КРдин товарларды санарип маркалоо жана фискалдаштыруу ассоциациясынын төрагасы Төлөнбек Абдыров

Абдыров: ЕАЭБдин 36 техрегламенти аткарылса дүйнөгө товар экспорттолот

КРдин товарларды санарип маркалоо жана фискалдаштыруу ассоциациясынын төрагасы Төлөнбек Абдыров 1-2 айдын ичинде тамеки, алкоголь ичимдиктерине маркалоо киргизилерин айтты.

Евразия экономикалык биримдигинин мүчө-мамлекеттерине чыгарылган жергиликтүү продукцияны жеткирүү үчүн ЕАЭБдин 36 техникалык регламентинин талаптарына шайкеш келүүсү зарыл. Анда ар бир продукциянын өндүрүү эрежелери жазылган. Бул талаптар аткарылса башка, Европа мамлекеттерине да товар жөнөтүүгө жол ачылат. Бул тууралуу Төлөнбек Абдыров Sputnik Кыргызстан радиосунун эфиринде маек куруп жатып билдирди.

Абдыров: ЕАЭБдин 36 техрегламенти аткарылса дүйнөгө товар экспорттолот

Анын айтымында, товарларга идентификациялоо каражаты, мисалы, маалымат системасындагы товардын тиешелүү бирдиги жөнүндө маалыматка шилтемени камтыган QR-коду коюлат.

"Кыргызстан ЕАЭБге киргенден бери анда болгон ар кайсы стандарттарды өзүнө алып кирүүдө. 2015-жылдан баштап санарип маркалоо акырындык менен ишке ашырыла баштады. 2021-жылы 1-январда көп товарлар маркалоодон өтүшү керек эле. Пандемиядан улам 5-6-айга жылып калды. Маркалоо системасынан товарлар жөнүндө тигил же бул маалыматты долбоордун бардык кызыкдар тараптары — мамлекеттик бийликтин ыйгарым укуктуу органдары да, бизнес да, керектөөчүлөр да мобилдик колдонмонун жардамы менен ала алышат. Өкмөттүн маалыматы боюнча, Кыргызстанда көмүскөдөгү экономиканын көлөмү 30 пайызды түзөт. Ал эми эл аралык уюмдардын божомолунда көмүскөдөгү экономика 65 пайызга чейин жетет. Мында сөзсүз түрдө аткезчилик, эсеп-каттоого алынбаган товарлар, анын сыртка чыгарылышы, алардын сапаты сыяктуу маселелер бар. Бул көйгөйлөрдү чечүүгө, товарлардын айланымын контролдоого маркалоо системасы жардам берет. Маркалоо акырындык менен бизде өндүрүлгөн, импорттолгон товарларга кирип, андан өтпөгөн товарлар четке чыгып калат", — деди Абдыров.

Адис эң негизгиси мында керектөөчүлөр продукциянын сапатын, анын өндүрүшү, сатылган жери тууралуу ишенимдүү маалыматтарды ар дайым текшере алышарын кошумчалады.

Белгилер:
сапат, стандарт, марка
Тема боюнча
Абдыров: Кыргызстан ЕАЭБдин мүмкүнчүлүктөрүн колдоно албай жатат
Эл аралык ишкерлер кеңешинин аткаруучу директору Аскар Сыдыков

Сыдыков: Кыргызстанда инвестициялык климат жакшы эмес

(жаңыланган 16:00 14.04.2021)
Эл аралык ишкерлер кеңешинин аткаруучу директору Аскар Сыдыков Кыргызстанда ишкерлер, инвесторлор жеке менчиктин коопсуздугуна кепилдик ала албай жаткандыгын айтты.
Сыдыков: Кыргызстанда инвестициялык климат жакшы эмес

Экономикалык кризис учурунда ишкерлерге кылмыш ишин козгоо, негизсиз текшерүүнү токтотуу керек. Мындай пикирин Аскар Сыдыков Sputnik Кыргызстан радиосунун эфиринде маек учурунда билдирди.

Анын айтымында, ишкерлер бизнесин, кардарларды ойлобой эле мамлекеттик органдарга кантип жооп беребиз деген түйшүк менен жашап калышты.

"Тилекке каршы, инвестициялык климат учурда жакшы эмес. Жалпысынан өлкөдө саясий-экономикалык туруктуулук толук кандуу орной элек. Дүйнөлүк жагдайга карасак, шайлоо жакындаганда инвестициялар убактылуу токтойт. Биринчиден, коопсуздук болушу керек. Көп ишкерлер, инвесторлор жеке менчиктин коопсуздугуна кепилдик көрө албай жатышат. Азыркы экономикалык кризис учурунда бизнесмендерге кылмыш ишин козгоо, негизсиз текшерүүнү токтотуу керек. Ишкерлер бизнести, кардарларды ойлобой, мамлекеттик органдарга кантип жооп беребиз деп түйшөлүп калышты. Экинчиден, саясий-экономикалык туруктуулукту орнотуу зарылчылыгы күч", — деди Сыдыков.

Ошондой эле жетекчи мамлекеттик органдарда, компанияларда ишкерлер менен тыгыз иш алып бара ала турган кесипкөй адистердин жетишпей жатканын кошумчалады.

Белгилер:
бизнес, мамлекеттик орган, инвестициялар, коопсуздук, ишкер, Аскар Сыдыков
Тема боюнча
Мусуралиев: ишкерлер Салык кызматынын үстүнөн көп даттанышат
Бишкек шаардык мамлекеттик санитардык-эпидемиологиялык көзөмөлдөө борборунун адиси, энтемолог Гүлкайыр Орокчиева

Орокчиева: кене энцефалити мээни, жүлүндү жабыркатат

Бишкек шаардык мамлекеттик санитардык-эпидемиологиялык көзөмөлдөө борборунун адиси, энтемолог Гүлкайыр Орокчиева кене энцефалити мээ, жүлүндү жабыркатарын айтты.
Орокчиева: кене энцефалити мээни, жүлүндү жабыркатат

Кене энцефалити борбордук нерв системасын жабырката турган курч кармоочу вирустук оору. Ал адамга кене чакканда анын шилекейи аркылуу жугат. Миңдеген түрдүн ичинен иксод кенеси дал ушул вирусту алып жүрөт. Бул тууралуу Гүлкайыр Орокчиева Sputnik Кыргызстан радиосунун эфиринде маек куруп жатып билдирди.

Анын айтымында, кооптуу кенелер Чоң-Кемин, Ала-Тоо жана Тескей Ала-Тоонун токойлуу жерлеринде көп кездешет.

"Тоого, токойго эс алууга чыккан учурда кенелердин жабышып алуусун алдын алуу үчүн кийимдерди, денени текшерип карап туруу керек. Эгер мүмкүнчүлүк болсо, кенелерди качыруучу ар кандай крем, мазь, аэрозолдорду колдонгон оң. Күн кандай гана ысык болбосун, жеңи узун кийим кийүү зарыл. Ошондой эле багалекти байпакка кымтып, моюнду жука жоолук менен ороп алыңыздар. Эс алуудан кайткан учурда адамдар өзүн жана бири-бирин кылдаттык менен карап чыгуусу керек. Эгерде денеге кене жабышып алса, баш бөлүгүн жип менен тегеретип байлап, май тамчылатып туруп, денесин башынан үзүп албастан жиптин эки учун кылдаттык менен акырын тартып алуу керек. Жабышкан кенени алган учурда эч качан аны сыгууга, басууга болбойт. Анткени баскан учурда вирусту организмге жуктуруп алуу мүмкүн. Кене чаккан жерди спирт же йод менен сүртүп коюу керек. Кенени алгандан кийин айнек идишке салып аймактык Ооруларды алдын алуу жана санитардык-эпидемиологиялык көзөмөлдөө борборуна тапшырса, дарыгер кененин түрүн аныктап, ага жараша чара көрөт", — деди Орокчиева.

Дарыгер мээ, жүлүндү жабыркаткан энцефалитти өз учурунда дарылабаса майыптыкка же өлүмгө алып келиши мүмкүндүгүн кошумчалады.

Белгилер:
Гүлкайыр Орокчиева, энцефалит, мээ, вирус, кене
Тема боюнча
Кенеден кантип сактануу керектигин терапевт айтып берди