Радиостудия Sputnik Кыргызстан в Бишкеке - Sputnik Кыргызстан
Радио

Алымбек кызы: дебюттук тасмамды табигый жарыктын жардамы менен тарттым

© Sputnik / Асель СыдыковаЖаш режиссер Айзада Алымбек кызы
Жаш режиссер Айзада Алымбек кызы - Sputnik Кыргызстан
Жазылуу
Жаш режиссер Айзада Алымбек кызы "Үмүт" кинофорумунда "Мыкты режиссура" номинациясын жеңип алган "Кат" тасмасы толук күндүн табигый нуру менен тартылганын айтты.
Алымбек кызы: дебюттук тасмамды табигый жарыктын жардамы менен тарттым

Мастерим Марат Сарулу, операторум Эрнест Мамытов болуп кинокартинаны жасалма жарыкты колдонбостон тартууну туура көрдүк. Андыктан фильмди күндүн чыгышына жараша тартып жаттык. Биздин эң негизги кыйынчылыгыбыз ушул болду. Бул тууралуу Айзада Алымбек кызы Sputnik Кыргызстан радиосунун эфиринде маек куруп жатып билдирди.

Анын айтымында, кинокартина алты күндүн ичинде Чоң Кеминде тартылган.

"Кино тармагына кичинемден бери кызыгам. Апам да "бала кезиңде кагазды ороп алып дүрбү кылып, сүрөткө тартып жатам деп ойноп калчусуң" деп калат. Кино тартам дечүмүн, бирок режиссер деген кесип бар экенин билчү эмесмин. Ошентип Бүбүсара Бейшеналиева атындагы Кыргыз мамлекеттик маданият жана искусство университетинде беш жыл билим алдым. Окуу жай "Кыргызфильм" менен биргеликте иш алып баргандыктан, окуп жүргөндө эле кино тармагына аралашып кеттим. Буга чейин курстук иштерди тартып жүргөм. "Кат" чыгармасы алгачкы кинотасмам болуп калды. Анда үй-бүлөдөгү маселелер чагылдырылган. Тасманын өзгөчөлүгү – кошумча жарыкты колдонбостон, толугу менен күндүн табигый нуру менен тартылды. Кинофорумда калыстар тобуна тасма көрсөтүлүп жатканда техникалык мүчүлүштүктөр болду. Бирок ошого карабастан жюрилер менин эмне айтайын дегенимди түшүнүп, "Мыкты режиссура" номинациясын ыйгарышты. Алар оператордун ишин, командалык жумушту да баалашты", – деди Алымбек кызы.

Режиссер келечекте автордук чыгармаларды көбүрөөк жараткысы келерин кошумчалады.

Жаңылыктар түрмөгү
0