Акыйкатчы: абактагы саясатчылардын "мени пиар кылба" деп каккандары бар
(жаңыланган 13:28 31.12.2020)
Акыйкатчы Токон Мамытов өзү жетектеген мекемеде санариптештирүү алкагында бир топ көйгөй бар экендигине токтолду.Санариптештирүү жакшы кадам. Өзгөчө мекемелер ортосунда документ алмашууда ыкчамдыкты, ачыктыкты камсыз кылат. Мындай пикирин Токон Мамытов Sputnik Кыргызстан радиосунун эфиринде маек куруп жатып билдирди.
Акыйкатчы: абактагы саясатчылардын "мени пиар кылба" деп каккандары бар
Анын айтымында, Акыйкатчы институту укуктук маселелер боюнча иш алып баргандыктан санариптештирүү алкагында көйгөйлүү маселелер жаралууда.
"2020-жыл балдарды колдоо жана санариптештирүү жылы деп аталды. Анын алкагында мамлекеттик мекемелер иш кагаздарын электрондоштурушу зарыл эле. Бирок биздин мекеме бул багытта айрым көйгөйлөргө кептелип калып жатат. Адам укугу менен иш алып баргандыктан айрым жакыны менен соттошкон, араздашкан адамдар же абакта отурган белгилүү саясатчылар менен биздин институттун иштешүүсү ачыкка чыкпай, айрымдары каттоого албай эле коюуну өтүнүүдө. Ал тургай "жолдош Мамытов, менин аркам менен өзүңөргө пиар жасабай эле койгула" деп так кесе айткан саясатчылар да бар. Акыйкатчынын иши ушундай экен, биз баарынын ою менен эсептешип, ар бир кайрылган жарандын укугун сыйлашыбыз керек", — деди Мамытов.
Акыйкатчы маалымат калтыргысы келбегендерди өзүнчө, каршы болбогондорду алардан бөлүп маалыматтык база түзүү аракеттери каралып жаткандыгын кошумчалады.
Белгилер:
Акматбеков: "Тулпар" тиркемеси аркылуу транспорттун кыймылын көрүүгө болот
(жаңыланган 13:22 23.01.2021)
"Тулпар" долбоорунун ЖМК менен иш алып баруу боюнча адиси Бекжан Акматбеков адистер Бишкек шаарынын тургундары тиркеме аркылуу транспорттун кыймылын көрүүгө мүмкүнчүлүк берген функцияны кошуунун үстүндө иштеп жатканын айтты.Акматбеков: "Тулпар" тиркемеси аркылуу транспорттун кыймылын көрүүгө болот
Акматбековдун айтымында, 2020-жылдын аягында активдүү жүргүнчүлөрдүн арасында конкурс уюштурулуп, бир ай бекер жүрүү үчүн карта белекке берилген.
"Долбоор ишке киргенден бери бишкектиктер 140 миңге жакын көк стандарттык карталарды сатып алышты. 42 миңден ашык кызыл карталар жеңилдетилген категориядагы жарандарга берилди жана дээрлик 10 миңдей мектеп окуучулары жашыл карталарга ээ болду. Эми мектеп карталарын долбоордун сайтынан онлайн режимде алса болот. Ошондой эле биз жакында NFC технологиясынын жардамы менен төлөмдөрдү аралыктан жүргүзүү мүмкүнчүлүгүн киргиздик. Эми виртуалдык картаны Android смартфондору аркылуу алып, жүрүү акысын төлөй аласыз. Ал 31-январга чейин акысыз", — деди Акматбеков.
Адис былтыр Бишкекте 1-марттан баштап муниципалдык транспортко жол кирени төлөө электрондук карталар аркылуу жүргүзүлө баштаганын эске салды.
Белгилер:
Жолонбеков: бугу жемпирлерин таштап, балдар кийимин өндүрүп баштадым
(жаңыланган 12:09 23.01.2021)
Жаш маркетолог, ишкер Темирхан Жолонбеков биринчи долбоорун жаап, эми балдар кийим-кечесин өндүрүп баштаганын айтты.Жолонбеков: бугу жемпирлерин таштап балдар кийимин өндүрүп баштадым
Кесибим боюнча маркетологмун. Биринчи жеке ишимди баштаганда 21 жашта элем. Bugu Sweaters бренди менен бугунун сүрөтү түшүрүлгөн жемпирлерди сата баштагам. Алгач товарды сырттан келишим түзбөй эле акча жөнөтүп жиберип алданып калгам. Бул тууралуу Темирхан Жолонбеков Sputnik Кыргызстан радиосунун эфиринде маек куруп жатып билдирди.
Анын айтымында, учурда Бишкекте балдар кийими эки дүкөндө сатылып, франшизасы Кара-Балта, Балыкчы шаарларында да бар.
"Кайсы гана бизнес өнөктөш болбосун сөзсүз түрдө ал адам менен көрүшүп, келишимдин негизинде иштөө керек. Биринчи иш баштаганымда чоң суммадагы акчага алдап кетишкен. Алгач товарга келишими жок эле буюртма берип, акчасын төлөгөм. Кийимдерди көп күткөнүбүз аз келгенсип, сапаты да начар болуп чыккан. Ошондон кийин аны Кыргызстанда тигүүгө өттүк. Башында кардарлар бизде өндүрүлгөн продукцияга анча ишеним артпай жатышты. Себеби өлкөбүздө сапатсыз эле кийимдер чыгарылат деп ойлошчу. Тажрыйбанын аздыгынан улам убакыт менен каражатты кетирдик, бирок акыры рынокто өз ордубузду таба алдык. Эң башкысы өз убагында ачып, кайра өзүм жаптым. Үч жыл иштеп, продукцияны Казакстан, Өзбекстан, Россияга чейин экспорттодук. Ошентип 2020-жылдын башында бизнес-долбоорду сатып жибердим. Бул стартап мага көп билим, тажрыйба, күч-кубат берди. Эң негизгиси иштөөгө, чыдамкайлыкка, кулагандан кийин турууга үйрөндүм. Азыр беш жашка чейинки кичинекей бөбөктөрдүн кийимин өндүрүп жатабыз. Кездемеси Токмоктогу ишканада чыгарылат, фурнитуралары сырттан алып келинет", — деди Жолонбеков.
Ишкер ушул жылдын май айларында товарларын чет мамлекетке чыгаруу планы бар экенин кошумчалады.
Белгилер:
Кудум мышыктай! Май үчүн бактын чокусуна чыккан түлкүнүн видеосу
"National Geographic Россия" басылмасы жазгандай, окуя Крымда болгон. Анда фотограф, блогерлердин үй-бүлөсү короосундагы бакка чымчыктар үчүн чочконун майынан бир тилим илип коюшкан. Бирок тамакты чымчыктарга "аш" кылбай түлкү жеп кеткен. Блогерлердин айтымында, мындай учур биринчи ирет кайталанбагандыктан, алар атайын камера коюп, түлкүнүн майды алып кеткен учурун видеого түшүрүп калышкан.
Анда көрүнүп тургандай, жырткыч бутактардын ичке экенине карабай башына чейин чыккан. Биринчи аракетинде көздөгөн тамагын ала алган эмес. Бирок экинчи ирет бактын башына кайра чыгып, акыры майды алып кеткен.
Белгилер: