Фейсфитнес тренери, косметолог-эстет Аида Сабырбекова

Косметолог: тейп менен беттеги бырышты кетирүү коопсуз болот

65
Фейсфитнес тренери, косметолог-эстет Аида Сабырбекова тейпти косметологияда колдонуунун жол-жобосун айтып берди.

Тейпти косметологияда колдонууну Кыргызстанга мындан үч жыл мурда мен алып келдим. Ага чейин беттеги бырыштарды кетирүүдө бул ыкма колдонулган эмес. Бул тууралуу Аида Сабырбекова Sputnik Кыргызстан радиосуна маек куруп жатып билдирди.

Косметолог: тейп менен беттеги бырышты кетирүү коопсуз болот

Анын айтымында, өзү тейпти сулуулукка колдонуу боюнча Санкт-Петербург шаарынан окуп келген.

"Тейп — бул 97 пайызы пахтадан жасалган лента. Анын артында адамдын ден соолугуна зыян алып келбей турган клейи болот. Бул ленталарды бетке чаптоо менен андагы бырыштардан арылууга шарт түзүлөт. Тейп денеге чапталган соң ошол жердин терисин көтөрөт. Мындай ыкма менен биз кан айланууну жакшыртабыз. Демек, организмдин табигый түрдө калыбына келишине жардам беребиз. Андыктан мунун зыяны жок. Кош бойлуу айымдар да колдоно берсе болот. Ал тургай ичи чоңоюп калганда омуртка сөөктөрүнө көмөк берүү үчүн бандаж катары да тейп тартып алса коркунучу жок. Ал эми косметологияда бетте безеткилер жок болгон бардык учурда бырыштарды кетирүү максатында колдонула берет. Биз тейп ленталарын берип, кардарларды атайын окуудан өткөрөбүз. Башкача айтканда, ар бир кардар тейпти туура колдонууну үйрөнүп, андан ары үйүндө өзүнө өзү кое берет. Жыйынтыгы 21 күндөн соң билинет. Анткени адам булчуңдары так ушунча убакытта белгилүү бир кыймылды жаттап калуу жөндөмүнө ээ", — деди Сабырбекова.

Ошондой эле ал тейпти туура эмес коюп алган учурда тескери жыйынтыкка кептелип калуу коркунучу бар экендигин кошумчалады.

65
Белгилер:
косметолог, сулуулук
Тема боюнча
Кал, меңди алдырарда онколог менен кеңешүү керек. Онкодерматологдун маеги
Юридикалык клиникалар ассоциациясынын жетекчиси, илимдин кандидаты Артур Бакиров. Архив

Бакиров: маяна кечиксе иш берүүчү кошумча акы төлөөгө милдеттүү

25
(жаңыланган 14:17 17.05.2021)
Юридикалык клиникалар ассоциациясынын жетекчиси, илимдин кандидаты Артур Бакиров пандемия учурунда маяна берилбей жатса эмне кылуу керектигин айтты.

Эгерде маяна алуучу күн майрам же дем алышка туш келип калса, эмгек акы ошол күнгө чейин алдын ала төлөнүшү зарыл. Бул тууралуу Артур Бакиров Sputnik Кыргызстан радиосунун "Онлайн-адвокат" рубрикасында билдирди.

Бакиров: маяна кечиксе иш берүүчү кошумча акы төлөөгө милдеттүү

Анын айтымында, эмгек акы айына бир жолу сөзсүз төлөнүшү керек.

"Пандемиядан улам иш берүүчүлөр экономикалык кризиске туш болду. Мунун кесепети жумушчуларга дагы тийип, маяна өз учурунда тийбей жатты. Мыйзамга ылайык, эмгек акы айына бир жолудан кем эмес төлөнөт. Эмгек акы төлөө мөөнөтү жамааттык келишимде же уюмдун локалдуу ченемдик актысында белгиленет. Маяна ала турган күн дем алыш же майрамга туш болуп калса, эмгек акы ага чейин төлөнүүсү зарыл. Эмгек келишим токтотулганда бардык төлөнө турган акы иштин акыркы күнүнөн кечиктирилбестен кызматкерге берилет. Иш берүүчү эмгек, өргүү жана башка акыларды төлөөнүн мөөнөтүн бузганда ар бир күн үчүн төлөнбөгөн сумманын 0,15 пайызын кошуп төлөөгө милдеттүү. Жумуштан бошотулган учурда иш берүүчү эсептешүү күндөн кечиктирген каражаттын 0,5 пайзын ар бир күн үчүн кошуп төлөшү керек", — деди Бакиров.

Юрист пайыздардын жалпы суммасы негизги төлөнө турган каражаттын 200 пайызынан ашпашы керектигин кошумчалады.

25
Белгилер:
жумушчу, маяна, юрист, Артур Бакиров
Тема боюнча
Юрист саатына акы төлөө эмгек тутумунун күнгөй-тескейин айтып берди
Туризм боюнча эксперт Айша Мамбеталиева

Мамбеталиева: чет өлкөдөн вакцина алган туристтер келе баштады

8
(жаңыланган 14:12 17.05.2021)
Туризм боюнча эксперт Айша Мамбеталиева учурда өлкөдө туризм акырындан жанданып, көбүнесе вакцина алган саякатчылар келе баштаганын билдирди.

Былтыр сырткы туризм такыр токтоп калса, быйыл вакцина алгандар, ооруп айыккандар жана санитардык нормаларды жакшы сактагандар келе баштады. Мындай пикирин Айша Мамбеталиева Sputnik Кыргызстан радиосуна маек куруп жатып маалымдады.

Мамбеталиева: чет өлкөдөн вакцина алган туристтер келе баштады

Анын айтымында, пандемияга карабастан Кыргызстан туризм үчүн ачык.

"Туризм тармагы пандемияга байланыштуу абдан жабыр тартты. Өткөн жайда өлкөгө сырттан туристтер келген эмес. Быйыл акырындап көбөйө баштады. Алар — вакцина алып, санитардык нормаларды сактап жана ооруп сакайгандар. Адамдар эки жылга чукул карантиндик абалда отуруп, ар кандай стресске туш болду. Мындай жагдайдан чыгуу үчүн саякаттоо эң мыкты жол болуп саналат. Соңку учурда активдүү жаштар көбөйдү. Учурда туристтердин ПЦР-тест тапшырып өлкөгө кире берүүгө мүмкүнчүлүгү бар. Тилеке каршы, бул жаатта бир топ көйгөйлөр чыгууда. Ошол эле авиакаттамдар менен учуп келүү кымбат болуп жатат. Көп өлкөлөрдөн түз рейс жоктугуна байланыштуу туристтер Түркия же Россия аркылуу келүүгө мажбур. Мындан тышкары, маркетинг жаатында аксап жатабыз. Ушул багыттарда аракет көрүү зарыл. Экологиялык, тоо туризми жана Жибек Жолундагы өлкө катары өзүбүздү көрсөтүүбүз керек. Чындап алганда өлкөнүн туристтик потенциалы абдан эле чоң. Бул жакка келип кайра кетип жаткан туристтердин арасында сурамжылоо жүргүзгөндө табияттын кооздугун, элдин меймандостугун баалашат", — деди Мамбеталиева.

Ошондой эле ал туристтер көбүнчө аймактарды, ал жактагы карапайым калкты көрүүнү каалай турганын кошумчалады.

8
Белгилер:
пандемия, БУУ, туризм, Айша Мамбеталиева
Тема боюнча
Шатманов: Кыргызстандын кооз жерлерин онлайн саякаттаса болот

Баары бир күчтүү экен. Арстан менен крокодилдин суу ичинде кармашкан видеосу

0
(жаңыланган 10:29 18.05.2021)
Ботсванадагы жаратылыш парктарынын биринде туристтер крокодил менен арстандын кармашына күбө болгон.

Эки арстан суу ичип, андан соң көлмөнүн ичинде сүзүп жүргөндө аларга алыстан байкоо салган башка жырткыч кол салууну чечкен. Видеодон жаныбарлар падышасынын кичүүсү алдыда, чоңураагы артта сууда кетип бара жатканын, ал эми бир нече метр аралыкта крокодил байкатпай сүзүп келгенин көрүүгө болот.

Жакындаганда илгиртпей тиштеп, көлмөнүн түбүн көздөй тартканы менен арстан күрүлдөгөн тейде кол салып, кичүүсүн сактап калган. Ал эми өзү крокодил менен алышып, суу алдында калган. Туристтер буга тынчсыздангандыгын, бирок бир нече убакыттан кийин окуя болгон жерден алысыраак аралыктан арстандын суудан чыкканын жазышкан.

0
Белгилер:
кармаш, турист, крокодил, арстан, жаратылыш
Тема боюнча
Аягына чейин турду. Крокодилдин оозунан суурулуп чыккан антилопанын видеосу