Капиталдык курулуш башкармалыгынын жолдор боюнча бөлүмүнүн жетекчиси Темир Мамашов

Мамашов: жол салууга тоскоол болгон объектилерди сатып алабыз

109
(жаңыланган 15:22 17.02.2021)
Капиталдык курулуш башкармалыгынын жолдор боюнча бөлүмүнүн жетекчиси Темир Мамашов жол салууга же кеңейтүүгө тоскоолдук жаратып, жылдырыш керек болгон объектилер аталган башкармалык тарабынан сатып алынарын айтты.
Мамашов: жол салууга тоскоол болгон объектилерди сатып алабыз

2020-жылы биринчи фазада калып калган Лев Толстой көчөсү толук жасалып бүттү. Пандемиядан улам көп иштер аткарылбай калды. Өткөн жылдын аягындагы түзүлгөн келишим боюнча Жайыл баатыр, Сухэ Батор жана Манас көчөлөрүнүн жолдору жаңыдан курулат. Ошондой эле бул этапта беш жаңы көпүрө салынары мерчемделген. Бул тууралуу Темир Мамашов Sputnik Кыргызстан радиосунун эфиринде маек куруп жатып билдирди.

Анын айтымында, Бишкектин жолдору 50 миң эле унаага ылайык болгонуна карабай, учурда автотранспорттун саны 500 миңге чыкты.

"Борбор калаада 1400 чакырым жол бар. Башында 50-100дөй чакырым жол оңдолгон эле. Андан соң жолдун 90 пайызы талкаланып баштагандан кийин өкмөт Кытай менен келишим түзүп, анда оңдоп-түзөө, куруу иштери үч этапка бөлүнгөн. Биринчи этап 2016-жылы башталып, 95 чакырым жол оңдолду. Учурда экинчи фаза башталып, 2020-жылы сентябрь айында келишимге кол коюлуп, алты көчөдө иштер башталып, кышында токтоп турган. Азыр марттын он бешинен тартып жумуштар жанданганы турат. Бул жумушка 278 миллион юань бөлүнгөн. Мында 60 пайыз шаар ичиндеги, калганы конуштардагы жолдор каралган. 2022-жылы сентябрда бүтүшү керек. Үчүнчү фазанын долбоору иштелүүдө. Анда автотыгынды азайтуу үчүн экинчи, үчүнчү деңгээлдеги асма жолдорду курууну көздөп жатабыз. Көпүрөлөр унаа эң көп болгон Чүй — Фучик жана Бах — Лев Толстой көчөлөрүнө салынат. Учурда сметасы эсептелип, долбоор каралып жатат. Бүткөн соң ушул жылдын аягында тендер өткөрүлөт. Бул жылы 43 көчө реконструкцияланат. Ал эми 2022-жылы 17 көчө бүткөрүлөт", — деди Мамашов.

Ал Ахунбаев көчөсүнүн Байтик баатырдан Жукеев-Пудовкинге чейинки бөлүгүнө дагы бир жол тилкесин кошуп кеңейтүүнү пландап жатышканын кошумчалады.

109
Белгилер:
Темирбек Мамашов, эстакадалык көпүрө, жол, курулуш
Тема боюнча
Бишкектеги автотыгынды азайтуу үчүн асма көпүрөлөр курулат
КРдин эмгек сиңирген артисти Мурат Мамбетов

Мамбетов: Жамал Сейдакматова жашоосунда бактылуу адам болду

73
КРдин эмгек сиңирген артисти Мурат Мамбетов кыргыз театр жана кино өнөрүнүн улуу актрисасы Жамал Сейдакматованын бактылуу өмүр сүрүп, жакшы жашаганын айтып берди.
Мамбетов: Жамал Сейдакматова жашоосунда бактылуу адам болду

Жамал Сейдакматова тирүү кезинде укмуштуу даражага жетип, алдыга койгон максаттарын орундатты. Мындай пикирин Мурат Мамбетов Sputnik Кыргызстан радиосунун эфиринде маек учурунда айтып берди.

Анын айтымында, таланттуу актрисанын театрда жана кинодо ойнобогон ролу калган жок. Улуу артисттерден сабак алып, кыргыз искусствосунун өнүгүшүнө жана түптөлүшүнө зор салым кошту.

"Жамал эже жөнүндө айтуу бир чети кыйын, бир чети жеңил. Бир багытта айтуу мүмкүн эмес. Ал ар тараптуу адам эле. Жамал эже жашоосунда бактылуу адам болду. Себеби тирүү кезинде эмне деген даражаларга жеткен жок. Алдына койгон максаттарын орундатты. Сахнада анын ойнобой калган ролу болгон жок. Белгилүү режиссёрлор менен иштешип, улуу артисттерден сабак алды. Ал эми эл аны "Жамал, Жамал!" деп дайыма тосуп алчу. Жамал эже өз өмүрүн татыктуу жашап өттү," — деди Мамбетов.

Ошондой эле актёр Жамал Сейдакматованын өтө жөнөкөйлүгү, көрөгөчтүгү аны башкалардан өзгөчөлөнтүп турганын кошумчалады.

73
Белгилер:
искусство, кино, театр, эскерүү, Жамал Сейдакматова, Мурат Мамбетов
Тема боюнча
Дүйнөлүк театр искусствосунун улуу актрисасы. Сейдакматовага жазылган некролог
Аялдан дос күткөн жокмун... Жамал Сейдакматованын турмуштук ойлорунан
Оорудан корком, балам. Жамал Сейдакматованын толгонгон соңку видео маеги
Көйкашка коомдук бирикмесинин мүчөсү, манасчы Нурбек Талантбеков. Архив

Талантбеков: күч түзүмдөрүнүн бир бөлүгү "бөгөл" делген

37
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосундагы кездешкен көөнө сөздүн маанисин чечмелеп берди.

Эпосто "бөгөл" деген сөз кездешет. Ал күч түзүмдөрүнүн бир бөлүгү катары түшүндүрүлөт. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында маалымдады.

Талантбеков: күч түзүмдөрүнүн бир бөлүгү "бөгөл" делген

Анын айтымында, бул сөз Манастын 40 чоросунун биринин ысымы катары айтылат.

"Эпосто "бөгөл" деген сөз бар. Улуу баянда чоролордун биринин ысымы дагы Бөгөл болгону маалымдалган. Ошондой эле учурда ИИМ, УКМК, Каржы полициясы деген күч түзүмдөрү бар. Ошол сыяктуу эле эпосто "бөгөл" кызматтык аскер түзүмдөрүнүн бири деген мааниде колдонулат. Эпосто кайгуул, бөгөл, тооручу дегендер болгон. Бирөө кайгуул чалса, башкасы жамандыкты бөгөп, алдын алган. Ал эми башкалары жаман иштерди тооруп, жокко чыгарганы айтылат", — деди Талантбеков.

Манасчы "бөгөл" деген сөздү күнүмдүк турмушка ыңгайлаштырып колдонсо боло турганын кошумчалады.

37
Белгилер:
кыргыз тили, Манас эпосу, Нурбек Талантбеков
Тема боюнча
Талантбеков: "Манас" эпосунда брусчатка "таш таман" деп айтылган
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

0
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

0
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды