Экономика министринин мурдагы орун басары, экономист Элдар Абакиров

Абакиров: айыл өкмөттөрдү бириктирип аким, губернаторлорду жоюш керек

1898
(жаңыланган 12:33 22.02.2021)
Экономика министринин мурдагы орун басары, экономист Элдар Абакиров аймактарда элдин ишенимине кирген бийлик келсе инвестиция тартууда жеңил боло турганын белгиледи.
Абакиров: айыл өкмөттөрдү бириктирип аким, губернаторлорду жоюш керек

Жергиликтүү бийликти борбордон ажыратуу саясаты жүргүзүлүшү керек. Мындай пикирин Элдар Абакиров Sputnik Кыргызстан радиосунун "Sputnikтен сүйлөйбүз" программасынын жүрүшүндө билдирди.

Анын айтымында, өкмөттө элди алдыга сүйрөй турган кадрлар болушу шарт.

"Кыргызстанда жумушун начар аткарган кадрлардын иштешине жол берилбеши керек. Кесипкөй адистер өлкөнүн өнүгүшүнө салым кошушу зарыл. Учурда өлкөдө жергиликтүү өз алдынча башкаруу органдарын реформалоого муктаж. Алсак, жергиликтүү башкарууну борбордук бийликтен ажыратуу саясаты жүргүзүлсө туура болот. Аким, губернатор дегендерди жоюп, жергиликтүү бийликтин макамын, жоопкерчилигин, укугун жогорулатып, ал өкмөт менен түз иш алып баруусу зарыл. Учурда өлкөдө 40тан ашуун район, 400дөн ашык айыл өкмөт бар. Алардын ичинен чакан айылдарды бириктирип, саны эки-үч эсеге кыскартылышы керек", — деди Абакиров.

Ошондой эле ал жергиликтүү калк түз шайлоо аркылуу ошол аймактагы бийликти тандап алышы керектигин кошумчалады.

1898
Белгилер:
кадрлар, айыл, реформа, аймак, Элдар Абакиров
Тема боюнча
Агенттик менен ведомстволордун тагдыры чечилип, кимиси каякка кошулары анык болду
Психолог Самат Аалканов. Архив

Психолог: эгоизм менен эгоцентризмди айырмалай билүү керек

29
(жаңыланган 17:39 01.03.2021)
Психолог Самат Аалканов коомдо эгоизм менен эгоцентризм терминдери туура эмес мааниде колдонулуп келерин айтты.

Эгоизмде адам баарынан өзүн жогору койгондой түр калтырат. Бирок жакшылап байкасак, анын бул аракеттери айланасына зыян алып келбей, позитив гана тартуулайт. Демек, биз бул сезимден чочулабай эле койсок болот. Мындай пикирин Самат Аалканов Sputnik Кыргызстан радиосуна маек куруп жатып билдирди.

Психолог: эгоизм менен эгоцентризмди айырмалай билүү керек

Анын айтымында, адамдар көбүнесе эгоцентризмди эгоизм деп атап жаңылышат.

"Эгоцентризм — бул рак клеткасы сыяктуу. Мисалы, залалдуу шишик пайда болгон клеткалар организм менен бир бүтүндүктө жашай албай, өзүнө гана жакшы болуусун талап кылып калат. Жыйынтыгында өзү да, организм да мындан жабыркап, өлүмгө дуушар болот. Эгоцентризмде адам өз каалоосу айланасына зыян алып келип жатса деле аны ишке ашыргысы келе берет. Бирок ал коомдун бир бөлүгү болгондуктан, натыйжасында өзү, жакындары жана башкалар жабыр тартып калышы ыктымал. Ал эми эгоизмде адам бийиктиктерди самайт, алдына максат кылып коёт. Бирок андан эч ким жабыркабайт жана өз жашоосунда да пайдалуу жакка өсүш байкалат. Тескерисинче, ал өз максаттарына жетип, үй-бүлө мүчөлөрүнө, коомчулукка да пайда алып келет. Демек, эгоист адам өзүнүн айрым жеке кызыкчылыктарын айлана-чөйрөсүндөгүлөр үчүн курмандыкка да чала алат", — деди Аалканов.

Психолог баалуулуктардын иерархиясын туура түзүү менен бул эки түрдүү сапатты айырмалай алса болорун кошумчалады.

Адистин маегин толугу менен видеодон көрсөңүз болот.

29
Белгилер:
сапат, адам, Самат Аалканов
Тема боюнча
Психологдун жардамына муктажсызбы? Акысы, дареги, телефондору
Аалканов: калпты адам эле эмес жаныбарлар да колдонот
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев

Кыргызбаев: адамдын папиллома вирусуна каршы эмдөө 2022-жылы башталат

59
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев адамдын папиллома вирусуна каршы вакцинация пандемиядан улам 2021-жылы жүргүзүлбөй калганын айтты.
Кыргызбаев: адамдын папиллома вирусуна каршы эмдөө 2022-жылы башталат

Адамдын папиллома вирусуна каршы вакцина жүргүзүүнү календардык планга киргиздик. 2022-жылы акысыз эмдеп баштайбыз деп үмүттөнүүдөбүз. Бул тууралуу Азим Кыргызбаев Sputnik Кыргызстан радиосунун эфиринде маек куруп жатып билдирди.

Анын айтымында, адамдын папиллома вирусуна каршы вакцинаны жыныстык катнаш боло электе алыш керек.

"Адамдын папиллома вирусуна каршы эмдөө 11 жаштагы кыздарга жасалат. Себеби жатын моюнчасынын рагы кыз бой жетип турмуш кургандан кийин пайда болуп жатат. 11 жашта эки ирет эмдеп калсак, анын таасири бой жеткенге чейин болот. Кыздар турмушка чыккан кезде күйөөсүнөн папиллома вирусун жуктурса, рак болуп ооруп калбайт. Негизи аялдар аталган вирусту алып жүрүүчү болот. Жыныстык катнаш болгондо эркекке өтөт, ал башка аялга жугузат. Мындай учурдан АПВга каршы вакцинация жүргүзүп сактай алабыз. Кээде туура эмес маалыматтар кетип жатат. Чоң эле аялдарга сизде папиллома вирусу бар экен, ага каршы эмдөө алыңыз дегендер бар. Бул жөн эле акча жасагандар. Организмден бул вирус табылгандан кийин вакцина алуунун кажети жок. Мында вакцина албастан дарыланыш керек", — деди Кыргызбаев.

Адис учурда айрым жеке клиникаларда АПВга каршы эмдөө жүргүзүлөрүн, бир вакцина 10-15 миң сом турарын кошумчалады.

59
Белгилер:
папиллома, план, вакцина, Азим Кыргызбаев
Тема боюнча
Кыргызбаев: өлкөдө коронавируска каршы эмдөө ыктыярдуу жүргүзүлөт
Темир жол вокзалында нефть продуктуларын цистерналары. Архив

Өкмөт мунай заттарын сыртка ташып чыгууга тыюу салуу ниетинде

12
(жаңыланган 22:26 01.03.2021)
Кыргызстанда жылдын башынан тарта автоунаа майынын баасы өсүп келе жатат. Бул мезгил аралыгында бензин 14 сомго кымбаттап кеткен.

БИШКЕК, 1-мар. — Sputnik. Кыргыз өкмөтү мунай заттарын Евразиялык экономикалык биримдиктин бажы чегинен сырткары ташып чыгууга убактылуу тыюу салууну сунуштап жатат.

Бул боюнча токтом долбоору өкмөттүн сайтына жарыяланды.

Бийлик муну менен Кыргызстандагы күйүүчү-майлоочу майлардын тартыштыгын алдын алууга аракет кылууда.

Эгерде токтом долбоору кабыл алынса, ал үч күндөн соң күчүнө кирип калат. Тыюу салуу ЕАЭБдин мунай жана мунай заттары боюнча жалпы рынокторун түзгөнгө чейин уланышы мүмкүн.

2021-жылдын башынан тарта 1-мартка чейин россиялык өндүрүштөн чыккан бензиндин тоннасы 300 доллардан 500 долларга чейин өскөн. Кымбаттоо 67 пайызды түзүп, орточо эсеп менен алганда күйүүчү майдын литрине 14 сомдон туура келген. Дизель майдын тоннасы 360 доллардан 470ке чыккан. Пайыздык көрсөткүч менен эсептей келгенде 14 болгон. Бул литрине сегиз сом дегенди билдирет.

12
Белгилер:
кымбаттоо, Зат, мунай, Евразиялык экономикалык биримдик, Кыргызстан
Тема:
ЕАЭБдеги Кыргызстан
Тема боюнча
ЕАЭБ чек арасында ветеринардык, фитосанитардык көзөмөл жүргүзүүгө тыюу салынды
Кыргызстан мамлекеттик карыздан кутулууга үч жылда 123 млрд. сом жумшайт