Саламаттык сактоо жана социалдык өнүктүрүү министрлигинин өкүлү Гүлзада Айдаралиева

Айдаралиева: өлкөдө 929 соцкызматкер 10 миңге чукул адамга кам көрөт

Саламаттык сактоо жана социалдык өнүктүрүү министрлигинин өкүлү Гүлзада Айдаралиева карылар үйүндө 396 улгайган жаран бар экенин белгиледи.

Өлкөдө социалдык кызматкерлер жетишсиз жана маянасы аз. Бул тууралуу Гүлзада Айдаралиева Sputnik Кыргызстан радиосуна маек куруп жатып билдирди.

Айдаралиева: өлкөдө 929 соцкызматкер 10 миңге чукул адамга кам көрөт

Анын айтымында, республика боюнча 929 гана социалдык кызматкер 9 924кө чукул адамга кам көрүүдө.

"Социалдык кызматкерлердин маянасы абдан аз. Бул көнүмүш жагдай катары кабыл алынып калды. Ошондуктан социалдык кам көрүүгө муктаждарга мамлекет, өкмөт эле жардам бериш керек дебестен, жалпы коомчулук дагы бул багытта иш алып баруусу зарыл. Маселен, чет өлкөлөрдө туура тамактанууну колго алып, улгайган жарандарга жөө басуусу үчүн тротуарлар салынып шарт түзүлгөн. Ошондуктан ал жакта орточо жаш курагы жогору. Ал эми бизде бул көрсөткүч эркектерде 72, аялдарда 75-80 жаш. Учурда өлкөдө алты социалдык стационардык мекеме бар. Аларда 396 улгайган жаранга камкордук көрүлүүдө. Мамлекет тарабынан алардын ар бирине күнүнө тамак-ашына 100, дары-дармегине 12,5 сомдон каралган", — деди Айдаралиева.

Ошондой эле ал карылар үйүндөгү улгайган жарандардын пенсиясынын камсыздандыруу жана топтоо бөлүгү өздөрүнө берилерин кошумчалады.

Белгилер:
Гүлзада Айдаралиева, карылар, маяна, камкордук
Тема боюнча
Марипов карылар үйүндөгү энелерди көрүп, көзүнө жаш алды. Видео
№7 Үй-бүлөлүк дарыгерлер борборунун ден соолукту чыңдоо кабинетинин адиси Эмил Шаршеналиев

Шаршеналиев: сүт азыктары улгайгандардын ар кандай ооруларына себеп болот

(жаңыланган 20:41 09.04.2021)
№7 Үй-бүлөлүк дарыгерлер борборунун ден соолукту чыңдоо кабинетинин адиси Эмил Шаршеналиев пайдалуу деп эсептелген сүт азыктары ар кандай оорулардын өнүгүшүнө түрткү болорун айтты.
Шаршеналиев: сүт азыктары улгайгандардын ар кандай ооруларына себеп болот

Азыр улгайып калган ата, апалардын муундары ооруганына карабай чайга сөзсүз сүт кошуп ичишет. Себеби организм ошого көнүп алган. Бирок бул азыктар атеросклероз, артроз жана сүт безинин рагын пайда кылары аныкталган. Бул тууралуу Эмил Шаршеналиев Sputnik Кыргызстан радиосунун эфиринде маек куруп жатып билдирди.

Анын айтымында, чоңдор майлуулугу төмөн сүттү тандоо керек.

"Ден соолуктун бузулушун алдын алуу максатында 3-апрелде акция өткөрүлдү. Анда шаардыктардын кан басымын, кант диабетин, салмагын текшердик. Ошондо адамдардын көбү кан басымы, канты жогору экенин биринчи жолу билгендери болду. Бул адамдар уйкусу начар, дайыма автоунаа менен жүрөрүн, жумушта компьютерде гана отурарын жана аз кыймылдай турганын айтышты. Үйү парктын жанында болсо дагы сейилдебейт, себеби убактысы жок. Ошону менен бирге жеген тамак-ашынын кайсынысы пайдалуу же зыян экенин биле беришпейт. Мисалы, улуу курактагы адамдар үчүн сүт азыктары зыян. Быштакта, каймакта же сырда денеде топтолушу мүмкүн болгон казеин деген зат бар. Ал тамакты жабыштырып, иштетүүнү татаалдаштырат. Табигый эмес сүт азыктарын көп ичүү ар дайым чарчоого, метеоризмге, ич өткөккө, баш ооруга, кан тамырлардын бүтөлүшүнө, атеросклерозго жана артрозго алып келет. Өзүм сүт азыктарынан баш тартканыма үч ай болду, жөтөлүм кетип, муундарым оорубай калганын байкадым", — деди Шаршеналиев.

Адис бирок сүт азыктары балдар үчүн пайдалуу экенин кошумчалады.

Белгилер:
Эмил Шаршеналиев, ден соолук, зыян, сүт азыктары
Тема боюнча
Адам көбүнесе сүт азыктары менен спирт ичимдиктеринен ууланары айтылды
Ички туризм боюнча адис, Destination Jalal-Abad коомдук уюмунун Бишкектеги өкүлү Күлчоро Кадыралиев

Кадыралиев: маданиятыбызды өзүбүз өздөштүргөндө гана башкаларга кызыгуу жаратабыз

Ички туризм боюнча адис, Destination Jalal-Abad коомдук уюмунун Бишкектеги өкүлү Күлчоро Кадыралиев өзүбүздүн салтыбызды, маданиятыбызды өздөштүрүп, көп мезгил бою муундан-муунга сактай алсак, башка элдерге ошончолук кызыктуу өлкө боло турганыбызды айтты.
Кадыралиев: маданиятыбызды өзүбүз өздөштүргөндө гана башкаларга кызыгуу жаратабыз

Кыргызстанда табияттан сырткаркы негизги ресурстардын бири болгон маданий байлыгыбызды, каадабызды, нарк-насилибизди билишибиз керек. Мындай оюн Күлчоро Кадыралиев Sputnik Кыргызстан радиосунун эфиринде маек учурунда билдирди.

Анын айтымында, комплекстүү программалар аркылуу маданиятыбызды жайылтышыбыз зарыл.

"Канчалык өзүбүздүн салтыбызды, маданиятыбызды узак алып жүрө алсак, ошончолук башкаларга кызыктуу өлкө болобуз. Мисалы, тарых китептеринде Египет, Байыркы Грециянын мифологиясы, тарыхы тууралуу айтып келебиз. Алсак, Грецияга барып, пантеондор туралуу жергиликтүү элден сураганда алар  билбесе, бул өлкө бизге дароо кызыксыз болуп калат. Башкача айтканда, өзүнүн тарыхын билбеген эл жана өлкө кызыксыз. Ошол себептен табияттан сырткаркы негизги ресурстарыбыздын бири маданий байлыгыбызды, тарыхыбызды өздөштүрүп, биле жүрүшүбүз керек. Албетте, аны өнүктүрүү үчүн комплекстүү программалар керек", — деди Кадыралиев.

Ошондой эле адис ар бир ата-эне балдарына улуттун тарыхый мурастары тууралуу айта жүрүшү керектигин кошумчалады.

Белгилер:
мурас, маданият, туризм, тарых, Күлчоро Кадыралиев
Тема боюнча
Кадыралиев: Кыргызстанда ички туризм өзүн-өзү тааный албаган адамдай
Кыргызстандык балбан кыз Мээрим Жуманазарова. Архивдик сүрөт

Мээрим Жуманазарова Олимпиадага жолдомо ойнотулган мелдештен күмүш байге утту

(жаңыланган 19:41 10.04.2021)
Мээрим Жуманазарова алгачкы кармашында эле кытайлык кыз менен кез келип жеңилип калган болчу. Кийинки баскычтарда өзүнүн мыкты экенин көрсөтүп, финалдык баскычка жетти.

БИШКЕК, 10-апр. — Sputnik. Кыргызстандык балбан кыз Мээрим Жуманазарова Олимпиада оюндарына жолдомо ойнотулган мелдеште күмүш медаль утту. Казакстандын Алматы шаарында өтүп жаткан мелдештин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.

68 килограмм салмакта күч сынашкан Мээрим Жуманазарова финалда кытайлык Фэн Чжоу менен таймашып, упай айырмасында жеңилип калды.

Кыргызстандык балбан кыз жарым финалда индиялык Ниша Нишаны 13:3 эсебинде, таза техникалык артыкчылык менен уткан. Ага чейин чейрек финалда казакстандык атаандашы Жамила Бакбергенованы 10:3 эсебинде жеңген.

Эскерте кетсек, мелдеш ушул күндөрү Казакстандын Алматы шаарында өтүп жатат. Турнирдин финалына чыккан атлеттерге Токио Олимпиадасына лицензия берилет.

Буга чейин 76 килограмм салмакта күрөшкөн Айпери Медет кызы бардык атаандаштарын утуп, чемпион болгон.

Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.

Кечээ грек-рим балбандарынын арасында таймаш жүрүп, ата мекендик спортчулар Жоламан Шаршенбеков (60 килограмм), Акжол Махмудов (77 килограмм) жана Үзүр Жузупбеков Токио Олимпиадасына жолдомо алышкан.

Бүгүнкү күндө Кыргызстанда жалпысынан 12 лицензия болду. Буга чейин балбан Айсулуу Тыныбекова, Атабек Азисбеков, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов жолдомо алышкан.

Белгилер:
финал, мелдеш, лицензия, олимпиада, Мээрим Жуманазарова, күрөш
Тема:
2021-жылы Токиодо өтө турган Олимпиада оюндары
Тема боюнча
Жеңилип, кайра өзүн колго алган Мээрим да Олимпиадага жолдомо утту. Видео
Сүйүнчү! Айпери каршылаштарын баш көтөртпөй жеңип, Олимпиадага жолдомо алды