Республикалык ден соолукту чыңдоо жана массалык коммуникация борборунун ден соолукту чыңдоо адиси Перизат Кадыркулова

Кадыркулова: үшүк алган терини майлап, спирт же кар менен сүртүүгө болбойт

425
Республикалык ден соолукту чыңдоо жана массалык коммуникация борборунун ден соолукту чыңдоо адиси Перизат Кадыркулова дененин үшүк алганы байкалганда дароо жылуу жерге кирип чай ичип, оронуп жылынуу керектигин айтты.
Кадыркулова: үшүк алган терини майлап, спирт же кар менен сүртүүгө болбойт

Үшүк алган терини майлап, ысытуу үчүн спирт же кар менен сүрткөнгө, өтө оор стадияда болсо жылытуу үчүн ушалоого болбойт. Колу-бутту ысык сууга салганга да аракет кылбаңыздар. Адамга спирт ичимдигин берүү таптакыр сунушталбайт. Бул тууралуу Перизат Кадыркулова Sputnik Кыргызстан радиосунун эфиринде маек куруп жатып билдирди.

Анын айтымында, суукта үшүп баратканда улам жылуу бөлмөгө кирип жылынып туруу керек.

"Үшүк — бул төмөнкү температурада дененин ткандарынын бузулушу. Аны айлана-чөйрөнүн нөлдүк температурасында деле байкаса болот. Биринчи кезекте дененин жетишсиз деңгээлде корголгон бөлүктөрү: кулак, мурун, бет, кол, бутту үшүк алып кетет. Суукта организмдин температурасынын төмөндөшү менен дененин жалпы гипотермиясы критикалык көрсөткүчтөргө чейин жетет. Терморегуляциянын натыйжалуулугун төмөндөтүүчү жана үшүктүн пайда болушуна өбөлгө түзүүчү тобокелдик факторлорго шамал, жогорку нымдуулук, жеңил кийинүү, микроциркуляциянын бузулушу же тар бут кийим, узак убакытка чейин кыймылсыздык кирет. Суукка кабылууда эң чоң коркунучта мас абалдагы адамдар болот. Алар колу-бутунун тоңгонун сезбей үшүккө алдырып жиберишет. Үшүк жеңил, орто жана оор стадияларга бөлүнөт. Биринчисинде ички органдардын температурасы 35 градустан төмөндөп, дем алуу, жүрөктү согушу начарлап, каз териси пайда болот. Экинчисинде ички органдардын температурасы 30га чейин түшөт. Мында туюп-сезүү, ой жүгүртүү начарлайт. Мимика, рефлекс таптакыр төмөндөп, тери кубарып кетет. Ал эми оор стадиясында адам конвульсиялык абалда болот. Денеси карышат, булчуңдар ишке келбейт. Ыйлаакча пайда болуп, тери шишип, ал тургай теринин жансыз болуп калуу коркунучу бар. Бул учурда хирургиялык жардам берилет", — деди Кадыркулова.

Адис балдардын жана улгайган адамдардын терморегуляциясы төмөн болорун жана аларга кыш чилдесинде сыртта 20 мүнөттөн ашык убакыт жүрбөөнү сунуштады.

425
Белгилер:
дене, үшүк
Тема боюнча
Казакстанда койдун тоңуп өлгөн видеосу соцтармакка тарады
Тулпар долбоорунун ЖМК менен иш алып баруу боюнча адиси Бекжан Акматбеков

Акматбеков: "Тулпар" тиркемеси аркылуу транспорттун кыймылын көрүүгө болот

11
(жаңыланган 13:22 23.01.2021)
"Тулпар" долбоорунун ЖМК менен иш алып баруу боюнча адиси Бекжан Акматбеков адистер Бишкек шаарынын тургундары тиркеме аркылуу транспорттун кыймылын көрүүгө мүмкүнчүлүк берген функцияны кошуунун үстүндө иштеп жатканын айтты.
Акматбеков: "Тулпар" тиркемеси аркылуу транспорттун кыймылын көрүүгө болот

Акматбековдун айтымында, 2020-жылдын аягында активдүү жүргүнчүлөрдүн арасында конкурс уюштурулуп, бир ай бекер жүрүү үчүн карта белекке берилген.

"Долбоор ишке киргенден бери бишкектиктер 140 миңге жакын көк стандарттык карталарды сатып алышты. 42 миңден ашык кызыл карталар жеңилдетилген категориядагы жарандарга берилди жана дээрлик 10 миңдей мектеп окуучулары жашыл карталарга ээ болду. Эми мектеп карталарын долбоордун сайтынан онлайн режимде алса болот. Ошондой эле биз жакында NFC технологиясынын жардамы менен төлөмдөрдү аралыктан жүргүзүү мүмкүнчүлүгүн киргиздик. Эми виртуалдык картаны Android смартфондору аркылуу алып, жүрүү акысын төлөй аласыз. Ал 31-январга чейин акысыз", — деди Акматбеков.

Адис былтыр Бишкекте 1-марттан баштап муниципалдык транспортко жол кирени төлөө электрондук карталар аркылуу жүргүзүлө баштаганын эске салды.

11
Белгилер:
"Тулпар" электрондук төлөм системасы, карта, электрондук билет
Тема боюнча
Бишкекте картасыз, нак акча менен төлөнчү жол кирени кымбаттатуу пландалууда
Жаш маркетолог, ишкер Темирхан Жолонбеков

Жолонбеков: бугу жемпирлерин таштап, балдар кийимин өндүрүп баштадым

16
(жаңыланган 12:09 23.01.2021)
Жаш маркетолог, ишкер Темирхан Жолонбеков биринчи долбоорун жаап, эми балдар кийим-кечесин өндүрүп баштаганын айтты.
Жолонбеков: бугу жемпирлерин таштап балдар кийимин өндүрүп баштадым

Кесибим боюнча маркетологмун. Биринчи жеке ишимди баштаганда 21 жашта элем. Bugu Sweaters бренди менен бугунун сүрөтү түшүрүлгөн жемпирлерди сата баштагам. Алгач товарды сырттан келишим түзбөй эле акча жөнөтүп жиберип алданып калгам. Бул тууралуу Темирхан Жолонбеков Sputnik Кыргызстан радиосунун эфиринде маек куруп жатып билдирди.

Анын айтымында, учурда Бишкекте балдар кийими эки дүкөндө сатылып, франшизасы Кара-Балта, Балыкчы шаарларында да бар.

"Кайсы гана бизнес өнөктөш болбосун сөзсүз түрдө ал адам менен көрүшүп, келишимдин негизинде иштөө керек. Биринчи иш баштаганымда чоң суммадагы акчага алдап кетишкен. Алгач товарга келишими жок эле буюртма берип, акчасын төлөгөм. Кийимдерди көп күткөнүбүз аз келгенсип, сапаты да начар болуп чыккан. Ошондон кийин аны Кыргызстанда тигүүгө өттүк. Башында кардарлар бизде өндүрүлгөн продукцияга анча ишеним артпай жатышты. Себеби өлкөбүздө сапатсыз эле кийимдер чыгарылат деп ойлошчу. Тажрыйбанын аздыгынан улам убакыт менен каражатты кетирдик, бирок акыры рынокто өз ордубузду таба алдык. Эң башкысы өз убагында ачып, кайра өзүм жаптым. Үч жыл иштеп, продукцияны Казакстан, Өзбекстан, Россияга чейин экспорттодук. Ошентип 2020-жылдын башында бизнес-долбоорду сатып жибердим. Бул стартап мага көп билим, тажрыйба, күч-кубат берди. Эң негизгиси иштөөгө, чыдамкайлыкка, кулагандан кийин турууга үйрөндүм. Азыр беш жашка чейинки кичинекей бөбөктөрдүн кийимин өндүрүп жатабыз. Кездемеси Токмоктогу ишканада чыгарылат, фурнитуралары сырттан алып келинет", — деди Жолонбеков.

Ишкер ушул жылдын май айларында товарларын чет мамлекетке чыгаруу планы бар экенин кошумчалады.

16
Белгилер:
бизнес, ишкер
Тема боюнча
Арстанбекова: чет өлкөгө окууга тапшырчулардын максаты так болушу керек
Упаковки с вакциной Спутник-V в Мурманском областном центре специализированных видов медицинской помощи.

Кыргызстан Россиядан 500 миң доза "Спутник V" вакцинасын сурады

19
(жаңыланган 14:01 23.01.2021)
Министрдин айтымында, 500 миң доза вакцина 250 миң кишиге жетет. Тиешелүү кат өлкө президентинин милдетин аткаруучу Талант Мамытовдун атынан РФ башчысына жиберилген.

БИШКЕК, 23-янв. — Sputnik. Кыргызстан Россиядан коронавируска каршы "Спутник V" вакцинасынан 500 миң доза сурады. Бул тууралуу Sputnik агенттигине саламаттык сактоо министри Алымкадыр Бейшеналиев билдирди.

Анын айтымында, тиешелүү кат өлкө президентинин милдетин аткаруучу Талант Мамытовдун атынан РФ башчысы Владимир Путинге жиберилген.

"Азырынча Россиядан жооп келе элек. Россиянын саламаттыкты сактоо министри маселени жогорку деңгээлде чечүү үчүн кат жөнөтүүнү өтүнгөн. Өзүм Москвага иш сапары менен барганда да муну чечип берүүнү сурангам", — деди Бейшеналиев.

Министр 500 миң доза вакцина 250 миң кишиге жетерин кошумчалады.

Кечээ ЖККУнун Кыргызстандагы "Кант" базасына COVID-19 вакцинасынын биринчи партиясы жеткирилген болчу.

19
Белгилер:
вакцина, Алымкадыр Бейшеналиев, Кыргызстан, Россия
Тема:
Коронавируска байланыштуу Кыргызстандагы кырдаал
Тема боюнча
COVID-19га каршы россиялык вакцинаны түзгөн адис Кыргызстанда туулган
Кыргызстанда коронавируска каршы эмдөө үч этап менен жүрөт