Данакер үй-бүлөнү бекемдөө борборунун психологу Нуриза Батырбекова. Архив

Батырбекова: бала менен ачык, бирок токтоо сүйлөшүү керек

66
"Данакер" үй-бүлөнү бекемдөө борборунун психологу Нуриза Батырбекова авторитардык тартип менен тарбияланган балдар түнт, өзүнө ишене албаган адам болуп өсүшү мүмкүндүгүн айтты. 
Батырбекова: бала менен ачык, бирок токтоо сүйлөшүү керек

Ата-эне бала үчүн күзгү болот. "Өзүңдүн кандай экениңди билгиң келсе, балаңа кара" деген сөз жөн эле айтылып калган эмес. Мындай пикирин Нуриза Батырбекова Sputnik Кыргызстан радиосунун эфиринде маек куруп жатып билдирди.

Анын айтымында, баланы сөз менен айтып тарбиялоо аз натыйжасын берет.

"Бала тарбиялоодо ар ким өзү каалаган эрежелерди карманат. Айрымдары авторитардык режимди колдонуп, тартип, катаал мамиле менен, туура эмес кылган иштерин жазалап тарбиялашат. Тилекке каршы, мындай тарбия баланын чыгармачыл ой жүгүртүүсүн чектеп, анын чечкинсиз, түнт болушуна жол ачат. Ал эми айрым ата энелер либералдуу тарбиялоону кубатташат. Анда баланын көзүн карап, бардык каалоосун кынтыксыз аткаруу менен чүрпөсүнүн өзүмчүл, мерез адамга кантип айланып калганын өздөрү байкабай калышат. Андыктан бала тарбиялоонун азыркы заманга туура келген эң мыкты жолу авторитеттүү стиль деп аталат. Анда баланы урушпай, алдабай, каалоолору менен эсептешип, ошол эле убакта ачык сүйлөшүү керек. Эгер бала туура эмес иш жасап койгон болсо, үндү катуу чыгарып кыйкырбай же өктөм сүйлөбөй, тизелеп отуруп, анын бою менен тең абалга келип акырын, токтоо гана маселени түшүндүрүү маанилүү", — деди Батырбекова.

Психолог ата-эне баланы өз маанайына карап, кааласа эркелетип, көңүлү жок болсо кагып-силкип тарбиялоосу да анын кийин агрессивдүү, социалдык чөйрөгө аралашып кете албаган адам болуп чоңоюшуна шарт түзөрүн кошумчалады.

66
Белгилер:
эреже, тарбия, бала, психолог, Нуриза Батырбекова
Тема боюнча
Калдыбаева: сабырдуулук адамдын эмоционалдык интеллектинен көз каранды
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев

Ырысалиев: Кыргызстанда архивист билимин алган 12 гана адис бар

27
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев Мамлекеттик архив агенттиги Россияга билимин тереңдетип келүүгө адистерди жиберүү боюнча макулдашуулар жүрүп жатканын айтты.

Өлкөдө 65 мамлекеттик, 3000ден ашуун ведомстволук архивдер болсо, анда иштеген адистердин 12синин гана тиешелүү багытта диплому бар. Бул тууралуу Ашырали Ырысалиев Sputnik Кыргызстан радиосуна маек куруп жатып билдирди.

Ырысалиев: Кыргызстанда архивист билимин алган 12 гана адис бар

Анын айтымында, Архив агенттигинин өзүндө эле республика боюнча 500дөй кызматкер эмгектенет.

"Архив агенттигиндеги башкы көйгөйлөрдүн бири — кадр маселеси. Учурда архивист деген дипломдун ээси, башкача айтканда, мамлекеттик иш кагаздарын жүргүзүү жана сактоо боюнча атайын билими бар 12 гана кызматкерибиз иштейт. Алар мындан бир топ жыл мурда Кусеин Карасаев атындагы БГУда ачылган архивист факультетинен билим алгандар. Тилекке каршы, бул окуу бөлүмү 4-5 жылдан кийин жабылып калган. Азыр республикадагы бир дагы окуу жай бул кесипке адис даярдабайт. Андыктан биз башка мамлекеттер менен келишим түзүп, адистерибизди кыска мөөнөттүү же квалификациясын жогорулатуу боюнча окууларга жиберүүгө аргасызбыз. Бул маселе боюнча Түркия жана Россия менен тыгыз иштешүү алдында турабыз. Россияга аспирантурадан билимин тереңдетип келүү үчүн бизде иштеп жаткан ошол дипломдуу 12 адисти жиберүү боюнча макулдашылды", — деди Ырысалиев.

Адис эл аралык же жеке менчик багыттагы компаниялар да архив кызматкерин жумушка алуу боюнча кайрылуу жолдошорун, бирок бул багытта кадрдык резерв жок экендигин кошумчалады.

27
Белгилер:
көйгөй, кадрлар, архив
Тема боюнча
"Ак кемеде" жашаган Бала. Тасмадагы таберик сүрөт
Саламаттык сактоо министри Алымкадыр Бейшеналиев

Бейшеналиев: тармакты реформалоо медиктерди жумушсуз калтырбайт

48
Саламаттык сактоо министри Алымкадыр Бейшеналиев медициналык кызмат көрсөтүүлөрдү оптималдаштыруу боюнча иш баштаганынын себебин айтты.

Үй-бүлөлүк дарыгерлер тобун, стоматологиялык клиникаларды аймактык ооруканаларга кошуу, саламаттык сактоо уюмдарын бириктирүү жолу менен кайра уюштуруу эч бир дарыгерди жумушсуз калтырбайт. Бул тууралуу Алымкадыр Бейшеналиев Sputnik Кыргызстан радиосунун эфиринде маек куруп жатып билдирди.

Бейшеналиев: тармакты реформалоо медиктерди жумушсуз калтырбайт

Анын айтымында, кыскартуу административдик-башкаруу курамына гана таасирин тийгизет.

"Изилдөөнүн натыйжасында республиканын дээрлик бардык аймактык ооруканалары жана үй-бүлөлүк медицина борборлору бир эле аймакта жайгашкандыгы, функциялардын кайталанышы, лабораториялык жана диагностикалык жабдуулардын толук колдонулбаганы аныкталды. Азыркы учурда өлкөдө 380ге жакын дарыгер башчылары бар. Бир эле кичинекей аймакта 12 дарыгерлер жетекчиси, алардын 24 орун басары иштейт. Ошолордун бардыгы бир эле аймакта болуп бири-бири менен байланыш болбой калган. Анализдеп келсек баягы коронавирус пандемиясынын биринчи толкунунда бул система начар натыйжа берген. Азыр 356 медициналык уюмдардын 125и, 51 санэпидстанциянын 23ү калды. Ошентип кыскаруунун натыйжасында бир миллиард сом үнөмдөп, каражат саламаттыкты сактоо тутумунун актуалдуу көйгөйлөрүнө жумшалат", — деди Бейшеналиев.

Министр үй-бүлөлүк дарыгерлер борборлорун өнүктүрүү үчүн Бүткүл дүйнөлүк банктын өкүлдөрү менен сүйлөшкөнүн, алар 37 миллион доллар бөлгөнүн жана жакын арада дагы 13 миллион доллар берилерин кошумчалады.

48
Белгилер:
министр, кыскартуу, медицина, Алымкадыр Бейшеналиев
Тема боюнча
КРде медициналык мекемелерди кайра түзүү боюнча реформа башталды
Профессор Роза Айтматова. Архив

Бишкекте Роза Айтматованын "Атам жөнүндө" аттуу китебинин бет ачары өтөт

0
(жаңыланган 19:18 20.01.2021)
Китепте Төрөкул Айтматовдун Кыргызстандын эл чарбасынын, өнөр жайынын пайдубалын түптөөгө кошкон салымы баяндалат.

БИШКЕК, 20-янв. — Sputnik. Бишкекте Роза Айтматова "Атам жөнүндө" аттуу эскерүү китебинин бет ачары өтөт. Бул туурасында Кыргызпатенттин маалымат кызматы билдирди.

Иш-чара эртең, 21-январда, саат 11.00дө Алыкул Осмонов атындагы улуттук китепкананын конференц-залында өтөт.

Бул китеп Кыргызпатент тарабынан 2020-жылы Тарых жана ата-бабаларды эскерүү күнүнө карата мамлекеттик жана расмий тилде 500 нускада чыгарылган.

Анда Төрөкул Айтматовдун көп кырдуу ишмердигинин ичинен Кыргызстандын эл чарбасынын, өнөр жайынын пайдубалын түптөөгө кошкон салымы архивдик материалдардын негизинде чагылдырылган.

Бет ачарга Кыргызстандын илимий жана чыгармачыл интеллигенциясынын өкүлдөрү, Айтматовдун үй-бүлө мүчөлөрүнүн катышуусу күтүлүүдө.

Китеп окурмандардын кеңири катмарына сунушталат.

0
Белгилер:
бет ачар, китеп, Роза Айтматова, Кыргызпатент, Кыргызстан
Тема боюнча
Айтматовдун чыгармалары урду тилине которулду