Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков

Өмүрзаков: өкмөттүн реформасында жергиликтүү бийлик тууралуу сөз жок

1056
Мамлекеттик кадр кызматынын борбордук аймактык өкүлчүлүгүнүн жетекчиси Мыктыбек Өмүрзаков мамлекеттик кызматкерлер кыскарат деп айтууга али эрте деген пикирин билдирди.
Өмүрзаков: өкмөттүн реформасында жергиликтүү бийлик тууралуу сөз жок

48 мамлекеттик органдын 12ге түшүшү кадр саясатында оптимизация жүргүзүлгөнүн түшүндүрбөйт. Азыркы учурда бир дагы министрликтин бул багыттагы жобосу иштелип чыга элек. Андыктан кыскаруулар болот деп айтууга эрте. Мындай ою менен Мыктыбек Өмүрзаков Sputnik Кыргызстан радиосунун эфиринде маек куруп жатып бөлүштү.

Анын айтымында, өкмөттүн учурдагы жасап жаткан реформасында Жергиликтүү өз алдынча башкаруу тармагы тууралуу сөз болбой жатат.

"Өкмөт реформа жасады, кадрдык оптимизация иштери жүрөт деп айтууга али эрте. Мамлекеттик органдардын саны кыскарып, агенттик, департамент деген мекемелер министрликтерге бириккени менен алар мындан ары кандай тартипте иштеп, кадрлар кантип оптималдаша турганы боюнча азырынча бир да министрлик жобо иштеп чыга элек. Бул жерде өзгөрүүлөр болду, статустар алмашты, бирок сезилерлик кыскаруулар болбой да калышы ыктымал. Ошондой эле калк үчүн түшүнүксүз бойдон калган дагы бир маселе — жергиликтүү бийликтин абалы болууда. Азыркы жүрүп жаткан реформада алар тууралуу бир ооз сөз айтылган жок. 2015-жылы эле административдик реформага барабыз дедик эле, анда да ишке ашкан эмес. Тилекке каршы, учурдагы өкмөт да бул маселени ачык бойдон калтырууда", — деди Өмүрзаков.

Ал мындай реформалар илимий иликтөөлөрдүн негизинде гана жасалышы керектигин кошумчалады.

1056
Белгилер:
жергиликтүү бийлик, өкмөт, реформа, Мыктыбек Өмүрзаков
Тема боюнча
Өмүрзаков: маморгандын бир кызматкерин кыскартууга 1,5 ай убакыт кетет
Маданияттын мыкты кызматкери, Алыкул Осмонов атындагы адабий сыйлыктын ээси, акын Акбар Кубанычбеков

Кубанычбеков: адабиятчылар аймактарды аралап элге көп чыгышы керек

12
(жаңыланган 14:36 05.03.2021)
Маданияттын мыкты кызматкери, Алыкул Осмонов атындагы адабий сыйлыктын ээси, акын Акбар Кубанычбеков учурда поэзия тармагы өнүгүүгө багыт алып жатканын белгиледи.
Кубанычбеков: адабиятчылар аймактарды аралап элге көп чыгышы керек

Адабиятчылар маданий ротацияга муктаж болуп турат. Өзгөчө, акындар аймактарды кыдырып, чыгармаларын элге жеткирсе жакшы болмок. Мындай пикирин Акбар Кубанычбеков Sputnik Кыргызстан радиосуна маек куруп жатып билдирди.

Анын айтымында, чыгармалардын сынга кабылуусу анын окулуп жатканынан кабар берет.

"Поэзия тармагы элдик фольклордон чыныгы жазмага өткөнү жакшы эле өсүш болгон. Андан бери көптөгөн залкар акындар чыгып адабий айдыңда өз ордун ээлеп калды. Ал эми эгемендүүлүккө келе турган болсок, ортодо поэзия каралбай калган. Башкача айтканда, чыгарманын окурманы болуусу шарт. Алар жазуучунун өсүүсүнө түрткү болот. Көз карандысыздыктын алгачкы жылдары китеп окулбай калган. Азыр эми акырындап китепти кубалап окугандар пайда болуп келе жатат. Эгемендүүлүк алгандан бери 30 жыл болду. Бул аралыкта жакшы чыгармалар жазылды. Ошолорду иргеп, тандалмаларды топтоо зарыл. Анан адабий тармак маданий ротацияга муктаж болуп турат. Өз кезегинде Байдылда Сарногоевдин барбаган айылы калбаптыр. Азыр деле Маданият, маалымат, спорт жана жаштар саясаты министрлиги тарабынан акындарга аймактарды кыдыруу боюнча демилгеленсе, чыгармалар элге жетет эле", — деди Кубанычбеков.

Акын учурда жазылып жаткан чыгармалардын сапаты көбүнесе орто заар болуп жатканын кошумчалады.

12
Белгилер:
маданият, ротация, адабият, Акбар Кубанычбеков
Тема боюнча
Эгембердиева: аялзатынын адабиятка келишин жигиттер өздөрү шарттаган
Өз жамаатыңды өнүктүр хакатонунун чечимдерди картирлөө боюнча жетекчиси Урмат Такиров

Такиров: долбоорлорду колдоо боюнча хакатон өтөт

6
"Өз жамаатыңды өнүктүр" хакатонунун чечимдерди картирлөө боюнча жетекчиси Урмат Такиров инновациялык жана технологиялык чечимдерди табуу жана жамааттардын өнүгүүсүнө салым кошо турган долбоорлорду колдоо боюнча хакатон өтөрүн айтты.
Такиров: долбоорлорду колдоо боюнча хакатон өтөт

IT-технологияларынын жардамы менен жамааттардын өнүгүүсүнө багытталып пландаштыруу, ресурс топтоо жана долбоорлорду ишке ашыруу идеяларын хакатон аркылуу тез убакытта чечсе болот. Мындай пикирин Урмат Такиров Sputnik Кыргызстан радиосунун эфиринде маек учурунда кабарлады.

Анын айтымында, IT-адистер кыска мөөнөттө түрдүү идеяларды карап, алардын ишке ашуусуна көмөкчү болот.

"Хакатон — англис тилинен hack жана marathon сөзүнөн алынган. Программалык камсыздоо компаниялары тарабынан түзүлгөн форум. Биздин хакатондун максаты бар идеялардын аткарылышын тездетүү болуп саналат. 2020-жылы жаңы көйгөйлөр пайда болду. Алсак, дүйнөдө пандемия, экономикалык кризис, саясий кырдаалдар коомдогу орчундуу маселе болууда. Алдыда кандай кризистер болорун да айта албайбыз. Мындай шартта көйгөйлөрдү абдан тездик менен чечкен модель түзгөнгө аракет кылуудабыз. БУУнун Өнүктүрүү программасынын Акселератор лабораториясы тарабынан инновациялык жана технологиялык чечимдерди табуу жана жамааттардын өнүгүүсүнө салым кошо турган долбоорлорду колдоого алуудабыз. IT-адистер кыска мөөнөттө түрдүү идеяларды карап, алардын ишке ашуусуна жардам берет. Хакатон 13-14-мартта өтөт. Хакатонго жеке жана команда менен катышууга болот. Катталуу үчүн БУУнун Кыргызстандагы өкүлчүлүгүнүн веб-сайтына кирүү керек," — деди Такиров.

Ошондой эле жетекчи идеяларды колдоо боюнча демилгелер өлкө аймагында байма-бай уюштуруларын кошумчалады.

Белгилей кетсек, демилге Кыргызстандагы БУУнун Өнүктүрүү программасынын Акселератор лабораториясы жана Россия Федерациясы тарабынан каржыланган БУУӨПтүн "Санарип экономика шартындагы жаштардын санарип жөндөмдөрү жана мүмкүнчүлүктөрү" долбоорунун алкагында ишке ашууда.

6
Белгилер:
Урмат Такиров, Россия, идея, БУУ, хакатон
Тема боюнча
Сапашов: өлкөдө маалыматтык технологиянын абалы ортодон төмөн
Ми-8 тик учагы. Архив

Ысык-Көлдө кыйраган 37 млн. сомдук тик учак. Ми-8 кантип кырсыктаган

0
Мындан эки жыл мурун Ысык-Көлдө Генералдык штабдын Абадан коргонуу күчтөрүнүн тик учагы кырсыктап, анда чет элдик туристтер жабыркаган. Кийин окуянын себептерин укук коргоо кызматкерлери, атайын комиссия иликтеген.

Жакында эле сот Ми-8 МТВни башкарган учкучка карата өкүм чыгарды. Sputnik Кыргызстан агенттигинин кабарчысы фемида өкүлдөрүнүн чечиминин негизинде окуянын чоо-жайын тактоого аракет кылды.

Туризмде колдонулган аскердик учак

Өлкөнүн Куралдуу күчтөрүндөгү аскердик бөлүктөрүнүн биринен борбор калаадагы бир туристтик компания 2018-жылдын 9-июлунда тик учак буюртма кылган. Анын жардамы менен турфирма Ысык-Көл облусунун бийик тоолуу өрөөнүнө чет элдик туристтерди жеткирмек. Ошентип аскер командирлери Ми-8 МТВ үлгүсүндөгү учакты кароодон, экипажды медициналык текшерүүдөн өткөрүп коммерциялык каттамды аткарууга киришкен. Экипаждын курамында учкуч, бир командир, дарыгер, борттехник болгон. Алар чет мамлекеттен келген эс алуучуларды жүгү менен Түп районундагы Чар-Кудук тоосунан альпинисттердин лагери жайгашкан Түштүк Эңилчек өрөөнүнө алып бармак. Жүргүнчүлөрдүн арасында Япониянын үч, Польшанын төрт, Германиянын эки жараны жана бир котормочу бар болчу.

Тоонун башында калган туристтер

Аскердик тик учак таң эрте саат 7.30дар чамасында жолго чыгып, 40 мүнөт учуп барып, деңиз деңгээлинен 3900 метр бийиктикте жайгашкан узуну жана туурасы беш метр болгон чакан аянтчага конууга аракет кылган. Бирок тең салмактуулугун жоготуп солго ооп, коно турчу жерден 30 метр алыстыкка кулаган. Жыйынтыгында жүргүнчүлөр жана экипаж мүчөлөрү түрдүү жаракат алып, көз жумгандар болгон эмес. Генералдык штабдын карамагындагы учак жараксыз болуп, мамлекеттик казынага 37 миллион 723 миң 939 сом зыян келтирилген. Андан соң ал жактагылар тоонун башында кырсыктаган вертолеттун ичиндегилерди куткарып, алгачкы медициналык жардам көрсөтүшкөн. Ал эми аскер башчылары экинчи бортту жардамга жөнөтүп, жаракат алгандарды Бишкектеги ооруканага жеткирүү тапшырмасын берген. Ошондой эле Казакстандан дагы бир тик учак жардамга келген.

Вертолет воздушной обороны ВС КР потерпевший крушение на Иссык-Куле
© фото очевидца, отправленное по WhatsApp-каналу
Ысык-Көлдө куткаруу операциясына барган кырсыктаган МИ-8 тик учагы

Тергөө маалында жүргүнчүлөрдүн бири укук коргоо кызматкерлерине төмөндөгүдөй көрсөтмө берген.

"Окуя болгонго чейин жакшы эле учуп барганбыз, аба ырайы дагы жакшы болчу. Биз конгон маалда тик учак күтүүсүздөн эле силкинип, капталга ооп кетип кулады. Ызы-чуу болуп кетти. Учак жарылат экен деп андан чыгуу жолдорун издегем. Арткы сол жагын түрсөм ачылып кетип, баарыбыз ошол жерден шашкалактап чыкканбыз. Мен мамлекеттик органдардын, туристтик фирманын ишине дооматым бар. Анткени алар медициналык жардамды өз учурунда бере алышкан жок, тоого келгендерге тиешелүү шарт түзүлгөн эмес", — деген ал.

Далилдер чогултулуп, күбөлөр, окуяга тиешеси бар офицерлер суракка алынып, иш сотко өткөн.

Авиакырсык эмне себептен келип чыккан?

Курамына техник адистер, учкучтар кирген атайын комиссия окуянын толук чоо-жайын иликтөөгө киришкен. Түзүлгөн топ окуянын келип чыгышына аба ырайынын бузулушу, катуу шамал себеп болгон деп тыянак чыгарган.

Соттук териштирүү маалында аскердик учакты Ak Sai Travel жоопкерчилиги чектелген коому келишимдин негизинде жалдаганы белгилүү болду. Аталган компания пайдаланууга жараксыз болуп калган Ми-8 МТВни өз каражатынын эсебинен калыбына келтире тургандыгы айтылган. Себеби тараптар ортосунда ошол жылы камсыздандыруу боюнча келишим түзүлгөн эле.

Териштирүү учурунда тик учакты башкарган пилот инструкциянын негизинде гана учканын айткан.

"Ал каттам полковниктин буйругу менен ишке ашкан. Ага чейин техникалык учуп-конууну ийгиликтүү аткарып, андан соң гана Чар-Кудуктан Түштүк Эңилчекке жол тартканбыз. Көздөгөн жерибизге жетип, конуп жатканда тик учак сол жакка бир топ эле ооп кеткен. Ошол маалда бизди көздөй бир адам келе жаткандыктан ага винт тийбесин деп солго бурганда оң жактан шамал соккон. Ал ирмемдерде жерге кулай турганыбызга көзүбүз жеткенде ылдамдыкты төмөндөтүп, жерге акырын урунгудай шарт түзгөнгө аракет кылгам. Так ошондо мен штурвалга ээ боло капчыгайга кирип кеттик. Кулаганда бардык жабдуулар өчтү. Мен инструкциянын негизинде гана аракеттерди жасагам", — деген айыпталуучу.

Сот 35 жаштагы учкучту Жазык кодесинин 379-беренеси ("Учуу эрежелерин бузуу") боюнча күнөөлүү деп таап, үч жылга эркинен ажыраткан. Кийин Улуу Ата Мекендик согуштагы жеңиштин 75 жылдыгына жана Апрель революциясынын 10 жылдыгына карата кабыл алынган мунапыстын негизинде жазадан бошоткон. Ал эми мамлекетке келтирилген зыянды калыбына келтирүүнү жарандык иштер боюнча соттук өндүрүштүн алкагында кароо сунушталган.

Материал Биринчи май райондук сотунун өкүмүнүн негизинде жасалды.

0
Белгилер:
Ысык-Көл, сот, кырсык, тик учак, Кыргызстан
Тема боюнча
39 кишинин өлүмүнө ким күнөөлүү? Дача СУдагы авиакырсыктын анык себеби
Дача СУга кулаган учак. 39 кишинин өмүрүн алган авиакырсыктын айтыла элек сыры
Өлөр алдында учкучтар уруша кетишкен. Дача СУга учактын кулаган себеби