Клевое место спорттук балык уулоо базасынын ээси Улан Төрөбеков

Төрөбеков: балык уулоо спорт катары жаңы гана башталды

"Клевое место" спорттук балык уулоо базасынын ээси Улан Төрөбеков Кыргызстанда балык уулоо спорт катары жаңы гана башталып, республикалык жана эл аралык мелдештер уюштурулуп жатканын айтты.

Балык уулоо өлкөдө спорттун жаңы түрү болгондуктан каржылык колдоо керек. Ага карабастан кызыккандар жылдан-жылга көбөйүп жатат. Мындай пикирин Улан Төрөбеков Sputnik Кыргызстан радиосунун эфиринде маек учурунда билдирди.

Төрөбеков: балык уулоо спорт катары жаңы гана башталды

Анын айтымында, балык уулоону кыздар да өздөштүрүп, жакшы жыйынтыктарды көрсөтө башташты.

"Бул тармакка көңүл буруп жатканыбызга бир гана жыл болду. Балык уулоо базасы 2019-жылы декабрда ачылган. Негизги максатыбыз спорттук балык уулоону өнүктүрүү болгон. Алгач 5-6 бала ишти баштаганбыз. Учурда 20дай спортчуну топтой алдык. Турнир уюштуруу учурунда демөөрчүлөргө муктаждыгыбыз бар. Өзүбүз көп ишти колго алып, колдон келгенин жасап жатабыз. Ага карабастан балык уулоого кызыккандардын саны жылдан-жылга көбөйүүдө. Мисалы, быйыл мелдешти уюштурууга Россиядан демөөрчүлөр табылып, жакшы деңгээлдеги турнирди өткөрдүк. Бирок өнүгүүгө убакыт керек. Бизде потенцалы бар, таланттуу жаш балдар көп", — деди Төрөбеков.

Ошондой эле балыкчы кыргызстандык спортчуларга дүйнө чемпионатынан, башка ири эл аралык мелдештерден чакыруулар түшө баштаганын кошумчалады.

Белгилей кетсек, 20-21-мартта форель уулоо боюнча Кыргызстандын биринчи ачык кубогу өтүп, Россия, Казакстан жана кыргызстандык спортчулар жарышты.

Белгилер:
турнир, балыкчы, балык
Тема боюнча
Бишкектен Ошко чуркачу жөө күлүк Осмонбеков: азап тартып деп жактырбагандар бар
Замначальника отдела Государственной судебно-экспертной службы КР Жийдегуль Семенова на радио Sputnik Кыргызстан

Семёнова: сөз аркылуу жасалган кылмыштар үчкө бөлүнөт

Мамлекеттик соттук-эксперттик кызматтын Диндик экспертиза башкармалыгынын жетекчисинин орун басары Жийдегүл Семёнова сөз менен кылмыш жасоо үч топко бөлүнөрүн айтты.
Семёнова: сөз аркылуу жасалган кылмыштар үчкө бөлүнөт

Соттук-эксперттик мамлекеттик кызматта Диндик экспертиза башкармалыгы болуп түзүлгөнүнө эки жылдын гана жүзү болду. Биз террордук, экстремисттик чакырык, үндөөлөрдү камтыган же улуттар аралык кагылышууларга алып келүүчү, болбосо кайсы бир топтогу адамдардын же жеке инсандын аброюна шек келтирген тексттерди талдап, иликтейбиз. Бул тууралуу Жийдегүл Семёнова Sputnik Кыргызстан радиосуна маек куруп жатып билдирди.

Анын айтымында, сөз аркылуу кылмыш жасоо өлкө аймагында жылдан-жылга көбөйүүдө.

"Сөз менен кылмыш жасоону негизги үч топко бөлүп карайбыз. Алар кептик бейбаштык, кептик алдамчылык жана кептик кылмыш болуп аталат. Мисалы, интернет айдыңында коомго коркунуч жаратпаган, бирок жеке бир адамды же улутту таарынткан текст — бул кептик бейбаштык болуп эсептелет. Ал эми кайсы бир продукцияны эч негизсиз мактап, кымбат сатуу аракетин көргөн сыяктуу тексттер кептик алдамчылыкка кирет. Кептик кылмыш деп биз экстремисттик, террордук чакырыктарды жана башка ушул сыяктуу оор иштерге үндөгөн тексттерди атайбыз. Биздин милдет ошол жерде мыйзам бузуулар бар экенин аныктап берүү гана. Ал эми чечимди сот чыгарат. Аныктоодо биз эч качан бир гана сөзгө же сүйлөмгө басым жасабайбыз. Жазылган жалпы текстке көңүл бурабыз. Ал социалдык тармактагы бирөөнүн жеке баракчасына жазган посту болобу же анын түбүнө жазылган комментарийби, айырмасы жок", — деди Семёнова.

Лингвист 2018-жылы кептик мыйзам бузуу боюнча 86 учур катталса, 2019-жылы 950гө жеткенин кошумчалады.

Белгилер:
Жийдегуль Семенова, талдоо, укук, мыйзам, кеп
Тема боюнча
Бегилерова: адвокаттын телефон сүйлөшүүсүн угууну кысым катары кабыл алабыз
Эл аралык ишкерлер кеңешинин аткаруучу директору Аскар Сыдыков

Сыдыков: Кыргызстанда инвестициялык климат жакшы эмес

(жаңыланган 16:00 14.04.2021)
Эл аралык ишкерлер кеңешинин аткаруучу директору Аскар Сыдыков Кыргызстанда ишкерлер, инвесторлор жеке менчиктин коопсуздугуна кепилдик ала албай жаткандыгын айтты.
Сыдыков: Кыргызстанда инвестициялык климат жакшы эмес

Экономикалык кризис учурунда ишкерлерге кылмыш ишин козгоо, негизсиз текшерүүнү токтотуу керек. Мындай пикирин Аскар Сыдыков Sputnik Кыргызстан радиосунун эфиринде маек учурунда билдирди.

Анын айтымында, ишкерлер бизнесин, кардарларды ойлобой эле мамлекеттик органдарга кантип жооп беребиз деген түйшүк менен жашап калышты.

"Тилекке каршы, инвестициялык климат учурда жакшы эмес. Жалпысынан өлкөдө саясий-экономикалык туруктуулук толук кандуу орной элек. Дүйнөлүк жагдайга карасак, шайлоо жакындаганда инвестициялар убактылуу токтойт. Биринчиден, коопсуздук болушу керек. Көп ишкерлер, инвесторлор жеке менчиктин коопсуздугуна кепилдик көрө албай жатышат. Азыркы экономикалык кризис учурунда бизнесмендерге кылмыш ишин козгоо, негизсиз текшерүүнү токтотуу керек. Ишкерлер бизнести, кардарларды ойлобой, мамлекеттик органдарга кантип жооп беребиз деп түйшөлүп калышты. Экинчиден, саясий-экономикалык туруктуулукту орнотуу зарылчылыгы күч", — деди Сыдыков.

Ошондой эле жетекчи мамлекеттик органдарда, компанияларда ишкерлер менен тыгыз иш алып бара ала турган кесипкөй адистердин жетишпей жатканын кошумчалады.

Белгилер:
бизнес, мамлекеттик орган, инвестициялар, коопсуздук, ишкер, Аскар Сыдыков
Тема боюнча
Мусуралиев: ишкерлер Салык кызматынын үстүнөн көп даттанышат
Президент Кыргызской Республики Алмазбек Атамбаев во время встречи с активом и общественностью города Бишкек.

Сот Алмазбек Атамбаевдин абалын билүү үчүн экспертиза дайындады

(жаңыланган 17:06 14.04.2021)
Алмазбек Атамбаев учурда ден соолугу начарлаганына байланыштуу №47 түзөтүүчү колонияда дарыланып жатат.

БИШКЕК, 14-апр. — Sputnik. Биринчи май райондук сотунун судьясы Азирет Медеров мурдагы президент Алмазбек Атамбаевдин саламаттыгынын абалын аныктоо үчүн соттук-медициналык экспертиза дайындады. Бул тууралуу Кундуз Жолдубаева билдирди. 

Анын айтымына караганда, Кой-Таш окуясы боюнча соттук териштирүү иштери 2019-жылдын август айында экспертиза соңуна чыкканга чейин токтотулган.

Жолдубаева ошондой эле бүгүнкү жыйынга соттолуучу Равшан Жээнбеков келбегенин белгиледи. Анын жактоочулары экс-депутат коронавирус жуктуруп алышы мүмкүн деген маалымкат беришкен.

Биринчи май райондук соту соттук териштирүү иштери токтотулуп, экспертиза дайындалганын ырастады.

Белгилер:
Алмазбек Атамбаев, судья, Биринчи Май райондук соту
Тема:
Алмазбек Атамбаевдин кармалышы