Кёрлинг федерациясынын президенти Тынчтыкбек Саматов

Саматов: көңүл бурулса КР кёрлингчилери Олимпиадада жеңишке жетише алат

55
(жаңыланган 10:13 06.01.2021)
Кёрлинг федерациясынын президенти Тынчтыкбек Саматов кыргызстандык спортчулар кёрлинг боюнча кышкы Олимпиада оюндарына катышып, чемпион болуу мүмкүнчүлүгү бар экендигин айтты.
Саматов: көңүл бурулса КР кёрлингчилери Олимпиадада жеңишке жетише алат

Кёрлинг — стратегиялык жана интеллектуалдык спорт болгондуктан туура тактика менен тажрыйбалуу атаандашты да утуп алууга болот. Бекеринен кёрлингди муз үстүндөгү бильярдга салыштырышпайт. Бул тууралуу Тынчтыкбек Саматов Sputnik Кыргызстан радиосунун эфиринде маек куруп жатып билдирди.

Анын айтымында, Кыргызстанда кёрлинг спортуна бир аз көңүл бурулса спортчуларыбыз кыска мөөнөттө эл аралык мелдештерде ийгилик жарата башташат.

"Кыргыз спортунда бокс, күрөштүн тарыхы бай. Алардын машыгуу системалары жолго коюлган. Ал эми кёрлинг өлкө үчүн жаңы спорт. Ошондуктан бардыгын башынан баштоого туура келди. Муздун абалы, спортчулардын деңгээли, адистердин, машыгуу базасынын жоктугу бизге көп көйгөй жаратты. Болгондо да абдан кымбат спорт экен. Бирок азыркы учурда акырындык менен иштер жүрүүдө. Кёрлингде ийгилик жаратуу үчүн жаш курак каралбайт. Туура логикалык ой жүгүрткөн каалаган адам өзүн көрсөтүп, жеңишке жетсе болот. Аталган спортто болжол менен 10 жыл ичинде кыргызстандык спортчулардын кышкы олимпиада оюндарында алтын медаль утуп алүү мүмкүнчүлүгү бар. Бул кыргыз спорту үчүн чоң тарых болор эле", — деди Саматов.

Ошондой эле жетекчи кёрлинг спортунун терминдерин кыргыз тилине которуу кыйынчылыкты жаратып жатканын кошумчалады.

Эскерте кетсек, кёрлинг — муз аянтчасында команда менен ойнолуучу спорттун бир түрү. Эки команда музга атайын ылайыкташтырылган ташты "үйгө" чогултуп, упай топтошот.

55
Белгилер:
кёрлинг, спорт, олимпиада
Тема боюнча
Овечкиндин "Финикске" киргизген шайбасы XXI кылымдын мыкты голу болду. Видео
ЖИА бизнес-ассоциациясынын аткаруучу директору Фархат Пакыров. Архив

Пакыров: орто жана чакан бизнес өлкөдөгү инвестициялык абалдын күзгүсү

40
(жаңыланган 15:34 25.01.2021)
ЖИА бизнес-ассоциациясынын аткаруучу директору Фархат Пакыров сырткы инвестицияга гана көңүл бурбай ички инвестицияны да карап, чакан жана орто бизнеске маани берүү зарылдыгын билдирди.
Пакыров: орто жана чакан бизнес — өлкөдөгү инвестициялык абалдын күзгүсү

Ички ишкерлик өлкөнүн инвестициялык жүзү, андыктан чет элдик компаниялар ишкерлик рыногун байкап турушат. Мындай пикирин Фархат Пакыров Sputnik Кыргызстан радиосунун эфиринде маек куруп жатып билдирди.

Анын айтымында, чакан жана орто бизнеске көңүл буруп, бул багытта маанилүү аракеттерди көрүү керек.

"Кризис экономикалык көрсөткүчтөрдүн төмөндөшүнө алып келди. Ага өлкөдөгү саясий кырдаал да себеп. Буга карабастан ишкерлер жаңы долбоорлорду сунуштап, туура кадамдарды карап жатышат. Маселен, чакан жана орто бизнес — инвестициялык абалдын күзгүсү. Биз көп учурда сырткы инвесторлорго көңүл буруп, маселесин талкуулап, аларга багытталган иш-чараларды көп жасайбыз. Бирок ошол эле убакта ички инвестицияга маани бербей жатабыз," — деди Пакыров.

Ал, ошондой эле, өлкөдөгү саясий кырдаал инвесторлор менен иш алып барууда таасирин тийгизерин кошумчалады.

40
Белгилер:
инвестициялар, бизнес, Фархат Пакыров
Тема боюнча
Кыргызстанга кандай инвестициялар тартыла турганы айтылды
Нуска китеп борборунун жетекчиси Анаркан Садыкулова

Садыкулова: жаман китеп болбойт

33
(жаңыланган 12:28 25.01.2021)
"Нуска" китеп борборунун жетекчиси Анаркан Садыкулова "жаман китеп" деген түшүнүк жоктугун,  жаман окурман болушу мүмкүн экендигин айтты.
Садыкулова: жаман китеп болбойт

Китеп жазып жаткан авторлор өзүнүн гана кызыкчылыгын ойлобой, окурмандын пикирин эске алуу менен китептин мазмунуна, түпкүлүгүнө да маани берсе жакшы болот эле. Мындай оюн Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, ар бир китептин өзүнө тиешелүү окурманы болот.

"Жаман китеп болбойт. Биз жерип жаткан китептин ичинде деле тарбия же кандайдыр бир туура багытты көрсөткөн тарабы сүрөттөлөт. Мисалы, бирөөнүн басып өткөн катасы аркылуу башканы оңдогонго болот. Бул китеп жаман деп ыргытып жиберген туура эмес. Бирок китеп жазып, элге пайда келтирем дегендер кичине ойлонуп, түпкүсүнө маани бериши зарыл", — деди Садыкулова.

Маектеш, ошондой эле, жаштар арасында кыргыз адабиятын окугандар абдан аз деген пикирин кошумчалады.

33
Белгилер:
жаштар, билим, китеп
Тема боюнча
Өлкөдө көзү азиздер үчүн окуу китептер басып чыгарылды
Бириккен Улуттар Уюмунун (БУУ) башкы катчысы Антониу Гутерреш. Архив

БУУ: COVID оңдурбай, дүйнө акыркы 100 жылдыкта эң оор каатчылыкка кептелди

12
(жаңыланган 11:13 26.01.2021)
Антониу Гутерреш 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин билдирди.

БИШКЕК, 26-янв. — Sputnik. Бириккен Улуттар Уюмунун (БУУ) башкы катчысы Антониу Гутерреш коронавирус пандемиясынын кесепетинен дүйнө акыркы жүз жылдыктагы эң оор экономикалык каатчылыкка кептелгенин билдирди. Бул тууралуу уюмдун сайтында жарыяланды.

Катчынын айтымында, азыр "дүйнө абдан морт болуп турган кез".

"Пандемия эки миллиондон ашык адамдын өмүрүн алып кетти. Экономикалык абалыбыз акыркы 100 жыл ичиндеги эң төмөнкү көрсөтүчкө түштү. Коронавирус адамдар, өлкөлөр арасында теңсиздик бар экенин далилдеп койду. Кыскасы, жаратылышка биз кандай мамиле кылсак, ал бизге дал ошондой сокку уруп жатат. Дүйнө эли диалогго келип, кызматташуубуз керек", — деди Гутерреш.

Ошондой эле ал 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин кошумчалады.

12
Белгилер:
кесепет, Дүйнө, пандемия, Антониу Гутерреш, БУУ
Тема:
Дүйнөгө жайылган коронавирус
Тема боюнча
ДССУ коронавирус менен күрөш көпкө созуларын айтты