Радиостудия Sputnik Кыргызстан в Бишкеке - Sputnik Кыргызстан, 1920
Радио

Кубатова: майыптарды сынаксыз ишке алуу сунушталууда

© Sputnik / Асель СыдыковаСаламаттык сактоо жана социалдык өнүктүрүү министрлигинин өкүлү Кульира Кубатова
Саламаттык сактоо жана социалдык өнүктүрүү министрлигинин өкүлү Кульира Кубатова - Sputnik Кыргызстан, 1920, 20.02.2021
Жазылуу
Саламаттык сактоо жана социалдык өнүктүрүү министрлигинин өкүлү Кульира Кубатова БУУнун конвенциясынын негизинде мүмкүнчүлүгү чектелген жарандардын укугун камсыздоо каралганын белгиледи.
Ден соолугунан мүмкүнчүлүгү чектелген жарандардын квалификациялык талаптары туура келсе, мамлекеттик жана муниципалдык кызматтарга сынаксыз ишке алынуусу сунушталууда. Бул тууралуу Кульира Кубатова Sputnik Кыргызстан радиосуна маек куруп жатып билдирди.
Кубатова: майыптарды сынаксыз ишке алуу сунушталууда
Анын айтымында, мамлекеттик жана муниципалдык кызматтарга мүмкүнчүлүгү чектелген жарандар үчүн беш пайыздык квота бар.
"Социалдык адилеттүүлүктү орнотуу үчүн БУУнун мүмкүнчүлүгү чектелген жарандардын укугун коргоо боюнча конвенциясын Кыргызстан 2019-жылы ратификациялаган. Анда майыптыгы бар жарандарга медициналык кызмат, билим алууда жана кызматка орношууда шарт түзүү каралган. Анын алкагында мамлекеттик жана муниципалдык кызматтарга мүмкүнчүлүгү чектелген жарандарга беш пайыздык квота берилет. Тилекке каршы, бул мыйзамды ишке ашырууда көйгөйлөр жаралууда. Себеби мыйзам боюнча жарандар кызматка орношуу үчүн компьютердик тестирлөөдөн жана маектешүүдөн өтүшү зарыл. Ал эми майыптыгы бар жарандарда мындай мүмкүнчүлүк жок болгондуктан көйгөй жаралууда. Ошондуктан квалификациясы туура келсе, ишке сынаксыз алуу боюнча сунуш берилди", — деди Кубатова.
Ошондой эле ал жумуш берүүчүлөр мүмкүнчүлүгү чектелген жарандарга ыңгайлуу шарттарды түзүп берүүсү керектигин кошумчалады.
Белгилей кетсек, жыл сайын 20-февралда Кыргызстандын демилгеси менен кабыл алынган бүткүл дүйнөлүк социалдык адилеттүүлүк күнү белгиленет. Анын негизги максаты — жакырчылыкты жоюу, адамдарды татыктуу жана толук кандуу иш менен камсыздоо, эркектер менен аялдардын тең укуктуулугу, социалдык абалды жакшыртуу менен социалдык адилеттүүлүктү орнотуу.
Жаңылыктар түрмөгү
0