Кадырбеков: жыгач буюмдарды экспорттоп, дүйнөлүк рынокко чыгууну көздөп жатам
(жаңыланган 12:57 31.01.2021)
Akar.art ишканасынын негиздөөчүсү Элчибек Кадырбеков студент кезинен эле ар кайсы бизнести жасап көргөнүн айтты.Мен кичинемден бери эле ишкерликке жакынмын. Бостери айылына ачык асман алдына кинотеатр ачып, караоке-бар иштеттим. Университетте окуп жүргөндө досторум менен саякаттоо турун да уюштуруп көрдүм. Мунун баары сезондук жумуш болгондуктан туруктуу бизнес ачууну ойлоно баштагам. Бул тууралуу Элчибек Кадырбеков Sputnik Кыргызстан радиосунун эфиринде маек куруп жатып билдирди.
Кадырбеков: жыгач буюмдарды экспорттоп, дүйнөлүк рынокко чыгууну көздөп жатам
Анын айтымында, чыгармачылык, туризм, машина куруу жана ишкерлик боюнча билим алып, иштеген.
"Окууну аяктаган соң 2017-жылы Грециядагы кемеде бармендин жардамчысы болуп сегиз ай иштеп, каражат чогулттум. Буга чейин украиналык бир компаниянын конструкторлорду жасаганына кызыгып калгам. Компаниянын иши тууралуу кенен маалымат алып, анан ошолордукундай станок алууну пландадым. Кемеде иштеп жүргөн кезде бизнес-план түзүп, чогулткан каражатка станокту сатып алдым. Кыргызстанда чакан цех ачып, куурчактардын үйүн, шкатулка, блокнот, саат, органайзер жасай баштадык. Ошондой эле баланын өсүп-өнүгүүсү үчүн ылайыкталган оюнчуктарды Монтессоринин ыкмасы менен иштеп чыкканбыз. Жасаган эмгектерибизди базарларга алып барып сунуштачубуз. Биз материалдарды жыгач саткан дүкөндөрдөн эле алабыз. Дизайнды компьютердеги программалардын жардамы менен чийип чыгабыз. Андан кийин ошол чиймедегидей кылып станок кесип берет. Анан боёлуп, акырында баары чогултулуп, таңгакталат. Ар бир ишти ар башка бала жасап, ишканада жалпы 7-8 киши иштейт", – деди Кадырбеков.
Ишкер жыгач буюмдарды сыртка экспорттоп, дүйнөлүк рынокко чыгууну көздөп жатканын кошумчалады.
Белгилер:
Букуев: дүйнө чемпионатына чыгуу боюнча стратегиялык планыбыз бар
Букуев: дүйнө чемпионатына чыгуу боюнча стратегиялык планыбыз бар
Мундиалга катышуу боюнча былтыртан баштап атайын 2020-2030-жылдарга карата стратегиялык пландын негизинде иш алып барып жатабыз. Мындай пикирин Нурдин Букуев Sputnik Кыргызстан радиосунун эфириндеги маек учурунда айтты.
Анын айтымында, коюлган максатка жетүү үчүн жогорку деңгээлдеги даярдыктан өтүү керек.
"Футбол күйөрмандары үчүн жетишкендиктер гана маанилүү. Алар көшөгө артындагы маселелерди, кыйынчылыктарды биле бербейт. "Жакшы тилек – жарым ырыс" деген бар эмеспи. Үмүт менен жашайт экенбиз. Маселен, аткарыла турчу ишмердүүлүгүбүздүн негизи курама команданы дүйнө чемпионатына чыгаруу. Биздин планыбыз боюнча 2026-жылы же 2030-жылы мундиалга катышалы деп жатабыз. Ал багытта иштелип чыккан стратегиябыз бар. Былтыртан баштап 2020-2030-жылдарга карата стратегиялык пландын негизинде иш алып барып жатабыз. Максатыбыздын ар бир этабында иштерди аткарып, ири мелдешке баруу боюнча мүмкүнчүлүккө ээ болуу", — деди Букуев.
Ошондой эле адис курама команданын күчтүү болуусу үчүн өспүрүмдөр арасындагы футболго абдан көңүл бурулушу керектигин кошумчалады.
Белгилей кетсек, футбол боюнча дүйнө чемпионаты 2026-жылы АКШ, Канада жана Мексикада өтөт. Ал эми 2030-жылдагы чемпионаттын өткөрүлүүчү жери аныктала элек.
Белгилер:
Батракеева: ЖРТга катталгандан кийин телефон номерди өзгөрткөнгө болбойт
(жаңыланган 11:49 07.03.2021)
Билим берүүнү баалоо жана окутуу усулдары борборунун директору Чынара Батракеева ЖРТга катталгандан кийин абитуриенттер телефон номерин өзгөртпөй турушу керектигин айтты.Батракеева: ЖРТга катталгандан кийин телефон номерди өзгөрткөнгө болбойт
Онлайн катталууда бүтүрүүчү өзүнүн же болбосо ата-энесинин туруктуу номерин бериши керек. Анткени системага кирүү үчүн логин катары пайдаланылат. Бул тууралуу Чынара Батракеева Sputnik Кыргызстан радиосунун эфиринде маек куруп жатып билдирди.
Анын айтымында, быйыл ЖРТга каттоо www.testing.kg дарегиндеги борбордун сайтында жүргүзүлөт.
"Жалпы республикалык тестирлөөгө катталгандан кийин абитуриенттер телефон номерин алмаштырбай турушу зарыл. Себеби ЖРТга катталууда арыз ээси сайттагы жеке кабинетине кирүү үчүн өзүнүн телефон номерин көрсөтөт. Ал кирүү үчүн логин болот да, ага сыр сөз берилет. Кийин ушул эле логин келечекте ЖОЖдорго онлайн кабыл алуу үчүн колдонулат. Ошондуктан окууга тапшырып бүтмөйүн номер алмаштырбай туруңуздар", — деди Батракеева.
Адис негизги жана ар бир кошумча предмет үчүн каттоо акысы 370 сом экенин кошумчалады.
Белгилер:
Кыргызстандык жеңил атлетчилер Беларуста бир нече медаль алышты
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.
©
Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды
Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.
Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты.