Улуттук госпиталдын урология бөлүмүнүн дарыгери, уролог Жаныбек Мырзабеков

Мырзабеков: шоколад, кофе, алкоголь ичимдиктери бөйрөктө таш пайда кылат

86
(жаңыланган 22:31 10.03.2021)
Улуттук госпиталдын урология бөлүмүнүн дарыгери, уролог Жаныбек Мырзабеков эгер бейтаптын бөйрөгүндө таш пайда болгону аныкталса, дарыланып алып гана алыс жолго чыгуусу керектигин айтты.
Мырзабеков: шоколад, кофе, алкоголь ичимдиктери бөйрөктө таш пайда кылат

Бизге адамдар бөйрөктөгү таштар чоңоюп кетип, оору чыдатпай талып калганда кайрылышат. Заара, кандан анализ алып, эгер бөйрөк сезгенбесе, дароо ташты талкалоо ыкмасы менен дарылоого жөнөтөбүз. Бул тууралуу Жаныбек Мырзабеков Sputnik Кыргызстан радиосунун эфиринде маек куруп жатып билдирди.

Анын айтымында, шоколад, кофе, алкоголь ичимдиктери бөйрөктө ташты пайда кылат.

"Бөйрөктөгү таштар ультраүн соккусу менен 30 мүнөттүк процедурада талкаланат. Кээ бир таштар бир эле сеанс менен тазаланса, айрымдарында 4-5 сеанс жүргүзүлөт. Негизи бөйрөктө фосфат, оксалат жана ураттык таштар пайда болот. Ар бир ташка жараша бир нече сеанс белгиленет. Андан тышкары, дарыгер таштын түрүнө жараша диета белгилеп дарылайт. Биздин борбордо полост жана уретерореноскопия хирургиялык операциялары да жасалат. Биринчисинде бөйрөктөгү таш ичти кесүү жолу менен алынса, экинчисинде аппараттын жардамы менен заара түтүгүнөн кирип, көлөмү бир сантиметрге чейинки таштарды алып чыгабыз", — деди Мырзабеков.

Дарыгер региондогу адамдар бөйрөгү ооруса биздин ооруканада уролог жок деп жүрө бербестен ошол аймактагы терапевтке көрүнсө, ал шаардагы дарыгерлерге жөнөтөрүн кошумчалады.

Толук вариантын төмөнкү видеодон көрүңүздөр:

86
Белгилер:
бөйрөк, таш, дарылоо, уролог
Тема боюнча
Уролог: сүннөттөн жабыркаган баланын интимдик жашоосу трагедияга айланышы мүмкүн
Президентке караштуу Антикоррупциялык ишкердик кеңешинин эксперти Айдар Мамбеткадыров. Архив

Эксперт: коррупция менен күрөшүү боюнча ЕАЭБде бирдиктүү долбоор керек

7
(жаңыланган 12:51 18.09.2021)
Президентке караштуу Антикоррупциялык ишкердик кеңешинин эксперти Айдар Мамбеткадыров коррупция менен күрөшүүдө башка өлкөлөрдүн тажрыйбалары дагы изилдене турганын белгиледи.

Евразиялык экономикалык биримдикке мүчө өлкөлөрдүн деңгээлинде коррупция менен күрөшүүнү бирдиктүү колго алуу зарыл. Себеби ошол эле бажы, чек ара жаатында коррупциялык тобокелчиликтерди алдын алуу керек. Бул тууралуу Айдар Мамбеткадыров Sputnik Кыргызстан радиосунда маек куруп жатып билдирди.

Эксперт: коррупция менен күрөшүү боюнча ЕАЭБде бирдиктүү долбоор керек

Анын айтымында, коррупция менен күрөшүүдө уюмга мүчө мамлекеттерде ар кандай ыкмалар колдонулат.

"Башка мамлекеттердин ийгиликтүү тажрыйбаларын изилдеп көрдүк. Ошол эле ЕАЭБге мүчө мамлекеттердин дагы тажрыйбасын эске алдык. Уюмга мүчө мамлекеттерде коррупциялык көрүнүштөр, аны менен күрөшүү ыкмалары дагы ар башка болууда. Мисалы, Казакстанда коррупция менен күрөшө турган медиа борборлор бар. Алар көз карандысыз делингени менен президенттин алдында. Ал борбор коррупциялык көрүнүштөрдү коомго ачыктап чара көрүү аркылуу иш алып барат. Ошону менен өз натыйжасын көрсөтүп келе жатат. Ал эми Россияда, Беларуста, Арменияда деле бул багытта иш жүрөт. Бирок коррупция менен күрөштө жетиштүү деңгээлде натыйжасы байкалбайт. Ошондуктан ЕАЭБдин деңгээлинде коррупция менен күрөшүү боюнча бирдиктүү долбоор даярдалышы зарыл. Уюмдун ичиндеги өлкөлөрдүн бажы жана чек ара кызматтарында кездеше турган коррупциялык тобокелчиликтерди алдын алуу шарт. Себеби көмүскө товарлар кирип, коррупциялык көрүнүштөргө жол берилиши мүмкүн", — деди Мамбеткадыров.

Ошондой эле кайсы бир өлкөнүн тажрыйбасын колдонордон мурда жергиликтүү менталитетти эске алуу зарыл экендигин кошумчалады.

Подкастты толугу менен видеодон көрө аласыз:

7
Белгилер:
Айдар Мамбеткадыров, коррупция, Евразиялык экономикалык биримдик, тажрыйба
Тема боюнча
Коопсуздук кеңеш аймактык органдардагы коррупциялык тобокелдиктерди аныктоодо
Спорттун олимпиадалык эмес түрлөрү дирекциясынын усулчусу Адилет Камчыбеков

Камчыбеков: Бишкек марафонуна майыптыгы бар 100 адам катышат

9
Спорттун олимпиадалык эмес түрлөрү дирекциясынын усулчусу Адилет Камчыбеков Кыргызстан боюнча 195 миңден ашуун майыптыгы бар адам жашай турганын айтты.

Эртең борбор калаада өтүүчү жарым марафонго коляскада отурган майыптыгы бар 100 адамдын катышары пландалган. Бул тууралуу Адилет Камчыбеков Sputnik Кыргызстан радиосуна маек куруп жатып билдирди.

Камчыбеков: Бишкек марафонуна майыптыгы бар 100 адам катышат

Анын айтымында, өлкөдө 195 миңден ашуун ден соолугунан мүмкүнчүлүгү чектелген жаран бар.

"Булар үч топко бөлүнөт. Биринчиси — үйдөн чыкпаган, ата-энесинен башка эч ким менен сүйлөшпөгөн адамдар, экинчи топтогулар жарым-жартылай коомчулукка аралашкандар, ал эми үчүнчүсү билим алып, дос күтүп, эл менен аралашып жүргөндөр, бирок майыптыгы бар. Биринчи топко киргендердин психологиялык дагы саламаттыгы кооптуу абалга кептелет. Алардын ата-энеси, жакындары да ушундай эле оор абалда болот. Бул жарандарды элге аралаштырып, жарышка катыштыруу биринчи кезекте алардын багуучулары, ата-энеси үчүн чоң дем-күч берет. Андыктан биздин марафонго коляскада отурган, үч жаштан өйдө 100 адамды катыштыруу пландалган. Алар төрт топко бөлүнүп чуркашат. Кыздар, эркектер өзүнчө жана жандоочу менен, ошондой эле өз алдынча чуркагандар бар. Марафон учурунда дарыгерлер, тиешелүү социалдык мекемелердин кызматкерлери көзөмөлдөп турушат", — деди Камчыбеков.

Спортчу марафондун жыйынтыгында ар кандай кызыктыруучу сыйлыктар берилерин кошумчалады.

 

9
Белгилер:
Адилет Камчыбеков, марафон, майыптар, ден соолук
Тема боюнча
Надыров: Бишкек жарым марафонунун онлайн катышуучулары да болот
Мурдагы премьер-министр Сапар Исаков. Архив

Сапар Исаковго издөө жарыяланды. ШИИБ Инандыга паспорт берүү ишин тергеп бүттү

7
(жаңыланган 19:30 18.09.2021)
Сотко чейинки өндүрүш 320 ("Кызмат абалынан кыянаттык менен пайдалануу") жана 319-беренелер ("Коррупция") менен жүргүзүлгөн.

БИШКЕК, 18-сен. — Sputnik. Бишкек шаардык милициясы Сапат лицейлер мектебинин президенти Орхан Инанды жана Түркияда туулган он адамга кыргыз паспортун берүү фактысы боюнча тергөөнүн чоо-жайы тууралуу маалымат берди.

Кечээ аталган кылмыш иши боюнча абактагы мурдагы президент Алмазбек Атамбаевге дагы шектүү катары кабарлама тапшырылган.

Сотко чейинки өндүрүш 320 ("Кызмат абалынан кыянаттык менен пайдалануу") жана 319-беренелери ("Коррупция") менен жүргүзүлгөн.

Тергөөнүн версиясы боюнча, Кыргызстандын жарандыгын алуу үчүн документтер жасалмаланып, бардык бланктар мыйзамды одоно бузуу менен толтурулган. Кыргызстандан башка аймакта жүргөн Түркиянын үч жараны жадагалса өлкөнүн чек арасына кирген да эмес, жетөө КРге келип паспортторун алып кайра чыгып кеткен.

"10 түрк жараны андан мурда Түркияда террордук уюм катары таанылган FETO гүлендик кыймылынын мүчөлөрүнүн тизмесине киргизилген. Өлкөнүн жогорку кызмат адамдары документтерге кол коюп, аларга Кыргызстандын жарандыгын берүү процессин тездетүү боюнча мыйзамсыз көрсөтмө берген", — деп билдирди ШИИБ.

Бул кылмышка шектелип жатканы туурасында мурдагы премьер Сапар Исаковго, президенттин кеңешчиси Фарид Ниязовго, экс-вице-премьер Тайырбек Сарпашевге, УКМКнын мурдагы башчысы Бусурманкул Табалдиевге, Калктын жарандык абалынын актыларын жана калкты каттоо департаментинин экс-директору Дүйшөн Сатыбалдиевге, Мухаббат Пратовага, Г. М. Бердигуловага, Э.М. Апиловго кабарлама берилген.

Исаков менен Табалдиевге мамлекеттер аралык издөө жарыяланды.

ШИИБ Атамбаевге 15-сентябрда 319-берене ("Коррупция") боюнча шектүү катары кабарлама тапшырылып, 16-сентябрда айыптоо актысы чыгарылганын белгиледи. Тергөөнүн материалдары Биринчи май райондук сотуна жөнөтүлдү.

7
Белгилер:
Орхан Инанды, Түркия, жарандык, кылмыш иши
Тема:
Орхан Инандынын Бишкекте жоголушу
Тема боюнча
Түркиялыктарга мыйзамсыз жарандык берүү: дагы бир кызматкер камакка алынды