Радиостудия Sputnik Кыргызстан в Бишкеке - Sputnik Кыргызстан, 1920
Радио

Кайыпов: улуттук чыгармалардын нотасы, тексти, аудиосу тиркелген китеп чыгат

© Sputnik / Табылды Кадырбеков"Дастанчы" коомдук фондунун негиздөөчүлөрүнүн бири, дастанчы Өмүрзак Кайыпов
Дастанчы коомдук фондунун негиздөөчүлөрүнүн бири, дастанчы Өмүрзак Кайыпов - Sputnik Кыргызстан, 1920, 19.03.2021
Жазылуу
"Дастанчы" коомдук фондунун негиздөөчүлөрүнүн бири, дастанчы Өмүрзак Кайыпов дастанчылыкты жайылтуу үчүн 4-5 жыл мурун атайын коомдук фонд ачылганын белгиледи.
Кайыпов: улуттук чыгармалардын нотасы, тексти, аудиосу тиркелген китеп чыгат
"Улуу мурас" аттуу долбоордун алкагында кыргыздын беш кенже эпосу аудио түрүндө жаздырылган. Бул тууралуу Өмүрзак Кайыпов Sputnik Кыргызстан радиосуна маек куруп жатып билдирди.
Анын айтымында, жаздырылган дастандар "Кыргыз радиосунун" алтын казынасына тапшырылган.
"Дастанчылык өнөрдү өнүктүрүү, жайылтуу максатында "Дастанчы" коомдук фонду түзүлгөн. Аны манасчы Самат Көчөрбаев жана ырчы Токтобек Асаналиев менен биргеликте негиздегенбиз. Бул фонддун түзүлгөнүнө 4-5 жылдай болуп, ушул убакыттын ичинде алгылыктуу иштер аткарылууда. Алсак, "Улуу мурас" долбоорунун алкагында "Курманбек", "Аксаткын менен Кулмырза", "Жаныш-Байыш", "Карагул ботом" жана "Кожожаш" кенже эпосторунун аудиосу жаздырылып, коомчулукка тартууланган. Буларды беш аткаруучу мазмунун, маңызын үзбөстөн аткарды. Муну менен чектелип калбастан кыргыздын санаттар, насыяттар, казалдар, жоктоолор, ашыктык жана арман ырларынан 50 чыгарма тандалып жаздырылды. Эми аны китеп кылып, ага аудио тиркелет. Натыйжада ушул өнөргө кызыккандарга нотасы, тексти жана аудиосун ошол китептен табууга шарт түзүлөт", — деди Кайыпов.
Дастанчы фонд мүчөлөрү мамлекеттин жана демөөрчүлөрдүн колдоосун күтө бербестен улуттук музыканы жайылтууну колго алганын кошумчалады.
Подкасттын толук версиясын видеодон көрүңүз:
Жаңылыктар түрмөгү
0