Радиостудия Sputnik Кыргызстан в Бишкеке - Sputnik Кыргызстан, 1920
Радио

Сарбагишев: волейболдо кыздар арасында 200гө жакын команда бар

© Sputnik / Асель СыдыковаВолейбол федерациясынын башкы катчысы Кылыч Сарбагишев
Волейбол федерациясынын башкы катчысы Кылыч Сарбагишев  - Sputnik Кыргызстан, 1920, 06.02.2021
Жазылуу
Волейбол федерациясынын башкы катчысы Кылыч Сарбагишев кыздар арасында аталган спортко кызыгуу жыл сайын күчөп, учурда түрдүү жаш куракта өлкөдө 200гө чукул команда түптөлгөнүн маалымдады.
Сарбагишев: волейболдо кыздар арасында 200гө жакын команда бар
Командалардын санынын тездик менен өсүшү өлкөдөгү волейболдун абалынын жакшырышынын далили. Ири атаандаштыктын натыйжасында курама команданын да көрсөткүчү өсөт. Мындай пикирин Кылыч Сарбагишев Sputnik Кыргызстан радиосунун эфиринде маек куруп жатып билдирди.
Анын айтымында, кыздар арасындагы өспүрүмдөр лигасына көп көңүл буруу зарыл.
"2020-жылы волейбол боюнча кыздар курамасы алгачкы ирет Азиянын зоналык чемпионатына барышкан. Биринчи жолу катышып, коло медаль багындырышкан. Менин оюмча, кураманын келечеги кенен. Минтип айтууга толук негиз бар. Команда абдан жаш. Өткөн жылы 15-16 жаштагы кыздар катышып, эл аралык деңгээлдеги ири мелдеште чеберчилигин көрсөтүштү. Азыр дагы келечегинен үмүттөндүргөн кыздарды топко кошуп жатабыз. Мындай курам менен Азияда күчтүү атаандаштык көрсөтө алабыз. Эң негизгиси өлкөдө волейболго кыздардын кызыгуусу күч алды. Учурда жалпысынан кыздар арасында 200дөй команда волейбол ойнойт", — деди Сарбагишев.
Ошондой эле адис волейбол боюнча ички чемпионаттын деңгээли өсүп, жыл сайын жаңы командалар кошулуп жаткандыгын кошумчалады.
Жаңылыктар түрмөгү
0