Санитардык-эпидемиологиялык көзөмөл департаментинин сыноочу лабораториялык борборунун жетекчиси Айгүл Жумаканова. Архив

Жумаканова: январдын соңунда COVID менен ооругандар көбөйүшү мүмкүн

2237
Санитардык-эпидемиологиялык көзөмөл департаментинин сыноочу лабораториялык борборунун жетекчиси Айгүл Жумаканова азыркы учурда Кыргызстанда вирустун кандай штаммы жайылганы боюнча изилдөөлөр жүрүп жатканын айтты.
Жумаканова: январдын соңунда COVID менен ооругандар көбөйүшү мүмкүн

Коронавирустун Кыргызстандагы жаңы штаммын аныктоо үчүн жалпы 30 үлгү даярдалды. ДССУнун колдоосу менен Россияга жөнөтүлөт. Анын жыйынтыгына ылайык, өлкөдө вирустун кайсы түрү жайылып жатканын так айтууга мүмкүн болот. Бул тууралуу Айгүл Жумаканова Sputnik Кыргызстан радиосунун эфиринде маек куруп жатып билдирди.

Анын айтымында, адамдардын азыркы жүрүм-турумун эске ала турган болсок, январдын аягында COVID-19 менен ооругандар көбөйүшү мүмкүн.

"Бүгүнкү күндө Кыргызстан боюнча 12 мамлекеттик жана үч жеке менчик болуп, жалпы 15 сыноо лабораториялары иш алып барып жатат. Коронавирус полимераздык чынжырдуу реакция ыкмасы менен аныкталууда. Бир жылдын ичинде 600 миңден ашуун изилдөө жүргүзүлдү. Бул иштерди биздин департамент көзөмөлдөөдө. Былтыр июль-август айларында 70-80 миң изилдөө жүргүзсөк, ноябрь-декабрь айында да ошондой эле изилдөө жасалды. Башында вирус мутацияланып D 614 формасы Франция, Европада катталган. Жайында вирустун өзгөргөн түрү, А 222, Европада кеңири жайылды. Демек, ал организмге кирген соң жашап кетиш үчүн бир нече жолу өзгөрүп жатканынан кабар берет. Кыргызстанда март айында илдет курч мүнөздө өткөн. Жайында вирус өзгөрүлүп пневмонияны да пайда кыла баштады, күзүндө ал ич өткөк, конъюнктивит менен коштолду. Британияда катталган коронавирустун жаңы штаммы өтө жугуштуу болгону менен айырмаланып жатат. Батыш мамлекеттеринде вирустун кайсы геному тарап жатканы боюнча изилдөөлөр жүрүп турат. Биз дагы үлгүлөрдү эл аралык деңгээлдеги текшерүүгө үч ирет Улуу Британия, Германияга жөнөткөнбүз. Жыйынтык боюнча, биздин жарандар Швеция, Россия, АКШ, БАЭ жана Оман мамлекеттериндеги катталган вирустун генотиби менен ооруп жатканы белгилүү болду", — деди Жумаканова.

Адис COVID-19 бетиндеги белок тикени менен клеткага жабышып, эшикче ачып организмге кирип кетүү мүмкүнчүлүгү бар экенин, өзгөргөндө бул жөндөмдүүлүгү дагы да жогорулап жатканын кошумчалады.

2237
Белгилер:
абал, Кыргызстан, коронавирус
Тема боюнча
Министрлик: Кыргызстанга АКШ вакцинасы сунушталды, бирок анын бир кемчилиги бар
Улуттук статистика комитетинин маалымат катчысы Асел Акматалиева

Акматалиева: БУУ 2030-жылга чейин туруктуу өнүгүү максаттарын кабыл алды

115
(жаңыланган 11:45 15.01.2021)
Улуттук статистика комитетинин маалымат катчысы Асел Акматалиева БУУнун өлкөлөрдө туруктуу өнүгүү максаттарын ишке ашыруу кадамдары камтылган документи 2015-жылы ага мүчө мамлекеттер тарабынан колдоого алынганын айтты.
Акматалиева: БУУ 2030-жылга чейин туруктуу өнүгүү максаттарын кабыл алды

Туруктуу өнүгүүгө жетүү үчүн дүйнөлүк деңгээлде 17 глобалдык максат кабыл алынган. Бул максаттар экономикалык бирдей өсүү, инновация, туруктуу керектөө, тынчтык жана адилеттик сыяктуу маанилүү багыттарды камтыйт. Бул тууралуу Асел Акматалиева Sputnik Кыргызстан радиосунун эфиринде маек куруп жатып билдирди.

Анын айтымында, туруктуу өнүктүрүү максаттарын ишке ашырууда Улуттук статистиканын ролу чоң.

"БУУ тарабынан кабыл алынган, өлкөлөрдү туруктуу өнүгүү жолуна салуу программасын камтыган документ бар. Кыргызстан дагы улуттук деңгээлде аталган документтеги коюлган максаттарды ишке ашырууга далалаттанып келет. 2020-жылы БУУнун Экономикалык жана социалдык кеңешинин (ЭКОСОС) Туруктуу өнүгүү боюнча жогорку деңгээлдеги саясий форумунда Кыргызстандын 2030-жылга чейинки ишке ашырышы керек болгон милдеттемелери сунушталды. Бул документте теңсиздикти, кедейчиликти кыскартуу, ачкачылыкты жоюу, адам укуктары жана соттук коргоону камсыз кылуу, жаратылышка болгон тобокелчиликти азайтуу, коомго пайдалуу көндүмдөрдү жана билимди арттыруу, жумуш орундарын түзүү, гендердик теңчилик боюнча улуттук планды ишке ашыруу пландары камтылган", — деди Акматалиева.

Ал Улуттук статистика комитети туруктуу өнүктүрүү максаттарына жетүүгө мониторинг жүргүзүү боюнча жооптуу орган болуп саналарын кошумчалады.

115
Белгилер:
БУУ, Өнүгүү, Кыргызстан, Асел Акматалиева
Тема боюнча
Кыргызстанда баалуу металл рудасын экспорттоо тонналап өстү
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев

Ырысалиев: улуттук архивдин сактоочу жайлары толду, орун жок

28
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев аталган мекемеге тиешелүү республика боюнча 65 архив бар экенин айтты.

Өлкөдө түрдүү иш кагаздарын, кино, фото, фоно документтерди сактай турган архивдик жай толуп калган. Учурда жаңы имарат куруу маселеси курч болуп турат. Бул тууралуу Ашырали Ырысалиев Sputnik Кыргызстан радиосуна маек куруп жатып билдирди.

Ырысалиев: улуттук архивдин сактоочу жайлары толду, орун жок

Анын айтымында, аймактарда республикалык маанидеги 65 архив бөлүмү бар. Мындан сырткары, 3000ден ашуун ар кайсы мекемелердин өздүк архивдеринин ишмердүүлүгүн жүргүзүүнү да аталган агенттик көзөмөлдөйт.

"Архив агенттигинде 4 миллиондон ашуун сактоо көлөм бирдигиндеги документтер бар. Улуттук архив фонду күндөн-күнгө чоңоё берүүчү мамлекеттик мекеме болуп эсептелет. Ар бир тарыхый окуяны тастыктаган иш кагаздары мына ушул жерде сакталган. Эгемендүүлүк алгандан кийинки материалдар өзгөчө баалуулукка 50-60 жылдан кийин жетет. Бирок, тилекке каршы, биздеги чоң көйгөй мындан ары архивдик документтерди сактай турган жердин жоктугу болууда. Бардык мекеме, жайларыбыз толуп калды. Архив агенттиги дотацияда отурган мамлекеттик орган болгондуктан көп жылдан бери жаңы имарат куруу боюнча маселе көтөрүлүп, бирок ишке ашпай жатат", — деди Ырысалиев.

Адис жер тилкеси бөлүнгөнүн, аны документтештирүү иштери жыйынтыкталып калганы менен курулушу качан башталары белгисиз болуп жатканын кошумчалады.

28
Белгилер:
көйгөй, курулуш, архив
Тема боюнча
"Ак кемеде" жашаган Бала. Тасмадагы таберик сүрөт
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн