Өсүмдүктөрдү коргоо жана химиялаштыруу департаментинин директорунун орун басары Жалилбек Тойматов. Архив

Тойматов: жер семирткичтин баасы жылдагыдан кымбат болууда

184
Өсүмдүктөрдү коргоо жана химиялаштыруу департаментинин директорунун орун басары Жалилбек Тойматов жазгы айдап-себүү иштерине дыйкандарды жер семирткич менен камсыздоо жүрүп жатканын белгиледи.
Тойматов: жер семирткичтин баасы жылдагыдан кымбат болууда

Доллардын куну өскөнүнө байланыштуу жер семирткичке болгон баа жогорулады. Бул тууралуу Жалилбек Тойматов Sputnik Кыргызстан радиосуна маек куруп жатып билдирди.

Анын айтымында, учурда күн жылыган айрым аймактарда жазгы талаа иштери башталган.

"Өлкө боюнча жазгы айдап-себүү иштерине жалпы 396 миң тонна минералдык жер семирткич керектелет деп илимий жактан негизделген. Ал эми жазгы айдап-себүү иштерин өткөрүп алуу үчүн 45-50 миң тонна жер семирткич керектелет. Алар өлкөгө негизинен Өзбекстан, азыраак көлөмдө Россия жана Казакстандан алып келинет. Быйыл Өзбекстанда жана Казакстанда жер семирткичти чыгарууга убактылуу чектөө коюлгандыктан бизде тартыштык жаралып калуу коркунучу бар. Анын үстүнө доллардын куну көтөрүлүп, бул дагы өзүнүн терс таасирин тийгизүүдө. Себеби буга чейин жер семирткичтин тоннасы 210 доллардан болсо, бүгүнкү күндө 250 долларга жетти. Бул багытта тийиштүү сүйлөшүүлөр жүрүп жатат. Бирок баасы мурдагы жылдарга салыштырмалуу жогорулашы ыктымал. Маселен, мурда килограммы 17-17,5 сомдон сатылса, учурда селитранын баасы 20-23 сомго көтөрүлдү", — деди Тойматов.

Ошондой эле ал учурда 11 миң тонна жер семирткич алып келинип, 2020-жылдан ашкан калдыктар менен бирге 36 миң тонна даярдалып, дыйкандарга сатылып жатканын кошумчалады.

184
Белгилер:
Жалилбек Тойматов, жер семирткич, дыйкан
Тема боюнча
Кыш кете электе... Баткенде жазгы айдап себүү жумуштары башталды. Сүрөт
Адис Бекжан Шакенов

Шакенов: телефонду кубаттоодо эки эрежени сактаса көпкө чейин жетет

39
(жаңыланган 20:54 27.02.2021)
Адис Бекжан Шакенов Кыргызстандын рыногунда iPhone, Samsung жана Xiaomi брендинин телефондору көп сатыларын айтып, смартфон тандоодо көңүл бөлүү керек болгон негизги факторлорду атады.

Эгер телефондун кубаттуулугу кармабай калса алмаштырса болот. Бирок Кыргызстанга оригинал аккумуляторлор алып келинбегендиктен, бир аз начарласа анда алмаштырбай эле койгон оң. Себеби кубаттуулугу ашып кетсе бир саатка көбүрөөк жетип калат. Бул тууралуу Бекжан Шакенов Sputnik Кыргызстан радиосунун эфиринде маек куруп жатып билдирди.

Шакенов: телефонду кубаттоодо эки эрежени сактаса көпкө чейин жетет

Анын айтымында, башка смартфондорго салыштырмалуу Redmi компаниясынын аппараттарынын батарейкасы көпкө чейин жеткендиктен бул гаджет студенттерге ылайыктуу.

"Жыл сайын технология өнүгүп турат. iPhone, Samsung жана Xiaomi компаниялары бири-биринен өзгөчөлөнүп смартфондун жаңы версияларын чыгарууда. Gorilla Glass 5-муундагы чыккан смартфондор кымбат келип, жалпы корпусу темирден, алды-арты айнектен жасалат. Желим жана темирден жасалгандары орто бюджетте болот. Негизинен мындай телефондорду Samsung, Redmi өндүрөт. Жаңы телефон алып жатканда тандоодо эч кандай маселе деле жаралбайт. Мүнөздөмөсүн интернеттен окуп, сизге керектүүсүн алсаңыз болот. Ошондой эле сатуучу кепилдик берип, эгер өндүрүштүк кемчиликтер болсо алмаштырып берет. Ал эми колдонулган телефон аларда кылдат текшерип алган оң. Өзгөчө iPhone аппаратынын көп нерсеси оңой алмашат. Алгач тескөөсүнө кирип батарейканын абалын караңыз. Эгер 100 болсо жаңы салынган. Сырткы абалына, чийиктерине көңүл бөлүңүз. Сырткы камерасынын объективинин ичинде чаң туруп калса анда смартфон ачылган", — деди Шакенов.

Адис смартфонду таптакыр өчө электе кубаттап жана 100 пайызга жеткирбей токтон чыгарса батарейка көпкө жетерин кошумчалады.

39
Белгилер:
компания, тандоо, смартфон
Тема боюнча
Xiaomi зымы жок смартфон кубаттагыч чыгарды. Видео
Юридикалык клиникалар ассоциациясынын жетекчиси, илимдин кандидаты Артур Бакиров. Архивдик сүрөт

Айдоочу орой мамиле кылса эмне кылуу керек? Юристтин кеңеши

12
Юридикалык клиникалар ассоциациясынын жетекчиси, илимдин кандидаты Артур Бакиров коомдук транспорттун айдоочусу орой мамиле кылса, жоопкерчиликке тартса болорун айтты.
Айдоочу орой мамиле кылса эмне кылуу керек? Юристтин кеңеши

Таксист орой мамиле кылса жоопкерчиликке тартуу үчүн аны далилдөө зарыл. Бул тууралуу Артур Бакиров Sputnik Кыргызстан радиосуна маек куруп жатып билдирди.

Анын айтымында, мындай учурда тартиптик жана кылмыш жоопкерчилигине тартуу мүмкүн.

"Такси же коомдук транспорттун айдоочусу орой сүйлөп, урушса, маскараласа аны далилдөө зарыл. Ал үчүн видео, күбөлөрдүн көрсөтмөсү жана башка далилдер тиркелет. Кылмыш жоопкерчилигине тартуу үчүн тийиштүү далилдер менен милицияга кайрылуу шарт. Ички иштер органдары кандай учур болбосун карашат жана бул нерсе укук бузуу экендигин аныкташат", — деди Бакиров.

Юрист орой айдоочуну тартип жоопкерчилигине тартуу үчүн транспорттук мекеменин жетекчилигине кайрылуу керектигин кошумчалады.

12
Белгилер:
милиция, мамиле, такси, юрист, Артур Бакиров
Тема боюнча
Саатына жараша төлөнөт. КРде эмгек акы тутумун өзгөртүү каралууда
Президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш чарада

Жапаров Кыргызстанда "Манас" театрын ачуу пландалып жатканын айтты

14
(жаңыланган 22:03 27.02.2021)
Президент Садыр Жапаровдун айтымында, улуттук маданиятты өнүктүрмөйүн элдин жашоо-шартын жакшыртууга болбойт.

БИШКЕК, 27-фев. — Sputnik. Кыргызстанда "Манас" театрын ачуу пландалып жатат. Бул тууралуу президент Садыр Жапаров көрүнүктүү мамлекеттик жана коомдук ишмер Күлүйпа Кондучалованын 100 жылдыгына арналган салтанаттуу иш-чарада сүйлөп жатып айтты.

Мамлекет башчы алдыда "Манас" эпосун даңазалоо боюнча атайын программа иштеп чыгуу жана каржы булагын табуу милдети турганын белгиледи.

"Манас" театрын ачуу боюнча алгачкы кадамдар жасалууда. Анын жардамы менен мамлекет манасчыларга кам көрүп, аларды бириктирип, ушул өнөрдү жайылтат", — деди Жапаров.

Ал ошондой эле "Манас" эпосу темасы ар бир театрдын репертуарында болушу керектигин белгиледи.

Премьер-министр Улукбек Марипов IT тармакта иштеген ишкерлер менен жолугушту.
© Фото / Пресс-служба правительства / Алишер Алиев
"90-жылдары театр жана көңүл ачуучу мекемелеринин баары бош калган мезгил болгон. Азыркы тапта адамдарда руханий муктаждыктан улам театрга кызыкчылык бар. Биздин театрлар заманбап спектаклдерди, сахна концерттерин тартуулап, көрүүчүлөрдү өзүнө тартып туруусу учурдун талаптарынын бири болуп турат", — деди президент.

Өлкө башчы маданият тармагынын өкүлдөрүнө кайрылып, театрларды эффективдүү иштетүүнүн жолун таап, алардын чыгармачылыгын өстүрүү башкы милдет экенин айтты.

Жапаровдун белгилешинче, улуттук маданиятты өнүктүрмөйүн элдин жашоо-шартын жакшыртууга болбойт. Ал заманбап таланттуу акындардын, жазуучулардын жана композиторлордун жаңы чыгармалары элге керек болуп турганын белгиледи.

14
Белгилер:
театр, Манас, Садыр Жапаров, Кыргызстан
Тема боюнча
Дүйнөлүк театр искусствосунун улуу актрисасы. Сейдакматовага жазылган некролог
Москвадагы театралдык окуу жай кыргызстандыктарды кабыл алат. Талаптары