Айым баштайт коомдук уюмунун долбоорлорунун биринин координатору Махабат Жакеева

Жакеева: аял канчалык акылдуу, күчтүү болсо, балдары да ошондой болот

(жаңыланган 15:47 02.04.2021)
"Айым баштайт" коомдук уюмунун долбоорлорунун биринин координатору Махабат Жакеева аталган уюм 2019-жылдан бери иш алып барып келерин айтты.

Уюмдун ар бир долбоорунун алкагында аял-ишкерлерди донорлор, гранттык программалардын өкүлдөрү, инвесторлор менен жолуктуруп турабыз. Бүтүрүүчүлөр өздөрүнүн бизнес-планын аларга презентациялашат да, финансылык колдоо алуу мүмкүнчүлүгү жаралат. Бул тууралуу Махабат Жакеева Sputnik Кыргызстан радиосунун эфиринде маек куруп жатып билдирди.

Жакеева: аял канчалык акылдуу, күчтүү болсо, балдары да ошондой болот

Анын айтымында, уюмдун долбоорлору бизнесин жаңы баштаган ишкерлерди көбүрөөк камтыйт.

"Айым баштайт" коомдук уюмунун кезектеги "Ишкер аялды колдо!" акциясы Бишкек, Ош шаарында өткөрүлдү. Иш-чарага өлкө аймагындагы 26 аял катышты. Анда соода борборлорунда аял-өндүрүүчүлөрдүн товарлары сатыкка коюлду. Алсак, курут, ар кандай тамак-аш, кыям, балдын түрлөрү, колго жасалган крем, самындар сатылды. Андан сырткары, колго жасалган буюм-тайым, кийимдер болду. Бул иш-чара айыл жергесиндеги аялдар арасындагы ишкерликке коомчулуктун көңүлүн буруу жана алардын өндүрүмдөрүн, кызматын сатып алуу менен экономикалык мүмкүнчүлүктөрүн кеңейтүү максатын көздөйт. Буга чейин уюм Women Up долбоорунда аялдарды ишкердик потенциалын жакшыртуу боюнча окуудан өткөргөн. Ал эми "Айым Creates" долбоорунда да аялдар бизнес-мектепте окушту. Алар азыркыга чейин тажрыйбалуу ишкерлердин кеп-кеңешин алып жатышат. Аталган долбоордун алкагында "Аялдар санарип ишкерликте" деген аталышта хакатон уюштурулган. Ал санарип шартта ишкердикти өнүктүрүүгө көмөк көрсөтүү максатында болгон. 2020-жылы жайында "Айым баштайт" санарип кербени COVID-19 иш-чарасын өткөрдү. Бул доолборго ар бир райондон 30дан жалпы 210 ишкер аял катышып, пандемиядан улам токтоп жабыркаган ишин улантуу боюнча алты мастер-класс алышты. Аткарылган бардык иштин максаты аялдын сабаттуулугун, билимин жогорулатуу болуп саналат. Себеби аял канчалык акылдуу, күчтүү болсо, балдары да ошондой болот", — деди Жакеева.

Ал долбоордун жогорку сапаттагы шейшеп тигип, төшөк курап, өзүнүн брендин түптөгөн бүтүрүүчүлөрү бар экенин кошумчалады.

Белгилер:
Махабат Жакеева, ишкерлик, аял, айым
Тема боюнча
Элетте туруп киреше табыңыз. Ишкер аялдарды колдогон акция башталды
Замначальника отдела Государственной судебно-экспертной службы КР Жийдегуль Семенова на радио Sputnik Кыргызстан

Семёнова: сөз аркылуу жасалган кылмыштар үчкө бөлүнөт

Мамлекеттик соттук-эксперттик кызматтын Диндик экспертиза башкармалыгынын жетекчисинин орун басары Жийдегүл Семёнова сөз менен кылмыш жасоо үч топко бөлүнөрүн айтты.
Семёнова: сөз аркылуу жасалган кылмыштар үчкө бөлүнөт

Соттук-эксперттик мамлекеттик кызматта Диндик экспертиза башкармалыгы болуп түзүлгөнүнө эки жылдын гана жүзү болду. Биз террордук, экстремисттик чакырык, үндөөлөрдү камтыган же улуттар аралык кагылышууларга алып келүүчү, болбосо кайсы бир топтогу адамдардын же жеке инсандын аброюна шек келтирген тексттерди талдап, иликтейбиз. Бул тууралуу Жийдегүл Семёнова Sputnik Кыргызстан радиосуна маек куруп жатып билдирди.

Анын айтымында, сөз аркылуу кылмыш жасоо өлкө аймагында жылдан-жылга көбөйүүдө.

"Сөз менен кылмыш жасоону негизги үч топко бөлүп карайбыз. Алар кептик бейбаштык, кептик алдамчылык жана кептик кылмыш болуп аталат. Мисалы, интернет айдыңында коомго коркунуч жаратпаган, бирок жеке бир адамды же улутту таарынткан текст — бул кептик бейбаштык болуп эсептелет. Ал эми кайсы бир продукцияны эч негизсиз мактап, кымбат сатуу аракетин көргөн сыяктуу тексттер кептик алдамчылыкка кирет. Кептик кылмыш деп биз экстремисттик, террордук чакырыктарды жана башка ушул сыяктуу оор иштерге үндөгөн тексттерди атайбыз. Биздин милдет ошол жерде мыйзам бузуулар бар экенин аныктап берүү гана. Ал эми чечимди сот чыгарат. Аныктоодо биз эч качан бир гана сөзгө же сүйлөмгө басым жасабайбыз. Жазылган жалпы текстке көңүл бурабыз. Ал социалдык тармактагы бирөөнүн жеке баракчасына жазган посту болобу же анын түбүнө жазылган комментарийби, айырмасы жок", — деди Семёнова.

Лингвист 2018-жылы кептик мыйзам бузуу боюнча 86 учур катталса, 2019-жылы 950гө жеткенин кошумчалады.

Белгилер:
Жийдегуль Семенова, талдоо, укук, мыйзам, кеп
Тема боюнча
Бегилерова: адвокаттын телефон сүйлөшүүсүн угууну кысым катары кабыл алабыз
Эл аралык ишкерлер кеңешинин аткаруучу директору Аскар Сыдыков

Сыдыков: Кыргызстанда инвестициялык климат жакшы эмес

(жаңыланган 16:00 14.04.2021)
Эл аралык ишкерлер кеңешинин аткаруучу директору Аскар Сыдыков Кыргызстанда ишкерлер, инвесторлор жеке менчиктин коопсуздугуна кепилдик ала албай жаткандыгын айтты.
Сыдыков: Кыргызстанда инвестициялык климат жакшы эмес

Экономикалык кризис учурунда ишкерлерге кылмыш ишин козгоо, негизсиз текшерүүнү токтотуу керек. Мындай пикирин Аскар Сыдыков Sputnik Кыргызстан радиосунун эфиринде маек учурунда билдирди.

Анын айтымында, ишкерлер бизнесин, кардарларды ойлобой эле мамлекеттик органдарга кантип жооп беребиз деген түйшүк менен жашап калышты.

"Тилекке каршы, инвестициялык климат учурда жакшы эмес. Жалпысынан өлкөдө саясий-экономикалык туруктуулук толук кандуу орной элек. Дүйнөлүк жагдайга карасак, шайлоо жакындаганда инвестициялар убактылуу токтойт. Биринчиден, коопсуздук болушу керек. Көп ишкерлер, инвесторлор жеке менчиктин коопсуздугуна кепилдик көрө албай жатышат. Азыркы экономикалык кризис учурунда бизнесмендерге кылмыш ишин козгоо, негизсиз текшерүүнү токтотуу керек. Ишкерлер бизнести, кардарларды ойлобой, мамлекеттик органдарга кантип жооп беребиз деп түйшөлүп калышты. Экинчиден, саясий-экономикалык туруктуулукту орнотуу зарылчылыгы күч", — деди Сыдыков.

Ошондой эле жетекчи мамлекеттик органдарда, компанияларда ишкерлер менен тыгыз иш алып бара ала турган кесипкөй адистердин жетишпей жатканын кошумчалады.

Белгилер:
бизнес, мамлекеттик орган, инвестициялар, коопсуздук, ишкер, Аскар Сыдыков
Тема боюнча
Мусуралиев: ишкерлер Салык кызматынын үстүнөн көп даттанышат
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн