Сүрөтчү Садык Мурзаханов

Мурзаханов: Назарбаевдин мен тарткан портретин мурдагы бийлик өзүнө белек кылган

(жаңыланган 12:19 14.03.2021)
Сүрөтчү Садык Мурзаханов учурда май боек менен тартылган сүрөттөргө кызыккан кардарлар басымдуулук кыларын айтты.

Сүрөттөрдү акварель жана май боек менен тартам. Акварель менен иштөө кылдаттыкты талап кылат. Себеби тарткандан кийин май боек сыяктуу башка өң менен бастырып тартып, оңдоп кетүү мүмкүн эмес. Бул тууралуу Садык Мурзаханов Sputnik Кыргызстан радиосунун эфирине маек куруп баяндап берди.

Мурзаханов: Назарбаевдин мен тарткан портретин мурдагы бийлик өзүнө белек кылган

Анын айтымында, сүрөт тартууга болгон шык туугандарынын баарында эле бар.

"Мен портрет, натюрморт үстүндө иштейм. Портрет жанры эң таатал болуп эсептелет. Мында дайыма көрүп жүргөн адамдарды же жанынан карап тартканда көбүрөөк окшоштурганга мүмкүнчүлүк бар. Айрым учурда буюртма менен тарткан портреттерди тартууда окшоштубу деп шек санап, ойлоносуң. Кээ бир портрет тез, оңой тартылса, айрымдары көпкө чейин бүтпөй кыйнайт. Негизи портретте адамдын ички дүйнөсү да чагылдырылат. Ошондуктан сүрөт адамдын мүнөзүнө жараша тартылабы деп да ойлоп калам. Көп учурда белгилүү адамдардын сүрөтүн тартам. Алсак, опера ырчысы Лучано Павароттинин портретин тартып жубайы Николетта Мантованиге белек кылган элек. Азыр Павароттинин үй-музейинде сүрөт жана комуз илинип турганы маалым. Нобель сыйлыгынан ээси, окумуштуу-биохимик Азиз Санжардын сүрөтүн да бул жакка келгенде тартууладык эле. Ошондой эле мен тарткан КЭРдин вице-премьери, Казакстандын экс-президенти Нурсултан Назарбаевдин портретин аларга мурдагы бийлик белек кылган. Мар Байжиев, Султан Раев, Миталип Мамытов, Керим Турапов, Дүйшөн Байдөбөтов жана башка кыргызстандык бир топ улуу кишилердин портретин тарттым. Бул мен үчүн жетишкендик, сыймыктанчу нерсе", — деди Мурзаханов.

Сүрөтчү тарткан сүрөттөрүнүн арасында көргүсү келбегендери болорун, ал эми студент кезинде тарткан чоң энесинин портрети чыгармаларынын ичинен өзгөчө орунду ээлей турганын кошумчалады.

Белгилер:
Садык Мурзаханов, сүрөтчү
Тема боюнча
Көкүмбай кызы: Бакай атанын сүрөтүн кийизге түшүрдүм
Замначальника отдела Государственной судебно-экспертной службы КР Жийдегуль Семенова на радио Sputnik Кыргызстан

Семёнова: сөз аркылуу жасалган кылмыштар үчкө бөлүнөт

Мамлекеттик соттук-эксперттик кызматтын Диндик экспертиза башкармалыгынын жетекчисинин орун басары Жийдегүл Семёнова сөз менен кылмыш жасоо үч топко бөлүнөрүн айтты.
Семёнова: сөз аркылуу жасалган кылмыштар үчкө бөлүнөт

Соттук-эксперттик мамлекеттик кызматта Диндик экспертиза башкармалыгы болуп түзүлгөнүнө эки жылдын гана жүзү болду. Биз террордук, экстремисттик чакырык, үндөөлөрдү камтыган же улуттар аралык кагылышууларга алып келүүчү, болбосо кайсы бир топтогу адамдардын же жеке инсандын аброюна шек келтирген тексттерди талдап, иликтейбиз. Бул тууралуу Жийдегүл Семёнова Sputnik Кыргызстан радиосуна маек куруп жатып билдирди.

Анын айтымында, сөз аркылуу кылмыш жасоо өлкө аймагында жылдан-жылга көбөйүүдө.

"Сөз менен кылмыш жасоону негизги үч топко бөлүп карайбыз. Алар кептик бейбаштык, кептик алдамчылык жана кептик кылмыш болуп аталат. Мисалы, интернет айдыңында коомго коркунуч жаратпаган, бирок жеке бир адамды же улутту таарынткан текст — бул кептик бейбаштык болуп эсептелет. Ал эми кайсы бир продукцияны эч негизсиз мактап, кымбат сатуу аракетин көргөн сыяктуу тексттер кептик алдамчылыкка кирет. Кептик кылмыш деп биз экстремисттик, террордук чакырыктарды жана башка ушул сыяктуу оор иштерге үндөгөн тексттерди атайбыз. Биздин милдет ошол жерде мыйзам бузуулар бар экенин аныктап берүү гана. Ал эми чечимди сот чыгарат. Аныктоодо биз эч качан бир гана сөзгө же сүйлөмгө басым жасабайбыз. Жазылган жалпы текстке көңүл бурабыз. Ал социалдык тармактагы бирөөнүн жеке баракчасына жазган посту болобу же анын түбүнө жазылган комментарийби, айырмасы жок", — деди Семёнова.

Лингвист 2018-жылы кептик мыйзам бузуу боюнча 86 учур катталса, 2019-жылы 950гө жеткенин кошумчалады.

Белгилер:
Жийдегуль Семенова, талдоо, укук, мыйзам, кеп
Тема боюнча
Бегилерова: адвокаттын телефон сүйлөшүүсүн угууну кысым катары кабыл алабыз
Эл аралык ишкерлер кеңешинин аткаруучу директору Аскар Сыдыков

Сыдыков: Кыргызстанда инвестициялык климат жакшы эмес

(жаңыланган 16:00 14.04.2021)
Эл аралык ишкерлер кеңешинин аткаруучу директору Аскар Сыдыков Кыргызстанда ишкерлер, инвесторлор жеке менчиктин коопсуздугуна кепилдик ала албай жаткандыгын айтты.
Сыдыков: Кыргызстанда инвестициялык климат жакшы эмес

Экономикалык кризис учурунда ишкерлерге кылмыш ишин козгоо, негизсиз текшерүүнү токтотуу керек. Мындай пикирин Аскар Сыдыков Sputnik Кыргызстан радиосунун эфиринде маек учурунда билдирди.

Анын айтымында, ишкерлер бизнесин, кардарларды ойлобой эле мамлекеттик органдарга кантип жооп беребиз деген түйшүк менен жашап калышты.

"Тилекке каршы, инвестициялык климат учурда жакшы эмес. Жалпысынан өлкөдө саясий-экономикалык туруктуулук толук кандуу орной элек. Дүйнөлүк жагдайга карасак, шайлоо жакындаганда инвестициялар убактылуу токтойт. Биринчиден, коопсуздук болушу керек. Көп ишкерлер, инвесторлор жеке менчиктин коопсуздугуна кепилдик көрө албай жатышат. Азыркы экономикалык кризис учурунда бизнесмендерге кылмыш ишин козгоо, негизсиз текшерүүнү токтотуу керек. Ишкерлер бизнести, кардарларды ойлобой, мамлекеттик органдарга кантип жооп беребиз деп түйшөлүп калышты. Экинчиден, саясий-экономикалык туруктуулукту орнотуу зарылчылыгы күч", — деди Сыдыков.

Ошондой эле жетекчи мамлекеттик органдарда, компанияларда ишкерлер менен тыгыз иш алып бара ала турган кесипкөй адистердин жетишпей жатканын кошумчалады.

Белгилер:
бизнес, мамлекеттик орган, инвестициялар, коопсуздук, ишкер, Аскар Сыдыков
Тема боюнча
Мусуралиев: ишкерлер Салык кызматынын үстүнөн көп даттанышат
Бишкек — Нарын — Торугарт жолунда кырсык

Чүйдө эки унаа кагышып, жети адам жаракат алды. Видео

(жаңыланган 17:12 14.04.2021)
Ысык-Ата районунун Киргшелк айылында болгон жол кырсыгынан жаракат алгандар Кант шаардык ооруканасына жеткирилгени айтылды.

БИШКЕК, 14-апр. — Sputnik. Бишкек — Нарын — Торугарт жолунда катталган автоунаа кырсыгынан 7 адам жаракат алды. Бул тууралуу Өзгөчө кырдаалдар министрлиги билдирди.

Маалыматка караганда, кырсык 14-апрель күнү саат 14:00дөр чамасында Ысык-Ата районундагы Киргшелк айылында болгон.

"Mercedes-Benz унаасы менен ЗИЛ-130 үлгүсүндөгү оор жүк ташуучу унаа сүзүшкөн. Кырсыктын кесепетинен 7 адам жаракат алган. Куткаруучулар унаага кыпчылып калган аялды чыгарышып, Тез жардам кызматына өткөрүп беришкен", — деп жазылат маалыматта.

Жабыркагандар Кант шаардык ооруканасына жеткирилгени жана алардын абалы орточо экени айтылды.

Белгилер:
Торугарт, Нарын, Бишкек, ӨКМ, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Чүйдө төрт унаа кагышып, эки адам жабыркады. Кырсыктын видеосу
Түптөгү үрөй учурган жол кырсыгы: төртүнчү бала ооруканадан көз жумду
Сокулукта Lexus жолдо турган унааны сүзүп, бир адам каза тапты. Видео