Радиостудия Sputnik Кыргызстан в Бишкеке - Sputnik Кыргызстан, 1920
Радио

Юрист саатына акы төлөө эмгек тутумунун күнгөй-тескейин айтып берди

© Sputnik / Асель СыдыковаЮридикалык клиникалар ассоциациясынын жетекчиси, юридика илимдеринин кандидаты Артур Бакиров
Юридикалык клиникалар ассоциациясынын жетекчиси, юридика илимдеринин кандидаты Артур Бакиров - Sputnik Кыргызстан, 1920, 12.02.2021
Жазылуу
Юридикалык клиникалар ассоциациясынын жетекчиси, юридика илимдеринин кандидаты Артур Бакиров сааттык акы төлөө системасына өтүү үчүн тийиштүү мыйзамдарга өзгөртүү киргизүү зарыл экенин белгиледи.
Юрист саатына акы төлөө эмгек тутумунун күнгөй-тескейин айтып берди
Сааттык акы төлөө графиги киргизилсе маянада анчалык деле өзгөрүү болбошу ыктымал. Ошол эле учурда иши узарып кеткен кызматкерлердин айлык акысы жогорулашы мүмкүн. Бул тууралуу Артур Бакиров Sputnik Кыргызстан радиосуна маек куруп жатып билдирди.
Анын айтымында, учурда мындай система мугалимдер, вахталык ыкма менен иштегендерге колдонулат.
"Сааттык акы төлөө учурда жаңылык эмес. Чет өлкөлөрдө бул ыкма жолго коюлган, бирок тактоо иштери зарыл. Маселен, мугалимдер бир саат сабак өтөт. Ошону менен табель толтурулат. Ал эми мамлекеттик кызматкерлердин сааттары кантип эсептеле турганын аныкташ керек. Мындан тышкары, тийиштүү мыйзамдарга, Эмгек кодексине өзгөртүү киргизүү зарыл. Себеби бүгүнкү күндө мамлекеттик, муниципалдык жана башка кызматтарда сааттык акы төлөнүү көрсөтүлгөн эмес. Ошондуктан сааттык акы төлөө графигин киргизүү 5-6 айды талап кылат", — деди Бакиров.
Юрист, ошондой эле, сааттык акы төлөө графигин киргизүү менен кызматкерлердин ишинин эффективдүүлүгүн аныктаган механизмди иштеп чыгуу зарылдыгын кошумчалады.
Белгилей кетсек, өкмөттүн 3-февралда бекитилген "Чыныгы максаттар, жаңы багыттар" программасынын "Экономиканы модернизациялоо" бөлүмүндө эмгек рыногун стимулдаштыруу үчүн окладдык системанын ордуна сааттык акы төлөө жана аткарылган ишке жараша маяна чегерүүгө өтүү жазылган.
Жаңылыктар түрмөгү
0