Сүрөтчү, Куттуу боз үй көргөзмөсүнүн автору Алтынай Осмоева

Осмоева: тогуз жылдан бери иштеп келе жаткан долбоорду энелерге арнайм

94
Сүрөтчү, "Куттуу боз үй" көргөзмөсүнүн автору Алтынай Осмоева иш-чараны өткөрүү идеясы тогуз жыл мурун пайда болгонун айтты.
Осмоева: тогуз жылдан бери иштеп келе жаткан долбоорду энелерге арнайм

Боз үй кыргыздын үй-бүлөсүнүн, улутунун, элинин биримдигин билдирет. Бизди түндүк бириктирип турат эмеспи. Көргөзмө да коомду биримдикке чакырат. Бул тууралуу Алтынай Осмоева Sputnik Кыргызстан радиосунун эфиринде маек куруп жатып билдирди.

Анын айтымында, көргөзмөгө коюлган костюмдар боз үйгө окшош.

"Куттуу боз үй" көргөзмөсүн өткөрүү идеясы тогуз жыл мурун эле келген. Англияда Central Saint Martins College of Arts and Design колледжинде кийим дизайны боюнча билим алып жатканда биринчи курста боз үйдүн негизинде костюм жасагам. Мугалимдер, курсташтарым таң калышып, жогорку баа беришкен. Ошондон улам Кыргызстанга барып чоң көргөзмө өткөрүшүм керек экен деп ойлоп койгом. Боз үйдүн архитектоникасы өзгөчө эмеспи. Ушул иш-чарага даярданып жатып көп нерсе үйрөндүм. "Алачык", "Кут", "Бата" жана "Мен, Теңир" инсталляцияларынын үстүнөн иштеп жатып боз үйдүн түзүлүшүн, кыргыздын каада-салтын, анын маанисин изилдеп, үйрөндүм. Мен бул көргөзмөнү бардык апаларга, чоң энелерге арнайм. Анткени боз үй — бул үй. Мен үйдү энелерибиз менен байланыштырам. Бул — жылуулук жана биримдик. Маданий мурас өткөнгө гана эмес, бизге да тиешелүү. Менин милдетим мурастардын терең маанисин жаңы медиа, искусство түрлөрү аркылуу калкка жеткирүү", — деди Осмоева.

Сүрөтчү көргөзмө Бишкек шаарында 25-декабрга чейин уланып, андан кийин өлкөнүн облустук музейлеринде, Ош, Нарын, Талас жана Ысык-Көлдө көрсөтүлөрүн кошумчалады.

94
Белгилер:
искусство, көргөзмө, сүрөтчү
Тема боюнча
Бишкекте бүгүн боз үйгө арналган көргөзмө башталат
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев

Ырысалиев: Кыргызстанда архивист билимин алган 12 гана адис бар

41
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев Мамлекеттик архив агенттиги Россияга билимин тереңдетип келүүгө адистерди жиберүү боюнча макулдашуулар жүрүп жатканын айтты.

Өлкөдө 65 мамлекеттик, 3000ден ашуун ведомстволук архивдер болсо, анда иштеген адистердин 12синин гана тиешелүү багытта диплому бар. Бул тууралуу Ашырали Ырысалиев Sputnik Кыргызстан радиосуна маек куруп жатып билдирди.

Ырысалиев: Кыргызстанда архивист билимин алган 12 гана адис бар

Анын айтымында, Архив агенттигинин өзүндө эле республика боюнча 500дөй кызматкер эмгектенет.

"Архив агенттигиндеги башкы көйгөйлөрдүн бири — кадр маселеси. Учурда архивист деген дипломдун ээси, башкача айтканда, мамлекеттик иш кагаздарын жүргүзүү жана сактоо боюнча атайын билими бар 12 гана кызматкерибиз иштейт. Алар мындан бир топ жыл мурда Кусеин Карасаев атындагы БГУда ачылган архивист факультетинен билим алгандар. Тилекке каршы, бул окуу бөлүмү 4-5 жылдан кийин жабылып калган. Азыр республикадагы бир дагы окуу жай бул кесипке адис даярдабайт. Андыктан биз башка мамлекеттер менен келишим түзүп, адистерибизди кыска мөөнөттүү же квалификациясын жогорулатуу боюнча окууларга жиберүүгө аргасызбыз. Бул маселе боюнча Түркия жана Россия менен тыгыз иштешүү алдында турабыз. Россияга аспирантурадан билимин тереңдетип келүү үчүн бизде иштеп жаткан ошол дипломдуу 12 адисти жиберүү боюнча макулдашылды", — деди Ырысалиев.

Адис эл аралык же жеке менчик багыттагы компаниялар да архив кызматкерин жумушка алуу боюнча кайрылуу жолдошорун, бирок бул багытта кадрдык резерв жок экендигин кошумчалады.

41
Белгилер:
көйгөй, кадрлар, архив
Тема боюнча
"Ак кемеде" жашаган Бала. Тасмадагы таберик сүрөт
Саламаттык сактоо министри Алымкадыр Бейшеналиев

Бейшеналиев: тармакты реформалоо медиктерди жумушсуз калтырбайт

64
Саламаттык сактоо министри Алымкадыр Бейшеналиев медициналык кызмат көрсөтүүлөрдү оптималдаштыруу боюнча иш баштаганынын себебин айтты.

Үй-бүлөлүк дарыгерлер тобун, стоматологиялык клиникаларды аймактык ооруканаларга кошуу, саламаттык сактоо уюмдарын бириктирүү жолу менен кайра уюштуруу эч бир дарыгерди жумушсуз калтырбайт. Бул тууралуу Алымкадыр Бейшеналиев Sputnik Кыргызстан радиосунун эфиринде маек куруп жатып билдирди.

Бейшеналиев: тармакты реформалоо медиктерди жумушсуз калтырбайт

Анын айтымында, кыскартуу административдик-башкаруу курамына гана таасирин тийгизет.

"Изилдөөнүн натыйжасында республиканын дээрлик бардык аймактык ооруканалары жана үй-бүлөлүк медицина борборлору бир эле аймакта жайгашкандыгы, функциялардын кайталанышы, лабораториялык жана диагностикалык жабдуулардын толук колдонулбаганы аныкталды. Азыркы учурда өлкөдө 380ге жакын дарыгер башчылары бар. Бир эле кичинекей аймакта 12 дарыгерлер жетекчиси, алардын 24 орун басары иштейт. Ошолордун бардыгы бир эле аймакта болуп бири-бири менен байланыш болбой калган. Анализдеп келсек баягы коронавирус пандемиясынын биринчи толкунунда бул система начар натыйжа берген. Азыр 356 медициналык уюмдардын 125и, 51 санэпидстанциянын 23ү калды. Ошентип кыскаруунун натыйжасында бир миллиард сом үнөмдөп, каражат саламаттыкты сактоо тутумунун актуалдуу көйгөйлөрүнө жумшалат", — деди Бейшеналиев.

Министр үй-бүлөлүк дарыгерлер борборлорун өнүктүрүү үчүн Бүткүл дүйнөлүк банктын өкүлдөрү менен сүйлөшкөнүн, алар 37 миллион доллар бөлгөнүн жана жакын арада дагы 13 миллион доллар берилерин кошумчалады.

64
Белгилер:
министр, кыскартуу, медицина, Алымкадыр Бейшеналиев
Тема боюнча
КРде медициналык мекемелерди кайра түзүү боюнча реформа башталды
Молодожены на свадьбе в Бишкеке

Бир мүнөттө үйлөнө калып жумушка чыккан полиция. Кытайдагы окуя

0
(жаңыланган 11:04 21.01.2021)
Ишинен бошобогон полиция кызматкери сүйүктүүсүнө баш кошууга түшкү тамактануу учурунда убакыт таап келген.

БИШКЕК, 21-янв. — Sputnik. Кытайда кайгуул полиция кызматкери бир мүнөттүн ичинде үйлөнүп, кайра дароо эле жумушка чыкты. Бул тууралуу "Известия" басылмасы кабарлады.

Салтанат Кытайдын Хэбей провинциясында өткөн. Анда жумушунан бошобогон полиция кызматкери түшкү тамактануу учурунда убакыт таап, келинчеги менен бир мүнөттүн ичинде үйлөнүп, кайра эле кызматына жөнөгөнү айтылат.

Түгөйлөр 15-январда баш кошкон.

0
Белгилер:
полиция, той, үлпөт, үй-бүлө, Кытай