Психолог Самат Аалканов. Архив

Психолог: эгоизм менен эгоцентризмди айырмалай билүү керек

89
(жаңыланган 17:39 01.03.2021)
Психолог Самат Аалканов коомдо эгоизм менен эгоцентризм терминдери туура эмес мааниде колдонулуп келерин айтты.

Эгоизмде адам баарынан өзүн жогору койгондой түр калтырат. Бирок жакшылап байкасак, анын бул аракеттери айланасына зыян алып келбей, позитив гана тартуулайт. Демек, биз бул сезимден чочулабай эле койсок болот. Мындай пикирин Самат Аалканов Sputnik Кыргызстан радиосуна маек куруп жатып билдирди.

Психолог: эгоизм менен эгоцентризмди айырмалай билүү керек

Анын айтымында, адамдар көбүнесе эгоцентризмди эгоизм деп атап жаңылышат.

"Эгоцентризм — бул рак клеткасы сыяктуу. Мисалы, залалдуу шишик пайда болгон клеткалар организм менен бир бүтүндүктө жашай албай, өзүнө гана жакшы болуусун талап кылып калат. Жыйынтыгында өзү да, организм да мындан жабыркап, өлүмгө дуушар болот. Эгоцентризмде адам өз каалоосу айланасына зыян алып келип жатса деле аны ишке ашыргысы келе берет. Бирок ал коомдун бир бөлүгү болгондуктан, натыйжасында өзү, жакындары жана башкалар жабыр тартып калышы ыктымал. Ал эми эгоизмде адам бийиктиктерди самайт, алдына максат кылып коёт. Бирок андан эч ким жабыркабайт жана өз жашоосунда да пайдалуу жакка өсүш байкалат. Тескерисинче, ал өз максаттарына жетип, үй-бүлө мүчөлөрүнө, коомчулукка да пайда алып келет. Демек, эгоист адам өзүнүн айрым жеке кызыкчылыктарын айлана-чөйрөсүндөгүлөр үчүн курмандыкка да чала алат", — деди Аалканов.

Психолог баалуулуктардын иерархиясын туура түзүү менен бул эки түрдүү сапатты айырмалай алса болорун кошумчалады.

Адистин маегин толугу менен видеодон көрсөңүз болот.

89
Белгилер:
сапат, адам, Самат Аалканов
Тема боюнча
Психологдун жардамына муктажсызбы? Акысы, дареги, телефондору
Аалканов: калпты адам эле эмес жаныбарлар да колдонот
КРдин эмгек сиңирген машыктыруучусу, улуттук ат оюндары боюнча СССРдин жети жолку чемпиону Төлөндү Раимкулов

Раимкулов: көк бөрүнүн эрежеси өзгөртүлүшү керек

76
(жаңыланган 14:53 15.06.2021)
КРдин эмгек сиңирген машыктыруучусу, улуттук ат оюндары боюнча СССРдин жети жолку чемпиону Төлөндү Раимкулов СССР учурунда көк бөрү тарткан өлкөлөр кыргыздын койгон эрежеси менен ойноп келгендигин айтты.

Көк бөрүнүн эрежеси абдан татаалдашып, орой ойнолуп калды. Мындай пикирин Төлөндү Раимкулов Sputnik Кыргызстан радиосунун эфиринде билдирди.

Раимкулов: көк бөрүнүн эрежеси өзгөртүлүшү керек

Анын айтымында, көк бөрүдө калыстардын ишин күчтөндүрүп, улакчылар жаракат албай турган эреже киргизилиши керек.

"СССР учурунда көк бөрү тарткан өлкөлөр кыргыздын койгон эрежеси менен ойноп келген. Футбол талаасындай аянтчага төрт желекче сайылып, алгач бир улакчы артынан калган көк бөрүчүлөр оюнга чыккан. Ал убакта аттар менен коюп, орой ойногон, улакты эңип жаткан маалда ат менен сүзгөндө дароо калыс тарабынан жазаланган. Мындай эреже менен ойнолгон мелдешти эл абдан берилүү менен көргөн. Азыр оюнда бирин-бири өлтүргөнгө даяр болуп жатышат. Баса белгилей турчу нерсе, оюн учурунда атты камчылап сабоо туура эмес. Мисалы, Европадагы жарыштарда камчы менен атты беш жолу гана чапканга уруксат берет. Ат кайсы учурда чуркап, кайсы учурда жөөлөш керектигин өзү жакшы түшүнөт. Ал акылдуу жаныбар. Андыктан эрежеге өзгөртүү киргизип, себеби жок атты камчылай берген спортчуну оюндан четтетиш керек. Албетте, камчы көтөрө турчу убагы болот", — деди Раимкулов.

Ошондой эле машыктыруучу көк бөрүнү дүйнөлүк аренага чыгарыш үчүн эрежеге алымча-кошумчаларды киргизүү керектигин белгиледи.

76
Белгилер:
Төлөндү Раимкулов, эреже, тай казан, Көк бөрү
Тема боюнча
Россиядагы көк бөрү турнирин Москва командасы утуп алды. Сүрөт
Көк бөрү федерациясы евразиялык спортчуларды Ысык-Көл оюндарына чакырды
Өзгөчө кырдаалдар министрлигинин өрттүн алдын алуу бөлүмүнүн улук офицери, полковник Аман Курманалиев

Курманалиев: Өрт өчүрүү кызматына 95 жыл толду

28
(жаңыланган 13:53 15.06.2021)
Өзгөчө кырдаалдар министрлигинин өрттүн алдын алуу бөлүмүнүн улук офицери, полковник Аман Курманалиев аталган кызматка 95 жыл толгонун айтты.

Үстүбүздөгү жылдагы беш айдын жыйынтыгы менен өрт кырсыктары 49,7 пайызга өстү. Жалпы өрт кырсыгынын 66 пайызы турак жайларда катталып жатат. Мунун негизги себептери — электр жабдууларын колдонуу эрежелерин сактабагандык жана балдарды кароосуз калтыруунун кесепети. Бул тууралуу Аман Курманалиев Sputnik Кыргызстан радиосунун эфиринде билдирди.

Курманалиев: Өрт өчүрүү кызматына 95 жыл толду

Анын айтымында, Экотехинспекция, Өрт өчүрүү кызматы айлык, жылдык планга жараша тилсиз жоону алдын алуу боюнча түшүндүрүү иштерин жүргүзүп турат.

"Советтер Союзу мезгилинде 17-апрелде өрт өчүрүүчүлөр күнү белгиленчү. Эгемендүүлүктү алгандан кийин 15-июнь өрт өчүрүүчүлөрдүн кесиптик майрамы катары 1994-жылы өкмөттүн токтому менен бекитилген. Ал эми 1926-жылы ушул күнү Фрунзе шаардык кеңешинин чечими менен эң алгачкы Өрт өчүрүү кызматынын тобу түзүлгөн. Быйыл биздин кызматка 95 жыл толду. Ар бир шаарда бирден, ал эми Бишкек, Ош сыяктуу калкы көп калааларда эки-үчтөн өрткө каршы куткаруу бөлүмдөрү бар. Учурда биздин кызматтын техникалык мүмкүнчүлүктөрү жакшы. Деген менен дагы деле кемчиликтер жок эмес. Азыр көп кабаттуу үйлөр өтө бийик, жер төлөлөрү эки-үч кабат болуп салынып жатат. Учурда өрт өчүрүү кызматында 50 метрге гана жеткидей эки автошаты бар. Министрлик техниканы жаңылоо боюнча чоң иш-аракеттерди жасап жатат. Жылдын аягына чейин жаңы жабдуулар менен камсыз болобуз деп турабыз", — деди Курманалиев.

Полковник өрт кырсыктарын болтурбоо үчүн ар бир жаран өрт коопсуздугунун эрежелерин сактап, жоопкерчиликтүү болушу керектигин кошумчалады.

28
Белгилер:
Аман Курманалиев, Өрт өчүрүү кызматы, кесиптик майрам
Тема боюнча
Курманалиев: былтыркыга салыштырмалуу өрттөн каза болгондор 50%га көп
Новосибирск жарылуу болгон автогаз куюучу жайы

Кыргызстандыктар жабыркаган жарылуу: Новосибирскте АЗСтин директору кармалды

0
(жаңыланган 12:49 16.06.2021)
14-июнда аталган калаада автогаз куюучу жайда жарылуу болуп, анда жабыркагандардын арасында үч кыргызстандык бар экени айтылган.

БИШКЕК, 16-июн. — Sputnik. Новосибирск соту жарылуу болгон автогаз куюучу жайынын директорун эки айга камакка алды. Бул тууралуу РИА Новости жазды.

"Кырсыкка себепкер катары автогаз куюу жайынын директору менен инженери тергөө учурунда эки айга камакка алынды. Алдын ала маалыматтарга караганда, газ ташып келген атайын автоунаа газды куюу учурунда коопсуздук эрежелерин сактабай койгону себеп болушу мүмкүн", — деп айтылат маалыматта.

Эске салсак, 14-июнда жергиликтүү убакыт менен саат 18:00дөр чамасында Новосибирск шаарындагы автогаз куюучу жайда жарылуу болуп, анда жабыркагандардын арасында үч кыргызстандык болгон. Буга чейин Тышкы иштер министрлиги алардын экөө ооруканада, бири үйүндө дарыланып жатканын, өмүрүнө коркунуч жок экенин айткан.

Ошондой эле өрттүн жана жарылуунун натыйжасында Кыргызстандын жараны ижарага алып иштетип жүргөн кафе жана кыргыз жараны иштеген дөңгөлөк алмаштыруучу жай күйүп кеткендиги аныкталган. Дагы бир кыргызстандыктын документтери күйүп кеткен.

0
Белгилер:
камоо, директор, жарылуу, Новосибирск, Россия
Тема боюнча
Сузакта шахта урап, ичинде калып калган эки киши көз жумду
Унаа экиге бөлүнүп кеткен. Түптөгү жол кырсык эки кишинин өмүрүн алды. Сүрөт