ТИМге караштуу Дипломатиялык академиянын доценти, юридика илимдеринин кандидаты Темир Нурматов

Нурматов: элчинин үй-бүлөсү да атайын окуудан өтүшү керек

41
ТИМге караштуу Дипломатиялык академиянын доценти, юридика илимдеринин кандидаты Темир Нурматов аталган окуу жайда учурда 200дөн ашуун магистрант билим алып жатканын айтты.
Нурматов: элчинин үй-бүлөсү да атайын окуудан өтүшү керек

Элчилердин өздөрү эле эмес, үй-бүлө мүчөлөрү да атайын курстан өтүшү зарыл. Бул тууралуу Темир Нурматов Sputnik Кыргызстан радиосуна маек куруп жатып билдирди.

Анын айтымында, мындай курстар дипломатиялык билими, тажрыйбасы бар элчилерге сунушталбайт.

"Элчилерди кызматка дайындоо мамлекеттик кадр саясатына кирип, президент тарабынан жүргүзүлөт. Бирок мурда бул кызматты аркалабаган адамдар башка мамлекетке өлкөнүн жүзү катары кетип жаткан соң атайын кыска курстардан өтүшөт. Бул окутуулар алардын үй-бүлө мүчөлөрүнө да тиешелүү. Тилекке каршы, азырынча элчилерге багытталган курстар милдеттүү болбой калды. Муну кызматка дайындалып, бул тармакка жаңыдан аралашып жаткан аткаминер үчүн сөзсүз түрдө окуй тургандай кылуу мезгил талабы болуп турат", — деди Нурматов.

Педагог окуу жайдан магистр, студенттер эл аралык мамилелер жана укук, ошондой эле дүйнөлүк экономика жана бизнес багытында билим алышарын кошумчалады.

41
Белгилер:
Темир Нурматов, билим, окутуу, элчи
Тема боюнча
Жаңы Конституцияда президент канчалык күчтөнөт? Негизги укуктары
ФИФАнын калысы, Кыргыз футбол союзунун юридикалык бөлүмүнүн начальниги Нурдин Букуев

Букуев: дүйнө чемпионатына чыгуу боюнча стратегиялык планыбыз бар

24
ФИФАнын калысы, Кыргыз футбол союзунун юридикалык бөлүмүнүн начальниги Нурдин Букуев улуттук курама команда 2026ынчы же 2030-жылы футбол боюнча дүйнө чемпионатына катышууну пландап жаткандыгын билдирди.
Букуев: дүйнө чемпионатына чыгуу боюнча стратегиялык планыбыз бар

Мундиалга катышуу боюнча былтыртан баштап атайын 2020-2030-жылдарга карата стратегиялык пландын негизинде иш алып барып жатабыз. Мындай пикирин Нурдин Букуев Sputnik Кыргызстан радиосунун эфириндеги маек учурунда айтты.

Анын айтымында, коюлган максатка жетүү үчүн жогорку деңгээлдеги даярдыктан өтүү керек.

"Футбол күйөрмандары үчүн жетишкендиктер гана маанилүү. Алар көшөгө артындагы маселелерди, кыйынчылыктарды биле бербейт. "Жакшы тилек – жарым ырыс" деген бар эмеспи. Үмүт менен жашайт экенбиз. Маселен, аткарыла турчу ишмердүүлүгүбүздүн негизи курама команданы дүйнө чемпионатына чыгаруу. Биздин планыбыз боюнча 2026-жылы же 2030-жылы мундиалга катышалы деп жатабыз. Ал багытта иштелип чыккан стратегиябыз бар. Былтыртан баштап 2020-2030-жылдарга карата стратегиялык пландын негизинде иш алып барып жатабыз. Максатыбыздын ар бир этабында иштерди аткарып, ири мелдешке баруу боюнча мүмкүнчүлүккө ээ болуу", — деди Букуев.

Ошондой эле адис курама команданын күчтүү болуусу үчүн өспүрүмдөр арасындагы футболго абдан көңүл бурулушу керектигин кошумчалады.

Белгилей кетсек, футбол боюнча дүйнө чемпионаты 2026-жылы АКШ, Канада жана Мексикада өтөт. Ал эми 2030-жылдагы чемпионаттын өткөрүлүүчү жери аныктала элек.

24
Белгилер:
дүйнө чемпионаты, ФИФА, футбол, Нурдин Букуев
Тема боюнча
Катарда өтчү футбол боюнча дүйнө чемпионатына күйөрмандар киргизилет
Билим берүүнү баалоо жана окутуу усулдары борборунун директору Чынара Батракеева

Батракеева: ЖРТга катталгандан кийин телефон номерди өзгөрткөнгө болбойт

28
(жаңыланган 11:49 07.03.2021)
Билим берүүнү баалоо жана окутуу усулдары борборунун директору Чынара Батракеева ЖРТга катталгандан кийин абитуриенттер телефон номерин өзгөртпөй турушу керектигин айтты.
Батракеева: ЖРТга катталгандан кийин телефон номерди өзгөрткөнгө болбойт

Онлайн катталууда бүтүрүүчү өзүнүн же болбосо ата-энесинин туруктуу номерин бериши керек. Анткени системага кирүү үчүн логин катары пайдаланылат. Бул тууралуу Чынара Батракеева Sputnik Кыргызстан радиосунун эфиринде маек куруп жатып билдирди.

Анын айтымында, быйыл ЖРТга каттоо www.testing.kg дарегиндеги борбордун сайтында жүргүзүлөт.

"Жалпы республикалык тестирлөөгө катталгандан кийин абитуриенттер телефон номерин алмаштырбай турушу зарыл. Себеби ЖРТга катталууда арыз ээси сайттагы жеке кабинетине кирүү үчүн өзүнүн телефон номерин көрсөтөт. Ал кирүү үчүн логин болот да, ага сыр сөз  берилет. Кийин ушул эле логин келечекте ЖОЖдорго онлайн кабыл алуу үчүн колдонулат. Ошондуктан окууга тапшырып бүтмөйүн номер алмаштырбай туруңуздар", — деди Батракеева.

Адис негизги жана ар бир кошумча предмет үчүн каттоо акысы 370 сом экенин кошумчалады.

28
Белгилер:
окуу, ЖОЖ, абитуриент, ЖРТ, Чынара Батракеева
Тема боюнча
Быйыл бүтүрүүчүлөр ЖРТга жаңы эреже менен катталат. Шарт-талабы
Жеңил атлетчилер марафон учурунда. Архив

Кыргызстандык жеңил атлетчилер Беларуста бир нече медаль алышты

0
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.

БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.

Кыргызстанские легкоатлеты во время соревнований в Беларуси
© Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды

Маалыматка ылайык, Минск шаарындагы мелдеште узундукка секирүү боюнча Светлана Майер биринчи орунга жетип алтын медалга татыган. Анастасия Бондаренко 200 жана 60 метрге чуркап коло менен күмүш медаль алса, ал эми Артем Слесаренко 60 метрге чуркап коло медалга ээ болгон.

Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.

Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты. 

0
Белгилер:
медаль, мелдеш, жеңил атлетика, Беларусь
Тема боюнча
Надыров: Ысык-Көл марафонунун байге фонду 1 млн. 44 миң сомду түзөт
ШКУнун эл аралык марафону 15-майда Чолпон-Ата шаарында старт алат