Психолог Айдана Абакова

Абакова: "эл эмне дейт" түшүнүгүнө "жок" дей албаган адамдар көп тушугат

157
(жаңыланган 16:42 18.02.2021)
Психолог Айдана Абакова "эл эмне дейт" түшүнүгү менен жашагандар көбүнесе бактысыз болорун айтты.
Абакова: "эл эмне дейт" түшүнүгүнө "жок" дей албаган адамдар көп тушугат

Бардык нерсе ойдон жаралат. Эл эмне дейт деп сарсанаа болуунун түпкү көйгөйү да ойдон келип чыгат. Мындай адамдарды көбүнесе бала кезинен ошентип ойлогонго тарбиялап коюшкан. Мындай пикирин Айдана Абакова Sputnik Кыргызстан радиосуна маек куруп жатып билдирди.

Анын айтымында, баланы кичинекей кезинен башкалардын пикирин сыйлоого, бирок өз каалоосун аныктап, ачык айта ала тургандай кылып тарбиялоо керек.

"Эл эмне дейт деп жашаган адамдар, тилекке каршы, көп учурда өзүнүн бактысыз экенин кеч түшүнүшөт. Мисалы, башкалардын пикиринен улам кесип тандайт, өмүр бою аны аркалап иштейт, бирок ал кесип өзүнүн каалоосу эмес экенин 30-40 жылдан кийин билет. Мындай учурда айланасындагылары жылуу сөз айтып, ал чыныгы адис экенин баса белгилеп мактап коюшса, айрым учурларда адам ошого канааттанып калат. Андан ары да жашоосун жакшы улантып кете берет. Айрымдары жашы бир топко барып калганда өзүн-өзү жоготуп алгандай стресске түшүп кыйналышат. Алар кеч болсо да өз каалоосу менен жашагысы келет, бирок ишке ашыра албай калуудан чочулаган коркуу сезими пайда болот. Мындай учурда адамдын жан дүйнөсү кыйналат. Ошондуктан баланы өз каалоосун тартынбай айта тургандай кылып тарбиялоо зарыл. Анткени "эл эмне дейт" түшүнүгүнө көбүнесе "жок" деп айта албай, башкалардын ою менен жашаган адамдар туш болушат", — деди Абакова.

Психолог адам мындай абалга туш болгон учурда ичиндеги бардык ойлорун кагазга түшүрүп, окуп, буюм жыйнагандай эле ойлорун иреттеп алуусу зарылдыгын кошумчалады.

157
Белгилер:
Айдана Абакова, каалоо, психолог
Тема боюнча
Аалканов: калпты адам эле эмес жаныбарлар да колдонот
Прозаик, драматург, киносценарист Токтобек Үсөнов

Үсөнов: прозаиктер пиар жагынан аксап калууда

55
Прозаик, драматург, киносценарист Токтобек Үсөнов өлкөдө проза жаатында жаңы калемгерлердин ысымдары элге таанылбай калып жатканынын себебин айтып берди.

Жаш акындардын тез эле элдин оозуна алынып кетүүсүнө пиар түрткү болду. Тилекке каршы, прозаиктер бул жагынан аксап калууда. Мындай пикирин Токтобек Үсөнов Sputnik Кыргызстан радиосуна маек куруп жатып белгиледи.

Үсөнов: прозаиктер пиар жагынан аксап калууда

Анын айтымында, учурда проза жазган жаш калемгерлер деле көп.

"Техниканын өнүгүп жаткан учурунда бир маалыматты бир нече булактан алууга мүмкүн. Анын ичинен таанылыш үчүн пиар дегенди колдонуу зарыл. Жаш акындар аны жакшы колдонуп, элдин оозуна алынышты. Эл Акбар Кубанычбеков, Бердибек Жамгырчиев, Садырбек Турдубек уулу деген акындар бар экенин билип, алардын ырларын окуп, сын жазып, талкууга алышты. Прозада ушундай ысымдардын чыкпай жатканынын себеби — прозалык чыгарма көлөмдүү. Ырдай кылып социалдык тармактарга жарыялай албайсың. Анткени ал чоң чыгарма, кыскача видео же текст кылып социалдык тармакка чыгаруу мүмкүн эмес. Анын үстүнө акындарга жеңил, себеби поэзия — бул сезимдерди ырга салуу. Ошол сезимди жазып, аны видео кылып окуп социалдык тармактарга жүктөп койсо, элге тарай берет. Прозаиктер дагы санариптик мүмкүнчүлүктөрдү колдонуу жолдорун табуусу зарыл", — деди Үсөнов.

Жазмакер учурда окурмандар кыска чыгармаларга көнүп алганын кошумчалады.

55
Белгилер:
пиар, проза, адабият
FSDS коомдук уюмунун аткаруучу директору, ишкер Муратбек Исмаилов

Исмаилов: айыл чарба тармагы кирешелүү тармак деп эсептелинбейт

29
FSDS коомдук уюмунун аткаруучу директору, ишкер Муратбек Исмаилов айыл чарба тармагы дүйнөлүк экономикада кирешелүү тармак эместигин билдирди.
Исмаилов: айыл чарба тармагы кирешелүү тармак деп эсептелинбейт

Мамлекеттер көп учурда айыл чарба тармагын дотациялайт. Бирок бул сектордун социалдык мааниси абдан жогору. Мындай пикирин Муратбек Исмаилов Sputnik Кыргызстан радиосунун эфиринде маек учурунда айтты.

Анын айтымында, Кыргызстанда айдоо жер аз болгондуктан массалык түрдө айыл чарба продуктусун өндүрүү мүмкүн эмес.

"Негизи эле дүйнөдө айыл чарба тармагы кирешелүү деп эсептелинбейт. Мамлекеттер көбүнчө бул тармакты дотация кылат. Ага карабастан, анын социалдык мааниси өтө жогору. Муну биз баары бир жасашыбыз керек. Анткени өлкө калкынын 60 пайыздан жогорусу айыл жергесинде жашагандыктан көбү мал чарбачылык жана дыйканчылык менен иш кылат. Айыл чарбанын приоритеттүү жагын карасак болот. Мисалы, биздин айдоо жерлерибиз көп эмес. Массалык түрдө айыл чарба продуктусун өндүрө албайбыз. Жери көп Казакстан, Беларусь сыяктуу айыл чарба продуктусун массалык түрдө өндүрүп, эл аралык базарда алар менен атаандашуу мүмкүн эмес. Бирок биздин табигый, сапаттуу продуктуларды чыгаруу мүмкүнчүлүгүбүз жогору. Алсак, эттин элиталык сортторун, балды, жапайы чөптөрдү аз өлчөмдө, кымбат баада экспорттоо керек. Айыл чарба тармагын мына ушул жолду тандап гана өнүктүрө алабыз," — деди Исмаилов.

Ошондой эле ишкер инвестиция кыска мөөнөттүү иш эмес экендигин түшүнүүнү кошумчалады.

29
Белгилер:
инвестициялар, ишкер, дотация, айыл чарба
Тема боюнча
Баткенде айыл чарбаны өнүктүрүүгө жеңилдетилген насыя бериле баштады
Вакцина даярдап жаткан дарыгер. Архив

Окумуштуу: эмдөө карылыкты токтотууга жардам берет

4
Дарыгер вакцина системалык сезгенүү синдромун азайтып, карылык процессин жайлатарын айткан.

БИШКЕК, 5-мар. — Sputnik. Жугуштуу ооруларга каршы эмдөөлөр табигый карылык процессин жайлатышы мүмкүн. Бул тууралуу РИА Новости РФтин Саламаттык сактоо министрлигинин башкы гериатры Ольга Ткачевага таянып жазды.

"Эмдөө кээ бир жугуштуу ооруларды гана алдын албай карылыктын ылдамдыгына да таасирин тийгизет. Вакцина системалык сезгенүү синдромун азайтып, карылык процессин жайлата алат", — деген Ткачева.

Ал адамда системалык сезгенүү канчалык көп болсо, ошончолук тез карый турганын айткан.

4
Белгилер:
карылык, вакцина
Тема боюнча
Кемшейип, коркуп, чакчайып... Коронавирустан эмделгендердин реакциясы сүрөттө