Коомчулукка негизделген туризм ассоциациясынын аткаруучу директору Асылбек Ражиев

Ражиев: эл шайлоого даярданып, быйылкы туризмди ойлогон жок

(жаңыланган 15:44 22.03.2021)
Коомчулукка негизделген туризм ассоциациясынын аткаруучу директору Асылбек Ражиев кышында Караколго барып лыжа тепкен ички туристтер көп болгонун айтты.

Бишкектеги көптөгөн туркомпаниялар кызматкерлеринин 90 пайызын эмгек өргүүгө же иштен кетиришти. Айрымдары багытын өзгөртүп, чай сатып же логистикалык компания болуп алганына күбө болдум. Бул тууралуу Асылбек Ражиев Sputnik Кыргызстан радиосунун эфиринде маек куруп жатып билдирди.

Ражиев: эл шайлоого даярданып, быйылкы туризмди ойлогон деле киши жок

Анын айтымында, азыркы шартта кыргызстандыктар Түркия, БАЭ, Египет мамлекеттерине саякаттаса болот.

"Быйылкы туристтик сезон кандай болорун болжолдоо өтө кыйын болуп турат. Бул туристтер жашаган мамлекеттеги эпидемиологиялык абалга байланыштуу. Учурда чет элдиктер ПЦР тесттин анализи менен келип жатышат. Бул жылы өткөн жылга караганда өсүш болот деп күтүп жатабыз. Туризмди жолго салуу үчүн башка өлкөлөрдөй мамлекеттик деңгээлде олуттуу чара көрүлгөн деле жок. Мисалы, Өзбекстанга учуп барган турист аэропорттон 12 долларга ПЦР тесттен өтө алат. Мындай ыңгайлуу шарт БАЭде да бар. Эми бул башкы маселе деле эмес. Негизги көйгөй биз күткөн, туристтер келет деп көздөп жаткан мамлекеттерде чектөөлөр дагы деле бар. Анын үстүнө көп авиакаттамдар учпай, учса да билеттин баасы кымбат болууда. Пандемиядан улам Кыргызстандан чет мамлекетке баруу кымбаттады. Ал эми сырттан келген туристтер үчүн баа өзгөргөн деле жок. Ички туристтер үчүн саякат арзандатылып, ыңгайлуу тур-пакеттер уюштурулууда. Негизи 30 жылдан бери кыргыз туризмине өкмөт тарабынан түздөн-түз колдоо боло элек. Ооба, визасыз режим сыяктуу жеңилдиктерди берген мыйзамдар кабыл алынды. Ал эми азыр өкмөт реформаланып, туризм департаменти кайсы министрликке кошулары белгисиз. Жайкы сезонду ачуу боюнча да суроо чечиле элек. Чынын айтканда, адамдар жергиликтүү кеңешке даярданып, референдум башкы маселе болуп туризмди ойлогон деле киши жок. Өкмөт структурасын түзө албай убара, анын жанында туризм кичинекей эле маселе болуп калса керек. Ошентсе да туризм элди бага турган индустрия болгондуктан эң биринчи кезекте президенттин алдындагы коомдук кеңеш түзүлүшү керек деп эсептейм", – деди Ражиев.

Адис учурда массалык эмес индивидуалдуу же чакан топ менен эс алуу актуалдуу болуп баштаганын кошумчалады.

Белгилер:
Асылбек Ражиев, даярдык, божомол, туризм
Тема боюнча
Маметов: өлкөдө тоо туризми популярдуу болууда
Улуттук коопсуздук комитетинин төрагасынын мурдагы орун басары Артур Медетбеков

Медетбеков: КМШ өлкөлөрүнүн коопсуздугу үчүн ЖККУ чоң иштерди жасоодо

Улуттук коопсуздук комитетинин төрагасынын мурдагы орун басары Артур Медетбеков ЖККУнун түзүлгөн максаты уюмга мүчө-мамлекеттерди тышкы агрессиядан сактоо болгонун айтты.

Жамааттык коопсуздук келишим биримдиги ага мүчө болгон өлкөлөрдү сырткы коркунучтардан сактоо максатында 1992-жылдын 15-майында түзүлгөн. Ошол кездеги курамына Кыргызстан, Казакстан, Россия, Тажикстан жана Армения кирген. Бир жылдан соң Азербайжан, Өзбекстан жана Беларусь мүчөлүкө кабыл алынган. Бул тууралуу Артур Медетбеков Sputnik Кыргызстан радиосуна маек куруп жатып билдирди.

Медетбеков: КМШ өлкөлөрүнүн коопсуздугу үчүн ЖККУ чоң иштерди жасоодо

Анын айтымында, аталган уюм учурда бир гана террорчулук менен күрөшүүдө эмес, мыйзамсыз миграция, баңгизатын ооздуктоо жана IT багытындагы кылмыштуулуктарга каршы турууда да жетишкендиктерди көрсөтүп келет.

"ЖККУга кирген мамлекеттер 2002-жылдан баштап өз ишмердүүлүгүн күчөттү десек болот. Ушул убакыттан тарта ыкчам аскердик күчтөрдү тартууга басым жасалган. Бул максатта Кыргызстандан да бир батальон кошулган. Албетте, биримдиктеги аскер күчтөрүнүн 80 пайыздан ашыгын Россиянын күчтөрү камсыздайт. Ошентсе да бардык мүчө-мамлекеттер ар кандай сырткы коркунучтарга бирдиктүү күрөшүүгө даяр болгон чоң, өз тарыхы, орду бар уюм десек болот. Алгач биримдик террорчулук, экстремизмге каршы туруу үчүн гана түзүлсө, азыркы учурда интернет технологияларынын жардамы менен келтирилүүчү коркунучтарга, баңгизаты менен күрөшүүдө жана мыйзамсыз миграцияны ооздуктоодо чоң-чоң иштерди жасоодо", — деди Медетбеков.

Ал ЖККУнун чыгымдарынын 50 пайызын Россия каржылай турганын, калган 50 пайызын башка мүчө-өлкөлөргө бөлөрүн кошумчалады.

Эскерте кетсек, учурда биримдикке алты өлкө мүчө.

Белгилер:
коопсуздук, уюм, ЖККУ, Артур Медетбеков
Тема боюнча
Медетбеков: экстремизмдин бир нече түрү бар
Улуттук паралимпиада комитетинин президенти Абдуалим Нишанов

Нишанов: Паралимпиадага спорттун эки түрүнөн лицензия алуу ниетибиз бар

(жаңыланган 11:44 20.04.2021)
Улуттук паралимпиада комитетинин президенти Абдуалим Нишанов Токиодо өтө турган Паралимпиада оюндарына Кыргызстан эки спорттун түрүнөн лизенция алуу ниетинде экендигин айтты.

Паралимпиадага парапауэрлифтинг жана пара жеңил атлетика боюнча жолдомо алуу мүмкүнчүлүгү жогору. Мындай пикирин Абдуалим Нишанов Sputnik Кыргызстан радиосунун эфиринде маек куруп жатып билдирди.

Нишанов: Паралимпиадага спорттун эки түрүнөн лицензия алуу ниетибиз бар

Анын айтымында, Кыргызстанда параспорт жаңы өнүгүп келе жаткандыгына байланыштуу спортчуларды колдоо максатында лицензия берилиши мүмкүн.

"Алдын ала так айтуу кыйын. Бирок спорттун эки түрү боюнча эки федерациянын даярдыгы жакшы. Пара пауэрлифтинг боюнча Жыргалбек Орозбаев, Максат Аргымбаев лицензия алуу үчүн машыгып, мыкты даярдыктан өтүшүүдө. Ал эми паратриатлон боюнча Жалалдин Абдувалиев аракет көрүүдө. Алар Азия чемпионатында, Азия оюндарында жана эл аралык мелдештерде жакшы жыйынтык көрсөтүп келишет. Спортчулар менен сүйлөштүк, үмүтүбүз чоң. Жеңип келгенден кийин элдин, мамлекеттин колдоосу кандай болорун алар жакшы түшүнүшөт. Андыктан алдыга коюлган максатына жетүү үчүн болгон күчүн жумшашат. Мындан тышкары, бизде параспорт жаңы өнүгүп келе жаткандыгына байланыштуу спортчуларды колдоо максатында лицензия берилиши мүмкүн", — деди Нишанов.

Ошондой эле жетекчи өлкөдө параспорт боюнча маалыматтын жеткиликтүү болбогондугу тармактын өнүкпөй туура эмес түшүнүктөрдүн пайда болушун шарттап жаткандыгын кошумчалады.

Белгилер:
лицензия, Токио, паралимпиада
Тема боюнча
Бакиров: майып балдарды спортко тартууну колго алуу зарыл
Продажа Иссык-Кульского корня на рынке в Бишкеке. 17 апреля 2021 года

Бишкекте уу коргошунга ууланган факты катталды

(жаңыланган 16:14 20.04.2021)
ЖМКлардагы маалыматка караганда, уу коргошундан жабыркаган бейтап 63 жашта. Ал ооруканага таңкы саат 05:00дөр чамасын түшкөн.

БИШКЕК, 20-апр. — Sputnik. Бишкекте уу коргошунга ууланган факты катталды. Бул тууралуу Sputnik Кыргызстан агенттигине Тез жардам кызматынан билдиришти.

Ыкчам медицина кызматы окуянын чоо-жайын бир аздан кийин Саламаттык сактоо министрлиги кабарлай турганын маалымдады.

Ал эми айрым ЖМКлардагы маалыматка караганда, уу коргошундан жабыркаган бейтап 63 жашта. Ал ооруканага таңкы саат 05:00дөр чамасын түшкөн.

Уу коргошун чуусу

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Белгилер:
уулануу, уу коргошун, Бишкек
Тема:
Уу коргошун чуусу