Эмгек жана социалдык өнүктүрүү министрлигинин Иш менен камсыз кылуу башкармалыгынын башчысынын милдетин аткаруучу Наргиза Туркебекова

Туркебекова: майыптарга веб-сайт иштеп чыгуу боюнча курстар окутулат

169
Эмгек жана социалдык өнүктүрүү министрлигинин Иш менен камсыз кылуу башкармалыгынын башчысынын милдетин аткаруучу Наргиза Туркебекова бир бош жумуш ордуна 32 кыргызстандык иш издөөчү туура келерин айтты.
Туркебекова: майыптарга веб-сайт иштеп чыгуу боюнча курстар окутулат

Былтыр ден соолугунан мүмкүнчүлүгү чектелген 77 адам веб-сайт иштеп чыгуу боюнча беш айлык курстан окуду. Алардын 12си аралыктан буюртма алып иштеп, өз алдынча киреше таап жатышат. Бул тууралуу Наргиза Туркебекова Sputnik Кыргызстан радиосунун эфиринде маек куруп жатып билдирди.

Анын айтымында, 2020-жылы республикада жумушсуздук мурдагыдан да өскөн. Анткени пандемияга байланыштуу айрым мекемелер ишин убактылуу же биротоло токтоткон эле. Ошондой эле 50 000ден ашуун эмгек мигранты кайтып келгени да буга таасирин тийгизген.

"2020-жылы республика боюнча жумушсуздуктун саны өстү. Бирок ошол эле учурда тейлөө багытындагы адистиктерге, ширетүүчү, курулуш тармагында бош орундар көп. Андыктан биз кыска мөөнөттүү окутуу курстарын жандандырдык. Мунун алкагында түрдүү майыптыгы бар 77 кыргызстандыкты үйдө отуруп алып веб-сайт иштеп чыгуу курсунан өткөрдүк. Окутуу беш айга уланып, ага ден соолугунан мүмкүнчүлүгү чектелген адамдар катышты. Алардын 12си учурда аралыктан буюртма алып, киреше тапканга жетишип калышты. Бул кыска мөөнөттүү курстар акысыз, мамлекет тарабынан стипендия төлөнөт", — деди Туркебекова.

Адис майыптыгы бар адамдарды веб-сайт иштеп чыгуу курсунан өткөрүүдө алгач кат-сабатын жоюу көйгөйү жаралып жатканын кошумчалады.

169
Белгилер:
окутуу, майыптар, жумушсуздар
Тема боюнча
Туркебекова: 2020-жылы 13 000ден ашуун адам иш менен камсыз болду
ЖИА бизнес-ассоциациясынын аткаруучу директору Фархат Пакыров. Архив

Пакыров: орто жана чакан бизнес өлкөдөгү инвестициялык абалдын күзгүсү

42
(жаңыланган 15:34 25.01.2021)
ЖИА бизнес-ассоциациясынын аткаруучу директору Фархат Пакыров сырткы инвестицияга гана көңүл бурбай ички инвестицияны да карап, чакан жана орто бизнеске маани берүү зарылдыгын билдирди.
Пакыров: орто жана чакан бизнес — өлкөдөгү инвестициялык абалдын күзгүсү

Ички ишкерлик өлкөнүн инвестициялык жүзү, андыктан чет элдик компаниялар ишкерлик рыногун байкап турушат. Мындай пикирин Фархат Пакыров Sputnik Кыргызстан радиосунун эфиринде маек куруп жатып билдирди.

Анын айтымында, чакан жана орто бизнеске көңүл буруп, бул багытта маанилүү аракеттерди көрүү керек.

"Кризис экономикалык көрсөткүчтөрдүн төмөндөшүнө алып келди. Ага өлкөдөгү саясий кырдаал да себеп. Буга карабастан ишкерлер жаңы долбоорлорду сунуштап, туура кадамдарды карап жатышат. Маселен, чакан жана орто бизнес — инвестициялык абалдын күзгүсү. Биз көп учурда сырткы инвесторлорго көңүл буруп, маселесин талкуулап, аларга багытталган иш-чараларды көп жасайбыз. Бирок ошол эле убакта ички инвестицияга маани бербей жатабыз," — деди Пакыров.

Ал, ошондой эле, өлкөдөгү саясий кырдаал инвесторлор менен иш алып барууда таасирин тийгизерин кошумчалады.

42
Белгилер:
инвестициялар, бизнес, Фархат Пакыров
Тема боюнча
Кыргызстанга кандай инвестициялар тартыла турганы айтылды
Нуска китеп борборунун жетекчиси Анаркан Садыкулова

Садыкулова: жаман китеп болбойт

34
(жаңыланган 12:28 25.01.2021)
"Нуска" китеп борборунун жетекчиси Анаркан Садыкулова "жаман китеп" деген түшүнүк жоктугун,  жаман окурман болушу мүмкүн экендигин айтты.
Садыкулова: жаман китеп болбойт

Китеп жазып жаткан авторлор өзүнүн гана кызыкчылыгын ойлобой, окурмандын пикирин эске алуу менен китептин мазмунуна, түпкүлүгүнө да маани берсе жакшы болот эле. Мындай оюн Анаркан Садыкулова Sputnik Кыргызстан радиосунун эфиринде маек куруп жатып билдирди.

Анын айтымында, ар бир китептин өзүнө тиешелүү окурманы болот.

"Жаман китеп болбойт. Биз жерип жаткан китептин ичинде деле тарбия же кандайдыр бир туура багытты көрсөткөн тарабы сүрөттөлөт. Мисалы, бирөөнүн басып өткөн катасы аркылуу башканы оңдогонго болот. Бул китеп жаман деп ыргытып жиберген туура эмес. Бирок китеп жазып, элге пайда келтирем дегендер кичине ойлонуп, түпкүсүнө маани бериши зарыл", — деди Садыкулова.

Маектеш, ошондой эле, жаштар арасында кыргыз адабиятын окугандар абдан аз деген пикирин кошумчалады.

34
Белгилер:
жаштар, билим, китеп
Тема боюнча
Өлкөдө көзү азиздер үчүн окуу китептер басып чыгарылды
 Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты

Айлыгын ала албай жүргөн жолчулар Бишкекке келип митингге чыгышты. Сүрөт

0
Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатышат.

БИШКЕК, 26-янв. — Sputnik. Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты.

  • Митинг сотрудников Минтранса в Бишкеке, с требованием выдачи зарплаты
    Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты
    © Sputnik / Эркин Садыков
  • Митинг сотрудников Минтранса в Бишкеке, с требованием выдачи зарплаты
    Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатат
    © Sputnik / Эркин Садыков
  • Митинг сотрудников Минтранса в Бишкеке, с требованием выдачи зарплаты
    Алар сентябрдан бери айлык толук төлөнбөй 2000-3000 сомдон гана берилип жатканына нааразы.
    © Sputnik / Эркин Садыков
1 / 3
© Sputnik / Эркин Садыков
Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты

Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатат. Алар сентябрдан бери айлык толук төлөнбөй 2000-3000 сомдон гана берилип жатканына нааразы. Маселени аймактагы жетекчилер чече албагандыктан министрликке келүүгө аргасыз болгонун айтышты. Алардын бири Нарындын Ат-Башы районунда жол тазалап иштеген Жаңыбай Кенжебаев.

"Акыры айлабыз кеткенде үнүбүздү чоңдорго жеткирели деп Бишкекке келдик. Жеке мен декабрдан бери айлык ала элекмин. Эмгек өргүүгө чыксак, аны да төлөп беришкен жок. Биз аба ырайы кандай болгонуна карабай жолдо иштеп, бирок акыбызды ала албай чуркап жүрөбүз. Ал эми кышкысын жылуу, жайында көлөкөдө отурган мекеме кызматкерлери убагынан кечиктирбей алууда", — деди Кенжебаев.

Чогулган жолчулардын алдына Жол чарба департаментинин директорунун орун басары Жумаш Сооданбаев чыкты. Ал январдын айлыгы толук төлөнөрүн, ал эми февралда мурдагы карыздары кошулуп берилерин убадалады.

0
Белгилер:
Бишкек, кызмат, маяна, митинг
Тема боюнча
Хан сарай, бодо мал... Министрликтин өкүлү мыйзамсыз байыган деп кармалды
Иш таштаган маршрутка айдоочулары. Үч компанияга эскертүү берилди