Бектеналиев: жеке менчик киностудиялардын саны азайды
Бектеналиев: жеке менчик киностудиялардын саны азайды
10 жыл мурда Кыргызстанда киностудиялардын саны 70-80ге чейин жетип, сапатсыз тасмалар көрсөтүлгөн учур болгон. Бул тууралуу Мукталы Бектеналиев Sputnik Кыргызстан радиосунун эфиринде маек куруп жатып билдирди.
Анын айтымында, кыргыз кино көрүүчүлөрү учурда сапаттуу, мааниси терең, патриоттук тасмаларды баалай башташты.
"Мындан 7-8 жыл мурда кыргыз киносунда кыйынчылык болуп, кинотеатрлардын акыбалы да жакшы эмес эле. Ар түрдүү тасмалар чыгып, жаштар алардан таасирленип калышты. Жадагалса киностудиялардын саны 70-80ге жетип, жылына 100дөн ашык тасма тартыла баштаган. Бара-бара азайып, сандан сапатка өтүп жатышат. Эгемендүүлүктү жаңы алган жылдары кыргыз киносу абдан оор сыноону баштан өткөрүп, бир дагы кино тартылбай, кинотеатрлар иштебей калган учурлар болгон. Ал эми азыр көрүүчүлөргө сапаттуу фильмдер тартууланууда", — деди Бектеналиев.
Ошондой эле жетекчи кыргызстандык режиссёрлор эл аралык кинофестивалдарда ийгилик алып келе турган эмгектерди жаратып жатканын кошумчалады.
Белгилер:
Пакыров: орто жана чакан бизнес — өлкөдөгү инвестициялык абалдын күзгүсү
(жаңыланган 15:34 25.01.2021)
ЖИА бизнес-ассоциациясынын аткаруучу директору Фархат Пакыров сырткы инвестицияга гана көңүл бурбай ички инвестицияны да карап, чакан жана орто бизнеске маани берүү зарылдыгын билдирди.Пакыров: орто жана чакан бизнес — өлкөдөгү инвестициялык абалдын күзгүсү
Ички ишкерлик өлкөнүн инвестициялык жүзү, андыктан чет элдик компаниялар ишкерлик рыногун байкап турушат. Мындай пикирин Фархат Пакыров Sputnik Кыргызстан радиосунун эфиринде маек куруп жатып билдирди.
Анын айтымында, чакан жана орто бизнеске көңүл буруп, бул багытта маанилүү аракеттерди көрүү керек.
"Кризис экономикалык көрсөткүчтөрдүн төмөндөшүнө алып келди. Ага өлкөдөгү саясий кырдаал да себеп. Буга карабастан ишкерлер жаңы долбоорлорду сунуштап, туура кадамдарды карап жатышат. Маселен, чакан жана орто бизнес — инвестициялык абалдын күзгүсү. Биз көп учурда сырткы инвесторлорго көңүл буруп, маселесин талкуулап, аларга багытталган иш-чараларды көп жасайбыз. Бирок ошол эле убакта ички инвестицияга маани бербей жатабыз," — деди Пакыров.
Ал, ошондой эле, өлкөдөгү саясий кырдаал инвесторлор менен иш алып барууда таасирин тийгизерин кошумчалады.
Белгилер:
Садыкулова: жаман китеп болбойт
(жаңыланган 12:28 25.01.2021)
"Нуска" китеп борборунун жетекчиси Анаркан Садыкулова "жаман китеп" деген түшүнүк жоктугун, жаман окурман болушу мүмкүн экендигин айтты.Садыкулова: жаман китеп болбойт
Китеп жазып жаткан авторлор өзүнүн гана кызыкчылыгын ойлобой, окурмандын пикирин эске алуу менен китептин мазмунуна, түпкүлүгүнө да маани берсе жакшы болот эле. Мындай оюн Анаркан Садыкулова Sputnik Кыргызстан радиосунун эфиринде маек куруп жатып билдирди.
Анын айтымында, ар бир китептин өзүнө тиешелүү окурманы болот.
"Жаман китеп болбойт. Биз жерип жаткан китептин ичинде деле тарбия же кандайдыр бир туура багытты көрсөткөн тарабы сүрөттөлөт. Мисалы, бирөөнүн басып өткөн катасы аркылуу башканы оңдогонго болот. Бул китеп жаман деп ыргытып жиберген туура эмес. Бирок китеп жазып, элге пайда келтирем дегендер кичине ойлонуп, түпкүсүнө маани бериши зарыл", — деди Садыкулова.
Маектеш, ошондой эле, жаштар арасында кыргыз адабиятын окугандар абдан аз деген пикирин кошумчалады.
Белгилер:
Кочкордо киши колдуу болгон келиндин сөөгү табылды. Шектүү изделүүдө
(жаңыланган 17:11 25.01.2021)
Келиндин өлүмүнө шектелип Кочкордогу жергиликтүү тургундун малын багып жүргөн чабан изделүүдө. Маркум Сокулук районунун 23 жаштагы тургуну болгон.БИШКЕК, 25-янв. — Sputnik. Кочкор районундагы сарайлардын биринен киши колдуу болгон 23 жаштагы келиндин сөөгү табылды. Бул тууралуу Нарын ОИИБнын маалымат кызматы кабарлады.
Аялдын каза болгону тууралуу 23-январь күнү 30 жаштагы К.Б. аттуу жергиликтүү тургун кабарлаган. Ал ошол күнү Тынай-Булак кыштоосунда малын багып жаткан 26 жаштагы чабандан кабар алганы барып, кашардагы үйдөн келиндин сөөгүн көргөнүн айткан.
"Окуя болгон жерге барган ыкчам-тергөө тобу келиндин киши колдуу болуп өлтүрүлгөндүгүн аныктаган. Маркум Чүй облусунун Сокулук районунун 1998-жылы туулган тургуну К.К. экени такталган. Учурда К.Бнын малын багып жаткан малчынын өздүгүн тактоо жана кармоо боюнча ыкчам иликтөө иштери жүргүзүлүүдө", — деп жазылат милициянын маалыматында.
Факты Жазык кодексинин 130-беренеси ("Адам өлтүрүү") менен сотко чейинки өндүрүш иши башталып, тергөө иштери жүргүзүлүп жатканы кошумчаланды.
Белгилер: