Юридикалык клиникалар ассоциациясынын жетекчиси, илимдин кандидаты Артур Бакиров

Коммуналдык кызматтарды төлөй албай калганда эмне кылуу керек? Юристтин жообу

218
Юридикалык клиникалар ассоциациясынын жетекчиси, илимдин кандидаты Артур Бакиров коммуналдык кызматтарды төлөй албай калганда эмне кылуу керектигин түшүндүрдү.
Коммуналдык кызматтарды төлөй албай калганда эмне кылуу керек? Юристтин жообу

Коммуналдык кызматтарды төлөй албай калгандар жеңилдик сураса болот. Бирок ишкана бул суранычты аткарбай койгонго акысы бар. Бул тууралуу Артур Бакиров Sputnik Кыргызстан радиосуна маек куруп жатып билдирди.

Анын айтымында, айрым жарандарга коммуналдык кызматтарды төлөөдө субсидиялар каралган.

"Мыйзам боюнча кызмат көрсөтүүнү алгандан кийин төлөш керек. Ошондуктан жагдай оор. Бирок кызмат көрсөтүүчү ишканага арыз жазып, бөлүп төлөөнү же мөөнөтүн узартууну суранса болот. Ошол эле учурда ишкана жеңилдик берүүдөн баш тартууга акысы бар. Муну эске алуу зарыл. Ошондой эле айрым жарандарга субсидияларды алуу мүмкүнчүлүгү бар. Анткен менен ал баарына бериле бербейт. Мисалы, Бишкек шаардык кеңеши бул багытта тийиштүү жобо кабыл алган. Ошол жобонун талаптарына туура келгендер жардам ала алат. Демек, бул жаран жашаган аймактын жергиликтүү кеңеши кабыл алган чечимге жараша болот", — деди Бакиров.

Ошондой эле ал президенттин 2008-жылдын 5-июнундагы жарлыгына ылайык, пенсиясы 1500 сомдон ашпаган пенсионерлерге субсидия тиешелүү экенин кошумчалады.

218
Белгилер:
коммуналдык кызмат, субсидия, жеңилдик, юрист, Артур Бакиров
Тема боюнча
Саатына жараша төлөнөт. КРде эмгек акы тутумун өзгөртүү каралууда
Эл аралык марафон дирекциясынын башчысы Мелис Надыров

Надыров: Ысык-Көл марафону кыргызстандык жөө күлүктөр үчүн чоң мүмкүнчүлүк

30
(жаңыланган 12:08 26.02.2021)
Эл аралык марафон дирекциясынын башчысы Мелис Надыров Ысык-Көлдө өтө турган Run the Silk Road марафону кыргызстандык жөө күлүктөр үчүн эл аралык ири мелдештерге жолдомо утуп алууга жакшы мүмкүнчүлүк экендигин белгиледи.
Надыров: Ысык-Көл марафону кыргызстандык жөө күлүктөр үчүн чоң мүмкүнчүлүк

Марафонго Шанхай кызматташтык уюмуна (ШКУ) мүчө өлкөлөрдүн алдыңкы спортчулары жана Кыргызстандын жеңил атлетика боюнча курама командасынын мүчөлөрү катышып, Азия чемпионатына, дүйнө чемпионатына жана Олимпиада оюндарына лицензия утуп алуусуна жол ачылат. Мындай маалыматты Мелис Надыров Sputnik Кыргызстан радиосунун эфиринде маек учурунда билдирди.

Анын айтымында, ШКУ марафону Жеңил атлетика федерацияларынын эл аралык ассоциациясынын календарлык планына кириши Кыргызстандын эл аралык аренадагы даражасын көтөрөт.

"ШКУ марафондор сериясы бар. Биз 2019-жылы Шанхай кызматташтык уюмунун мүчөсү болуп кирдик. Ошол эле жылы биздеги трассаны эл аралык сертификациядан өткөргөнбүз. Буга чейин World Athletics тарабынан коюлган талаптарды толук аткарып келгенбиз. 2020-жылы мелдешти уюштурууга талапкерлигибизди көрсөтүп, декабрь айында Ысык-Көл марафонуна квалификациялык турнир деген наам ыйгарышты. Демек, бул марафондо спортчулардын эл аралык мелдештерге лицензия утуусуна жол ачылат. Ал эми кыргызстандык спортчулар үчүн машыгууга түрткү болуп, ири мелдештерге жолдомо алууга эң жакшы шарт. Суроо жараткан дагы бир маселе — Ысык-Көлдүн деңиз деңгээлинен бийик болгону. Спорттук нормативди аткаруу кыйын болорун айтышкан. Бирок дүйнөлүк практиканы карасак биздин өлкөдөн бийик жерлерде да марафондук нормативдер аткарылып келген," — деди Надыров.

Ошондой эле Run the Silk road IX эл аралык ШКУ марафону туризмди жана маданиятыбызды жайылтууга абдан чоң салым болорун кошумчалады.

Белгилей кетсек, 15-майда Ысык-Көлдүн Чолпон-Ата шаарында Run the Silk road Ысык-Көл IX эл аралык ШКУ марафону старт алат.

30
Белгилер:
Мелис Надыров, спорт, лицензия, олимпиада, Ысык-Көл, марафон, ШКУ
Тема боюнча
ШКУнун эл аралык марафону 15-майда Чолпон-Ата шаарында старт алат
Коргоо иштери боюнча мамлекеттик комитеттин төрагасынын орун басары, полковник Акылбек Ибраев

Ибраев: бир жоокердин күнүмдүк тамак-ашы 200-210 сомго бааланат

37
(жаңыланган 11:58 26.02.2021)
Коргоо иштери боюнча мамлекеттик комитеттин төрагасынын орун басары, полковник Акылбек Ибраев 1-апрелден тарта күч түзүмдөрүнүн өздүк курамынын тамактануусу кыйла жакшыра турганын маалымдады.
Ибраев: бир жоокердин күнүмдүк тамак-ашы 200-210 сомго бааланат

Жоокерлердин күнүмдүк рационунун баасы 120-130 сомдон 200-210 сомго чейин жогорулатылды. Бул тууралуу Акылбек Ибраев Sputnik Кыргызстан радиосуна маек куруп жатып билдирди.

Анын айтымында, азык-түлүк өлчөмүнүн бекитилгенинен бери 18 жыл өткөн.

"КРдин Куралдуу Күчтөрүндө жана башка күч түзүмдөрүндөгү катардагы жоокерлер үчүн бир токтом менен бекитилген азык-түлүк өлчөмү колдонулуп келген. Үстүбүздөгү жылдын 16-февралында килокалориясы жакшыртылган азык-түлүк нормасы бекитилди. 1-апрелден тарта КРдин куралдуу күчтөрүнүн катардагы жоокерлери, ЖАМКтын, ӨКМдин, УКМКнын, Мамлекеттик чек ара кызматынын жана ИИМдин ички аскерлеринин өздүк курамынын тамактануусу жакшырат. Мында курамы өзгөрүп, тамак-аштын жаңы түрлөрү киргизилди. Ал эми айрымдарынын өлчөмү жогорулатылды. Буга чейин жоокерлердин бир күндүк тамактануусунун баасы 120-130 сом болсо, эми 200-210 сомго чейин жетет. Анда эт, балык, макарон, суу майдын өлчөмү көбөйтүлдү. Мындан тышкары, ышталган колбаса, сыр, коюлтулган сүт, жумуртка жана жайкысын жер-жемиш, ал эми кышкысын анын ширеси кошулду", — деди Ибраев.

Полковник тамактардын рационун бекитүү үчүн атайын комиссия тарабынан изилдөө жүргүзүлгөнүн кошумчалады.

37
Белгилер:
токтом, жоокер, тамактануу
Тема боюнча
Калориялуу азыктар кошулду. КР аскерлеринин тамак-аш рациону өзгөрдү. Сүрөт
Башкы прокуратуранын имараты. Архив

Башкы прокуратура ишкерлер үчүн күнү-түнү жооп берген ишеним номерлерин жарыялады

0
(жаңыланган 22:35 26.02.2021)
Ишеним телефону жеке ишкердик субъектилеринин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду.

БИШКЕК, 26-фев. — Sputnik. Башкы прокуратура ишкерлер үчүн күнү-түнү жооп бере турган ишеним телефон номерлерин жарыялады. Бул тууралуу аталган мекеменин маалымат кызматы кабарлады.

"Мамлекет башчы Садыр Жапаровдун "Менчикти коргоо жана ишкерлер менен инвесторлорду колдоо жөнүндөгү" жарлыгын аткаруу максатында ишеним телефону иштеп баштады", — деп айтылат маалыматта.

Эми ишкерлер күнү-түнү (0312) 88-90-33 номерине чала алышат.

Ишеним телефону жеке ишкердик субъектилеринин, чакан бизнестин ишине укук коргоо, фискалдык жана контролдоочу органдардын негизсиз кийлигишүүсү, ошондой эле менчик ээлеринин укуктарынын бузулуусу боюнча кайрылууларды кабыл алары маалым болду. 

0
Белгилер:
текшерүү, ишкердик, ишеним телефону, Башкы прокуратура, Кыргызстан
Тема боюнча
Дарыканаларды текшерүүгө мораторий жоюлат. Мыйзам долбоору даярдалууда