КРдин эл артисти, режиссер Эгемберди Чалабаев

Чалабаев: Жамал Сейдакматова эже карьерасын садага чапкан адам болду

249
(жаңыланган 13:00 22.02.2021)
КРдин эл артисти, режиссер Эгемберди Чалабаев Жамал Сейдакматова өзү түзгөн коллективин барктаган, карьерасын садага чапкан адам болгонун айтты.
Чалабаев: Жамал Сейдакматова эже карьерасын садага чапкан адам болду

Актердук билими жок эле кыргыз театрын түптөгөн дөө-шаалар көп болду. Алардын агымында Жамал эже да бар эле. Мени бул жарык дүйнөгө апам алып келип тарбиялаган болсо, Жамал эже менин мүмкүнчүлүктөрүмдү, жөндөмүмдү болушунча ачып, Чалабаев болуп калыптанышыма себеп болду. Бул тууралуу Эгемберди Чалабаев Sputnik Кыргызстан радиосунун эфиринде маек куруп жатып билдирди.

Режиссердун айтымында, Жамал Сейдакматова жаны кыйналган кезде ыйлап жиберчү, балдары "Жамал эже кранды ачып койду" деп тамашалап, сооротуп калышчу.

"Азыр кыргыз театрында бул кишидей уюштуруучу, бир идеяны ишке ашырып кете ала турган устат көрө албай турам. Токсонунчу жылдары 50 жашында эженин болуп турган убагы эле. Сүт көл, май көл жашоодо жашап жатса дагы актрисалык тагдырына балта чаап туруп, мен сыяктуу салпактап массовкада найза көтөрүп жүргөн балдарды ээрчитип, Кыргыз мамлекеттик драма театрынан бөлүнүп чыгып кеттик. Санаалаштар менен "Тунгуч" жеке театрын ачты. Эже Асылбек Өзүбековду башчы кылып, "сен муну уюштура кал" десе, Мурат Мамбетовду "бар, тигини тарта сал" дейт эле. Мен болсо кызганып "эмнеге эле Мукени тарт дей берет, биз деле кылсак болбойбу" деп калчумун. Көрсө ал киши ар бирибиздин артыкчылыгыбызды байкап ошого жараша иш бөлүштүрүп койчу экен. Бир жолу Жамал эже Жал айылынан ижарага жер алып, "балдар, кудай буюрса жашооңор оңолот" деп келип калыптыр. "Биз эмне кылабыз?" десек, "ал жерге картошка, бадыраң тигебиз" деди. Ар бирибизге жер тилкеси бөлүндү. Мурат экөөбүз картошка эгип коюп, бир да жолу түптөп, сугарбастан, гастролдон келип казсак эле эч нерсе жок. Мен болсо кайран эмгек деп коем. Анан эже биздин бул жерде оокат кыла албай турганыбызды түшүндү. Анан концерттик ишке өтүп кеттик", — деди Чалабаев.

Ал Жамал Сейдакматова бул жашоого кандай максат койсо, анын баарын ишке ашыра алганын кошумчалады.

249
Белгилер:
"Туңгуч" театры, эскерүү, Жамал Сейдакматова, Эгемберди Чалабаев
Тема боюнча
Эми башка Жамал жаралбайт. Элдин Сейдакматова менен коштошкон видеосу
Психолог Самат Аалканов. Архив

Психолог: эгоизм менен эгоцентризмди айырмалай билүү керек

31
(жаңыланган 17:39 01.03.2021)
Психолог Самат Аалканов коомдо эгоизм менен эгоцентризм терминдери туура эмес мааниде колдонулуп келерин айтты.

Эгоизмде адам баарынан өзүн жогору койгондой түр калтырат. Бирок жакшылап байкасак, анын бул аракеттери айланасына зыян алып келбей, позитив гана тартуулайт. Демек, биз бул сезимден чочулабай эле койсок болот. Мындай пикирин Самат Аалканов Sputnik Кыргызстан радиосуна маек куруп жатып билдирди.

Психолог: эгоизм менен эгоцентризмди айырмалай билүү керек

Анын айтымында, адамдар көбүнесе эгоцентризмди эгоизм деп атап жаңылышат.

"Эгоцентризм — бул рак клеткасы сыяктуу. Мисалы, залалдуу шишик пайда болгон клеткалар организм менен бир бүтүндүктө жашай албай, өзүнө гана жакшы болуусун талап кылып калат. Жыйынтыгында өзү да, организм да мындан жабыркап, өлүмгө дуушар болот. Эгоцентризмде адам өз каалоосу айланасына зыян алып келип жатса деле аны ишке ашыргысы келе берет. Бирок ал коомдун бир бөлүгү болгондуктан, натыйжасында өзү, жакындары жана башкалар жабыр тартып калышы ыктымал. Ал эми эгоизмде адам бийиктиктерди самайт, алдына максат кылып коёт. Бирок андан эч ким жабыркабайт жана өз жашоосунда да пайдалуу жакка өсүш байкалат. Тескерисинче, ал өз максаттарына жетип, үй-бүлө мүчөлөрүнө, коомчулукка да пайда алып келет. Демек, эгоист адам өзүнүн айрым жеке кызыкчылыктарын айлана-чөйрөсүндөгүлөр үчүн курмандыкка да чала алат", — деди Аалканов.

Психолог баалуулуктардын иерархиясын туура түзүү менен бул эки түрдүү сапатты айырмалай алса болорун кошумчалады.

Адистин маегин толугу менен видеодон көрсөңүз болот.

31
Белгилер:
сапат, адам, Самат Аалканов
Тема боюнча
Психологдун жардамына муктажсызбы? Акысы, дареги, телефондору
Аалканов: калпты адам эле эмес жаныбарлар да колдонот
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев

Кыргызбаев: адамдын папиллома вирусуна каршы эмдөө 2022-жылы башталат

62
Саламаттык сактоо министрлигинин Республикалык эмдөө борборунун эпидемиолог-дарыгери Азим Кыргызбаев адамдын папиллома вирусуна каршы вакцинация пандемиядан улам 2021-жылы жүргүзүлбөй калганын айтты.
Кыргызбаев: адамдын папиллома вирусуна каршы эмдөө 2022-жылы башталат

Адамдын папиллома вирусуна каршы вакцина жүргүзүүнү календардык планга киргиздик. 2022-жылы акысыз эмдеп баштайбыз деп үмүттөнүүдөбүз. Бул тууралуу Азим Кыргызбаев Sputnik Кыргызстан радиосунун эфиринде маек куруп жатып билдирди.

Анын айтымында, адамдын папиллома вирусуна каршы вакцинаны жыныстык катнаш боло электе алыш керек.

"Адамдын папиллома вирусуна каршы эмдөө 11 жаштагы кыздарга жасалат. Себеби жатын моюнчасынын рагы кыз бой жетип турмуш кургандан кийин пайда болуп жатат. 11 жашта эки ирет эмдеп калсак, анын таасири бой жеткенге чейин болот. Кыздар турмушка чыккан кезде күйөөсүнөн папиллома вирусун жуктурса, рак болуп ооруп калбайт. Негизи аялдар аталган вирусту алып жүрүүчү болот. Жыныстык катнаш болгондо эркекке өтөт, ал башка аялга жугузат. Мындай учурдан АПВга каршы вакцинация жүргүзүп сактай алабыз. Кээде туура эмес маалыматтар кетип жатат. Чоң эле аялдарга сизде папиллома вирусу бар экен, ага каршы эмдөө алыңыз дегендер бар. Бул жөн эле акча жасагандар. Организмден бул вирус табылгандан кийин вакцина алуунун кажети жок. Мында вакцина албастан дарыланыш керек", — деди Кыргызбаев.

Адис учурда айрым жеке клиникаларда АПВга каршы эмдөө жүргүзүлөрүн, бир вакцина 10-15 миң сом турарын кошумчалады.

62
Белгилер:
папиллома, план, вакцина, Азим Кыргызбаев
Тема боюнча
Кыргызбаев: өлкөдө коронавируска каршы эмдөө ыктыярдуу жүргүзүлөт
Беларусь президенти Александр Лукашенконун улуу баласы Виктор Лукашенко. Архив

Лукашенконун уулуна генерал наамы берилди

0
Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.

БИШКЕК, 1-мар. — Sputnik. Беларусь президенти Александр Лукашенконун улуу баласы Виктор Лукашенкого запастагы генерал-майор наамы берилди. Бул тууралуу РИА Новости аталган президенттин маалымат кызматынын сайтына таянып кабарлады.

"Полковниктер Владимир Куприянюк, Роман Подлинев, Николай Карпенков, Дмитрий Шахраев, Андрей Павлюченкого кезектеги генерал-майор наамы, ал эми Виктор Лукашенкого запастагы генерал-майор наамы ыйгарылды", — деп айтылат маалыматта.

Виктор Лукашенко 26-февралда Беларустун Улуттук олимпиада комитетинин (УОК) президенттигине шайланган.

"Анда Беларусь башчысы бийликти өзүнүн балдарына берүү боюнча маалыматты четке каккан. Тагыраагы, кеп бул жерде улуу баласы туурасында жүргөн. Мамлекет башчысы Виктор Лукашенко УОК жетекчилигине шайлангандан кийин мамлекеттик кызматкер болбой тургандыгын, аны президенттин улуттук коопсуздук боюнча жардамчылыгынан бошотушарын айткан", —  деп жазды РИА Новости.

Беларусь президенти Лукашенко буга чейин жаңы Конституция кабыл алынгандан кийин мамлекет башчысы болбой турганын жар салды.

0
Белгилер:
Виктор Лукашенко, генерал, УОК, Александр Лукашенко, Беларусь
Тема боюнча
Владимир Путин Садыр Жапаровго кунда жок кылыч белек кылды. Сүрөт
Пашиняндын "Искандерлер" боюнча айтканы элди экиге бөлгөндө. Россия эмне деди