Бишкек шаардык санитардык эпидемиологиялык көзөмөлдөө борборунун тамак-аш гигиенасы бөлүмүнүн адиси Кундуз Эсенгулова

Эсенгулова: майонездин курамындагы синтезделген май оңой менен сиңбейт

146
Бишкек шаардык санитардык эпидемиологиялык көзөмөлдөө борборунун тамак-аш гигиенасы бөлүмүнүн адиси Кундуз Эсенгулова жашыл чөптөр тамак сиңирүүгө жакшы жардам берерин айтты.

Кыргызстандыктардын рациону көбүнчө камыр жана эт азыктарынан турат. Жер-жемиштерди да кошууну сунуштайт элем. Бул тууралуу Кундуз Эсенгулова Sputnik Кыргызстан радиосунун эфиринде маек куруп жатып билдирди.

Эсенгулова: майонездин курамындагы синтезделген май оңой менен сиңбейт

Анын айтымында, эртең мененки тамактан баш тартуу бара-бара ашказан ооруларын пайда кылат.

"Азыр жаштар тез даярдалуучу тамакка басым жасайт. Алсак, гамбургерге майонез, кетчуп көп кошулат. Анын курамында транжир — жасалма синтезделген май бар. Бул маргаринде да болот. Сиңиши өтө кыйын болгондуктан адамдын организминен чыкпай инфекциялык эмес ооруларга алып келет. Алсак, кант диабети, семирүү, түрдүү онкологиялык илдеттерди чакырат. Туура тамактануу үчүн кээ бир азыктарды алуу кымбат болуп жатса, башкасына алмаштырган оң. Мисалы, эттин ордуна фасоль жесеңиздер болот. Рационго сүт азыктарын, жумуртка, тооктун этин кошуп, кышкысын какты кайнатып компот ичиңиздер. Азыр жаңы жылда майрамдык дасторконго оливье салаты коюлуп жатат. Муну ченеми менен жеген туура. Салаттарды аз-аздан жасап коюп жеген оң. Эң жакшысы, жашылчадан жасалганына басым жасаңыздар. Албетте, ашыкча тоюп алуу салмак кошууга алып келет", — деди Эсенгулова.

Адис даяр тамак үч саат бөлмө температурасында, андан кийин дароо муздаткычка салынышы керектигин кошумчалады.

146
Белгилер:
диета, тамактануу
Тема боюнча
Майды эритип, адамды ашыкча салмактан арылта турган азык аталды
Экономист Нургүл Акимова

Акимова: соттор бюджетти толтурууга өбөлгө түзөбүз деп адилетсиз чечим чыгарат

5
Экономист Нургүл Акимова учурдагы экономикалык кризистен чыгуу үчүн саясий туруктуулук камсыздалышы зарыл экендигин белгиледи.
Акимова: соттор бюджетти толтурууга өбөлгө түзөбүз деп адилетсиз чечим чыгарат

Мамлекеттик органдар ишкерлерди сотко берсе, көп учурда чечим ишкердин пайдасына чечилбейт. Себеби соттор мамлекеттик бюджетти толтурууга өбөлгө түзүшүбүз керек деген ниетте адилетсиз чечим чыгарып коюусу ыктымал. Бул тууралуу Нургүл Акимова Sputnik Кыргызстан радиосуна маек куруп жатып билдирди.

Анын айтымында, экономиканы калыбына келтирүү үчүн жумуш орундары түзүлүп, инвестициялык климат жакшырышы керек.

"Салык төлөөчүлөр жеке менчик ишканалардын ичинде бардык салыктарды төлөп, ак ниет иштегендери менен кошо эле жашырынып, көмүскө иш алып баргандары да жок эмес. Бирок мамлекет өзү кызыктай "парадоксторду" жаратат. Алсак, салык, бажы жана башка мамлекеттик көзөмөл кылуучу органдарга план коюшат. Планды аткаруу үчүн алар туура эле иш алып барып жаткан ишкерлерди кысымга алышат. Албетте, алар деле бюджетти толтуруу менен мамлекетке пайда алып келүү максатын көздөйт. Ошондой эле эгерде мамлекеттик органдар ишкерлерди сотко берсе, көп учурда чечим ишкердин пайдасына чечилбейт. Себеби соттор дагы мамлекеттик бюджетти толтурууга өбөлгө түзүшүбүз керек деген ниетте адилетсиз чечим чыгарып коюусу ыктымал. А чынында бул өлкөгө зыянын тийгизбей койбойт. Себеби ишкер банкрот болсо бюджетке эч кандай каражат төлөбөгөнү аз келгенсип, жумуш орундары дагы азаят. Ошондуктан экономиканы көтөрүү үчүн бизнес тармагында соттор адилеттүү иш алып баруусу зарыл", — деди Акимова.

Экономист жергиликтүү ишканаларды сактап калууга бардык мамлекеттик органдар кам көрүшү керектигин кошумчалады.

5
Белгилер:
сот, ишкер, экономика, Нургүл Акимова
Тема боюнча
Кыргызстанга кандай инвестициялар тартыла турганы айтылды
Чемпион футболдук академиянын жетекчиси, машыктыруучу Эр-Улан Абдыкеримов

Абдыкеримов: кыргыздын менталитети спорттук ийгиликтерди жаратууда чоң роль ойнойт

11
(жаңыланган 18:30 24.01.2021)
"Чемпион" футболдук академиянын жетекчиси, машыктыруучу Эр-Улан Абдыкеримов Кыргызстан чет элдик футболдук академиялардан керектүү моделди алса болорун айтты.
Абдыкеримов: кыргыздын менталитети спорттук ийгиликтерди жаратууда чоң роль ойнойт

Көп өлкөлөрдүн академияларынын иш-тажрыйбасын байкап көрүп, өзүбүздүн руханий баалуулуктарга карата колдонсок жакшы болот. Мындай ойду Эр-Улан Абдыкеримов Sputnik Кыргызстан радиосунун эфиринде маек куруп жатып билдирди.

Анын айтымында, футболдук академиялар балдарды машыктырууда комплекстүү кадамдарга багыт алышы керек.

"Милдеттүү түрдө биздин багытыбыз болушу керек. Ийгиликтүү футболдук клубдардын тажрыйбасына таянып, моделин алсак болот. Бирок өзүбүздүн география, менталитетибиз спорттук ийгиликтерди жаратууда чоң роль ойнойт," — деди Абдыкеримов.

Ошондой эле машыктыруучу улуттук курама команданын акыркы жылдардагы жетишкендиги футболдун өнүгүшүнө жол ачканын кошумчалады.

11
Белгилер:
менталитет, академия, футбол
Тема боюнча
Эшенов: футболду өнүктүрүүдө көйгөйлөр көп
Мектеп окуучулары. Архив

Бишкектин эки мектебинен COVID жугузгандар аныкталды. Мэриянын кайрылуусу

198
(жаңыланган 18:46 24.01.2021)
Учурда балдар менен бир класста окугандардын бардыгы эки аптага аралыктан окууга жиберилди. Ал эми мугалимдер ПЦР-тест тапшырууга жөнөтүлдү.

БИШКЕК, 24-янв. — Sputnik. Бишкектин эки мектебинин окуучуларынан коронавирус аныкталды. Бул тууралуу мэриядан кабарлашты.

Иликтей келгенде ал окуучулардын үйүндө вирус жугузуп алгандар болгону такталды. Учурда балдар менен бир класста окугандардын бардыгы эки аптага аралыктан окууга жиберилди. Ал эми мугалимдер ПЦР-тест тапшырууга жөнөтүлдү.

"Урматтуу ата-энелер! Эгер үйдө коронавируска чалдыккандар болсо, тез арада мектепке кабар берип, баланы бардык текшерүүдөн өткөндөн кийин гана окууга жиберүүңөрдү өтүнөбүз. Албетте, сиздерге дагы оңой болуп жаткан жок, бирок силердин жоопкерчилигиңерге башка адамдардын өмүрү жана ден соолугу байланыштуу  экенин унутпагыла”, — деп өтүнүштү мэриядан.

Эске салсак, Бишкекте 18-январдан тарта 1, 5, 9 жана 11-класстардын окуучулары мектепке бара баштаган.

198
Белгилер:
мектеп, окуучу, коронавирус, Бишкек мэриясы
Тема:
Коронавируска байланыштуу Кыргызстандагы кырдаал
Тема боюнча
Баткендин мектептери толугу менен кадимки режимге өттү