Кыргызстандагы IT-компаниялар ассоциациясынын аткаруучу директору Ширин Муканбетова

Муканбетова: коронавирус учурунда IT тармагы тездик менен өстү

73
(жаңыланган 13:14 27.12.2020)
Кыргызстандагы IT-компаниялар ассоциациясынын аткаруучу директору Ширин Муканбетова пандемия учурунда IT тармагына көңүл буруу маанилүү экенин айтты.
Муканбетова: коронавирус учурунда IT тармагы тездик менен өстү

Кыргызстан океанга, деңизге чыгуу сыяктуу табигый мүмкүнчүлүктөр жагынан чектелгендиктен адам ресурсун пайдаланып, жаңы технологиялык заманда илим, билимге умтулушу керек. Мындай пикирин Ширин Муканбетова Sputnik Кыргызстан радиосунун эфиринде маек куруп жатып билдирди.

Анын айтымында, кыргызстандык IT-адистер дүйнөлүк ири компанияларга сапаттуу продукция сата баштады.

"Кыргызстанда адам ресурсу баалуу болгондуктан жаштарды IT тармагына үйрөтүп, башка өлкөлөр менен иштешип акча табуу жолун көрсөтүүдөбүз. Бул багыттагы адиске өз ишин алып баруу үчүн эч кандай чыгымдын кереги жок. Негизгиси тажрыйба, билим, компьютер жана интернет болсо жетиштүү. 2008-жылдан бери кыргыз жаштарын кызыктырып жатабыз. Ал эми 2011-жылы Жогорку технологиялар паркы негизделип, биздин жаштар IT-кызматты, IT-продуктуну экспортко чыгара башташты. Ошол учурда мыкты адистердин жетишсиздиги абдан байкалган. Алсак, мектептерде, ЖОЖдордо бул тармак боюнча сапатсыз билим берилип, көп көңүл бурулбай келген. Буга байланыштуу сапаттуу билим берген атайын курстарды ачып, аракеттерди көрүп келдик. Көбүнчө ата мекендик IT-компаниялар аутсорсингдик негизде иш алып барышат. Мисалы, башка ири компаниялар кыргызстандык адистерге буйрутма беришет. Ага жараша биздин адистер система, платформа, программаларды жасашат", — деди Муканбетова.

Ошондой эле ал кыргызстандык адистер чет мамлекеттерден бизнес процессиндеги автоматташтыруу, билим берүү, медицина, банк жаатында жана кардарлар менен иштөө платформаларын түзүү боюнча буюртмаларды алышарын кошумчалады.

73
Белгилер:
коронавирус, кесип, IT компаниялары
Тема боюнча
Кыргызстанда карантин маалында кадыры арткан кесиптер. Сереп
Инвестицияны илгерилетүү жана коргоо агенттигинин инвестициялык потенциалды өнүктүрүү бөлүмүнүн жетекчиси Илимбек Абдиев

Абдиев: Жерүй боюнча инвестор менен калктын ортосунда диалог болду

3
(жаңыланган 10:55 19.01.2021)
Инвестицияны илгерилетүү жана коргоо агенттигинин инвестициялык потенциалды өнүктүрүү бөлүмүнүн жетекчиси Илимбек Абдиев Жерүй кенинде жаңжалдын чыгуусуна эмне себеп болгонун айтып берди.
Абдиев: Жерүй боюнча инвестор менен калктын ортосунда диалог болду

Жерүйдө чатакка жергиликтүү калктын жумушсуздугу, социалдык-экономикалык абал себеп. Бул тууралуу Илимбек Абдиев Sputnik Кыргызстан радиосуна маек куруп жатып билдирди.

Анын айтымында, шайлоодон кийин инвестициялык климат жакшы жагына өзгөрүп жатканы байкалууда.

"Жерүйдө чатактын чыгуусуна жергиликтүү калктын жумушсуздугу, социалдык-экономикалык абал себеп болууда. Ошондой эле жергиликтүү тургундардын арасында колдогондор жана колдобогондор болуп, бөлүнүү бар экен. Мындан ары тирешүүнүн уланбашы үчүн инвестор менен калктын ортосунда диалог уюштурулду. Жергиликтүү тургундардын арасынан экология жаатында адистер бар болсо, тизмесин түзүү, бирдиктүү талаптарды коюу сунушталды. Тийиштүү маалыматтар Жерүйдүн жетекчилигине да, өкмөткө да жеткирилди", — деди Абдиев.

Ошондой эле ал облуста кээ бир социалдык объектилердин курулушуна каражат бөлүнсө да айрым себептерден улам бүткөрүлбөй турганын кошумчалады.

3
Белгилер:
калк, инвестор, ишкерлик
Тема боюнча
Кыргызстанга кандай инвестициялар тартыла турганы айтылды
Бишкек троллейбус башкармалыгы ишканасынын жетекчиси Талантбек Капаров

Капаров: бир троллейбусту толук ремонттон өткөрүүгө 150 миң сомдой керек

62
(жаңыланган 12:18 18.01.2021)
"Бишкек троллейбус башкармалыгы" ишканасынын жетекчиси Талантбек Капаров мекемеде эскилиги жеткен 27 троллейбус бар экенин айтты.
Капаров: бир троллейбусту толук ремонттон өткөрүүгө 150 миң сомдой керек

2020-жылы пандемия убагында 19 миллион жүргүнчү ташыдык. Бул 2019-жылга салыштырмалуу 10 миллион кишиге аз. Бул тууралуу Талантбек Капаров Sputnik Кыргызстан радиосунун эфиринде маек куруп жатып билдирди.

Анын айтымында, троллейбус айдоочуларынын айлык акысы 12-20 миң сомго жетет.

"Бишкек троллейбус башкармалыгында 183 троллейбус бар. 120 транспорт 11 маршрут боюнча линияга чыгып, каттамдарды тейлейт. Жалпы жамаатта 700дөй кызматкер иштейт. Ишканага 2013-жылы 79 жаңы троллейбус, 2018-жылы дагы 52си алынган. Ал эми 1989-1990-жылдары чыгарылган жалпы 27 троллейбустун эскилиги жеткендиги тууралуу мэрияга айтылды. 2020-жылдын башынан тарта "Тулпар" көзөмөл кызматы менен иштеше баштадык. Шаар тургундары электрондук билетке толугу менен өтсө жүргүнчүлөрдүн саны, бюджетке түшкөн каражат боюнча ачык-айкындуулук болот эле", — деди Капаров.

Жетекчи ошондой эле бир троллейбусту капиталдык ремонттон өткөрүүгө болжол менен 150 миң сом талап кылынарын кошумчалады.

62
Белгилер:
маршрутка, троллейбус, транспорт
Тема боюнча
"Бишкек троллейбус башкармалыгы" ишканасына жаңы жетекчи дайындалды
Спутник V менен эмдөө. Архивдик сүрөт

Казакстанда "Спутник V" менен эмдөөнү эртерээк баштамай болушту

0
(жаңыланган 11:04 19.01.2021)
1-февралдан тарта коңшу өлкөдө элдин вакцина алышы керек деген катмарына препарат сайыла баштаары белгилүү болду.

БИШКЕК, 19-янв. — Sputnik. Казакстан жарандарын "Спутник V" менен эмдөөнү эртерээк, тагыраагы, февралда баштай турган болду. Бул тууралуу Sputnik Казакстан саламаттык сактоо министри Алексей Цойго таянып жазды.

Мурдараак Медициналык жана фармацевтик көзөмөл боюнча комитет жетекчисинин орун басарынын милдетин аткарып жаткан Нурлыбек Асылбеков коронавируска каршы эмдөө февралдын аягында башталарын айткан эле.

Ошентип 1-февралдан тарта элдин вакцина алышы керек деген катмарына препарат сайыла баштаары белгилүү болду.

Министрдин айтымында, биринчи жарым жылдыкта 2 миллион жаран, экинчи жарым жылдыкта 3-4 миллион казакстандыктын коронавируска каршы эмдөөдөн өтүшү пландалууда.

Биринчи этапта жугуштуу илдеттер боюнча ооруканада, Тез жардамда иштегендер, санитардык эпидемиологиялык жана медициналык ар кыл кызматтагылар, педагогдор, студенттер, өнөкөт оорусу барлар вакцина алмакчы.

0
Белгилер:
эмдөө, вакцинация, коронавирус, Спутник V, Казакстан
Тема:
Дүйнөгө жайылган коронавирус
Тема боюнча
Коронавируска каршы эмделгенден кийин эмнелерди кылбаш керек. Кеңештер
КР калкынын канчасында коронавируска каршы антитело бар? Изилдөөнүн жыйынтыгы
Штаб: коронавирустун жайылуу темпи боюнча Кыргызстан жашыл зона