рок угуп жүргөндүктөн бул жанрда музыка жазып көрүүнү чечтим. Бүбүсара Бейшеналиева атындагы маданият жана искусство университетинде окуп жүргөндө ырчы Алишер Тоотаев жазган салттуу ырды алып, гитаранын ыргагына салып ойноп көргөм. Башында баарына жагып, режиссёр таап, клип да тартканбыз. Бирок радио, телевидениелер биздин чыгарманы кабыл албай, эфирге чыгарбай коюшкан. Биз атайын рок-барларга барып, чакан аудиторияга чыгармабызды тартуулап баштаганбыз. Көп башка улуттар рок-н-роллду эне тилинде ырдап, популярдуу болуп келишет. Ошондуктан биз дагы эне тилде ырдап чыгууну туура көрдүк. Азыр деле кыргыз тилиндеги рок музыкасын жайылтуунун аракетиндебиз. Өз тилибиз аркылуу коомдогу көйгөйлүү маселелерди алып чыксак болот. Бул жанрды коомго жайылтуу оор болууда", — деди Акбарали уулу.

Ошондой эле ырчы Кыргызстанда рок-музыка өткөн кылымдын 70-80-жылдарында эле жарала баштаганын кошумчалады.

Белгилер:
Чынтемир Акбарали уулу, музыка
Тема боюнча
Димаш Кудайбергендин казакча рэп жаңырган англис тилиндеги ыры жарык көрдү
Экономист Нургүл Акимова. Архив

Экономист: азык-түлүк тартыштыгынан чыгуу өлкө саясатынан көз каранды

(жаңыланган 14:19 15.04.2021)
Экономист Нургүл Акимова азык-түлүк тартыштыгы жалпы дүйнөдө эмес, Кыргызстанда гана болуп жаткандыгын айтты.

Учурда өлкөдө экономикалык эмес, саясий кризис өкүм сүрүүдө. Мындай пикирин Нургүл Акимова Sputnik Кыргызстан радиосуна маек куруп жатып билдирди.

Экономист: азык-түлүк тартыштыгынан чыгуу өлкө саясатынан көз каранды

Анын айтымында, коронавирустан улам дүйнөдө оор кырдаал жаралганы менен азык-түлүк тартыштыгы жок.

"Кыргызстан негизинен импорттон көз каранды өлкө. Ошондуктан азык-түлүк тартыштыгы болуп жатат. Бизден айырмаланып, башка мамлекеттерде мындай көрүнүш жок. Мисалы, ун Казакстандан келет, ал жакта фондулук биржа өнүккөн. Андагы маалыматтарга ылайык, коңшу өлкөдө ундун тартыштыгы дээрлик жок. Пандемиянын кесепетин алар деле тартты, бирок азык-түлүк тартыштыгы келип чыккан жок. Тескерисинче, өндүрүлгөн продукциялар логистикалык көйгөйлөрдөн улам сатылбай, кампаларда ашыгы менен туруп калды. Ошондуктан учурдагы өлкөдөгү абал экономикалык эмес, саясий кризис. Мындай учурда өлкө саясатын жүргүзгөн адамдар сүйлөшүүлөрдү жүргүзүп, келишимдерди түзүү менен абалды жөнгө сала алат. Эгерде башка өлкөлөрдүн биздин саясатчыларга ишеними болсо, товарларын бизге ыңгайлуу баада өткөрөт. Болбосо башка мамлекеттер менен иштешип, Кыргызстанга анчейин ишеним көрсөтпөй кое алышат. Андыктан азыркы азык-түлүк тартыштыгын жоюп, бааларды турукташтыруу чоң-чоң саясий чечимдерден көз каранды", — деди Акимова.

Экономист мындай учурдан чыгууда биринчи кезекте саясий күчтөрдүн ынтымагы жана коомдогу туруктуулук зор мааниге ээ экендигин кошумчалады.

Белгилер:
кризис, саясат, экономика, Нургүл Акимова
Тема боюнча
Кыргызстандыктардын жашоо минимуму 760 сомго жогорулады
Саламаттык сактоо жана социалдык өнүктүрүү министри Алымкадыр Бейшеналиев. Архив

Уу коргошун менен дарыланган адам өлүп калса ким жооп берет? Министрдин жообу

(жаңыланган 14:19 16.04.2021)
Буга чейин министр уу коргошунду түз эфирде ичип, аны туура даярдаган учурда зыянсыз экенин далилдөөгө аракет кылган. Эгер туура эмес даярдалса, адам беш мүнөттөн кийин өлүп каларын эскерткен.

БИШКЕК, 16-апр. — Sputnik. Саламаттык сактоо жана социалдык өнүктүрүү министри Алымкадыр Бейшеналиев "Ысык-Көл тамыры" аталышындагы чөп Кыргызстанда бир гана жерде өсөрүн айтты.

Эске салсак, ал коронавируска дары деп сунушталып жаткан "Ысык-Көл" тамыры чөбүнүн кайнатмасы боюнча журналисттерге маалымат жыйынын өткөрүп жатат. ЖМК өкүлдөрү министрге "эл арасында бул кайнатма менен өз алдынча дарыланып, жабыркагандар болсо ким жооп керет?" деген суроо беришти.

"Башкалар эч жерден таппайт. Анткени ал бир гана жерде өсөт, ал жерди биз курчап алып, казып жатабыз", — деди министр.

Буга чейин министр уу коргошунду түз эфирде ичип, аны туура даярдаган учурда зыянсыз экенин далилдөөгө аракет кылган. Эгер туура эмес даярдалса, адам беш мүнөттөн кийин өлүп каларын эскерткен.

Дүйнөлүк саламаттык сактоо уюмунун (ДССУ) Кыргызстандагы өкүлчүлүгү ДССУда уу коргошун коронавирустан дарылайт деген маалымат жок экенин белгилешти.

Белгилер:
Ысык-Көл тамыры, эл, коргошун, уу, Алымкадыр Бейшеналиев, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Адамзат коронавирустун жеткен чегинде турат. ДССУ ааламдагы абал тууралуу
Министр Бейшеналиев түз эфирде уу коргошун ичти. Видео
Министр Бейшеналиев: уу коргошун менен 300дөй кишини дарыладык