Радиостудия Sputnik Кыргызстан в Бишкеке - Sputnik Кыргызстан
Радио

Наватова: быйыл 15 гектар жашыл майсаң жаңыланат

© Sputnik / Асель Сыдыкова"Бишкек жашыл чарба" муниципалдык ишканасынын директорунун орун басары Айгүл Наватова
Бишкек жашыл чарба муниципалдык ишканасынын директорунун орун басары Айгүл Наватова - Sputnik Кыргызстан
Жазылуу
"Бишкек жашыл чарба" муниципалдык ишканасынын директорунун орун басары Айгүл Наватова шаарды көрктөндүрүү үчүн жасала турган иштерди айтып берди.
Наватова: быйыл 15 гектар жашыл майсаң жаңыланат
Быйыл Бишкекти жашылдандыруу жана көрктөндүрүү үчүн 1,5 миллиондон ашык түп гүл, 150 миң жашыл тосмо отургузулат. Бул тууралуу Айгүл Наватова Sputnik Кыргызстан радиосуна маек куруп жатып билдирди.
Анын айтымында, ишкана кышында бак-дарактарды бутап, күнөсканада өсүмдүктөрдү жазга даярдап, жайында өсүмдүктөргө кам көрүп, жыл бою тынымсыз иш алып барат.
"Быйыл шаарды жашылдандыруу жана көрктөндүрүү максатында 1 миллион 315 миң түп бир жылдык гүл, 200 миң жоогазын жана 4 миң роза, 3,5 миң гүлдөгөн бадал жана 150 миң жашыл тосмолорду отургузуу пландалууда. Ошондой эле быйыл 10 чакырым жердеги ирригациялык түйүндөр жаңыланат. Буга чейин суу ташыган унаалар менен сугарып келген. Бул ыкма кымбатка түшүп калат. Ошондуктан скважиналарды бургулоо менен суу чыгарып 390 чакырым суу өткөрүүчү системаны ишке киргизүү максатталууда. Мындан тышкары, даяр жашыл майсаң отургузуу ыкмасы киргизилет. Жалпысынан борбор калаада 420 гектар жашыл майсаң болсо, анын 15 гектары жаңыланат", — деди Наватова.
Ошондой эле ал жаңы ачылган сейил бактарга тез өсө турган дарактарды отургузуу колго алынып жатканын кошумчалады.
Жаңылыктар түрмөгү
0