Спорттун олимпиадалык түрлөрү боюнча дирекциясынын жетекчиси Жоомарт Шамканов

Шамканов: Олимпиадага жолдомо уткан спортчулар катуу көзөмөлдө

87
Спорттун олимпиадалык түрлөрү боюнча дирекциясынын жетекчиси Жоомарт Шамканов Токио Олимпиадасына жолдомо уткан спортчулар катуу көзөмөлдө машыгып жаткандыгын айтты.

Эпидемиологиялык кырдаалга байланыштуу спортчулар Спорт жана дене тарбия агенттиги койгон алгоритмдин негизинде даярдыктан өтүүдө. Мындай маалыматты Жоомарт Шамканов Sputnik Кыргызстан радиосунун эфиринде маек куруп жатып билдирди.

Шамканов: Олимпиадага жолдомо уткан спортчулар катуу көзөмөлдө

Анын айтымында, Бүткүл дүйнөлүк антидопинг агенттиги жыл башында тыюу салынган препараттардын тизмесин жарыялап, спортчуларды тиешелүү текшерүүдөн өткөрүп турат.

"Бүткүл дүйнөлүк антидопинг агенттиги олимпиадага жолдомо уткан спортчулар жана алардын машыктыруучулары федерациялар менен кызматташып, спортчу бир айдын ичинде кайсы шаарда болорунан кабар алып турушат. Агенттиктин комиссарлары ошол жерге келип, спортчудан проба алып кетишет. Мындан тышкары, мамлекеттик агенттиктин алдында Антидопинг дирекциясы ачылган. Өлкө чемпионаты учурунда дирекциянын өкүлдөрү машыктыруучу, спортчуларга допингге байланыштуу кыскача маалыматтарды берүүдө. Спортчулар Токио Олимпиадасындагы бир катар эрежелерден да кабардар болуп жатышат. Дүйнөлүк антидопинг агенттиги жыл башында тыюу салынган препараттардын тизмесин жарыялаган. Ошондой эле спортчу ооруп калса өзү каалаган дары-дармекти иче албайт. Бекитилген режимдердин негизинде гана дарыланат. Эпидемиологиялык кырдаалга байланыштуу спортчуларга эл көп чогулган жерлерге барбагыла, аралыкты сактагыла деп эскертүүлөр берилүүдө", — деди Шамканов.

Ошондой эле жетекчи эпидкырдаалга байланыштуу спортчулар чет өлкөгө чыкпай, окуу-машыгуу иштери көбүнесе Ысык-Көлдө жүрүп жатканын кошумчалады.

Белгилей кетсек, Токио Олимпиадасы 2021-жылдын 23-июлунан 8-августуна чейин өтөт.

87
Белгилер:
жолдомо, олимпиада, Жоомарт Шамканов
Тема боюнча
Олимпиадага үч ай калды, Спорт агенттигинин 45 млн. карызы бар. Даярданып жетишеби?
CodifyLab Academy IT академиясынын негиздөөчүсү жана башкы директору Динара Руслан

Адис: IT тармагын үйрөнүү жана иш алып баруу үчүн компьютер гана керек

70
(жаңыланган 12:47 10.05.2021)
CodifyLab Academy IT академиясынын негиздөөчүсү жана башкы директору Динара Руслан аталган тармакта кыздар өзүн-өзү өнүктүрүүгө мүмкүнчүлүк кеңири экенин белгиледи.

IT тармагын үйрөнүү жана бул багытта иш алып баруу үчүн компьютер гана керек. Ошондуктан кыз-эркек дебей иштеп кете алат. Бул тууралуу Динара Руслан Sputnik Кыргызстан радиосуна маек куруп жатып билдирди.

Адис: IT тармагын үйрөнүү жана иш алып баруу үчүн компьютер гана керек

Анын айтымында, соңку учурда санариптештирүү бардык тармакта өнүгүүдө.

"IT тармагында программалоо, дизайн же долбоордук башкаруу болобу, адам өзү тандап иш алып бара берет. Көбүнчө программалоо жаатына эркектер барып, кыздар долбоорду башкаруу жана дизайн менен алектенишет. Бул мүмкүнчүлүктөрүнөн улам эмес, жөн гана кыздардын "программалоону жөндөй албайт болушум керек" деген кооптонуусунан болушу ыктымал. Кыргызстанда инфраструктура жок болгондуктан көп мүмкүнчүлүктөр чектелүү. Мисалы, Өзбекстанда заводдор, фабрикалар бар. Машина, муздаткыч жана башка продукция чыгарылат. Аларды долбоорлоо багытында иштер жүргүзүлөт. Ал эми бизде программалык камсыздоо менен чектелип калышат. Себеби ал үчүн компьютер жана интернет гана керектелет. Ошондуктан бул тармак эч нерседен көз каранды болбой, өз алдынча өнүгүүдө", — деди Динара Руслан.

Ошондой эле ал өлкөдө IT тармагынын кызматтарына буюртмалар көбүнчө жеке ишкерлерден түшөрүн кошумчалады.

70
Белгилер:
компьютер, санариптешүү, инфраструктура, IT, Динара Руслан
Тема боюнча
Афганистанда иштеп келген. Марипов өзүнө жаңы кеңешчи дайындады
Куруучулар жана курулуш өнөр жай профсоюзунун төрагасы Элдияр Карачалов

Карачалов: саатына эмгек акы төлөө жумуштун натыйжалуулугун арттырат

27
Куруучулар жана курулуш өнөр жай профсоюзунун төрагасы Элдияр Карачалов фрилансер же жумушта кыска мөөнөткө иштегендер бир учурда бир нече жерде эмгектенип, жумуш ордун азайтарын айтты.

Кыргызстанда 2040-жылга чейин саатына акы төлөө режимине өтүү маселеси мамлекеттик стратегияга киргизилген. Бул тууралуу Элдияр Карачалов Sputnik Кыргызстан радиосунун эфиринде маек куруп жатып билдирди.

Карачалов: саатына эмгек акы төлөө жумуштун натыйжалуулугун арттырат

Анын айтымында, саатына эмгек акы төлөө жумуштун натыйжалуулугун арттырат.

"Фрилансер — бул бир жумушта кыска мөөнөткө иштеген же эркин эмгектенген адам. Штаттан тышкаркы кызматкер болгондуктан бир эле учурда ар кандай жумуштарда иштеши мүмкүн. Кыргызстанда бул кызматкерлер жеке ишкер сыяктуу патент менен эмгектенет. Берилген жумушту күнү-түнү жасап бүтүрөбү же берилген убакыттын ичинде шашпай аткарабы, ал өзүнүн иши. Бардык жоопкерчилик өзүнүн мойнунда. Эгер ал өргүүгө чыкса акча төлөп бербейт жана ооруп же кырсыктап калса, ага жумуш берүүчү ар кандай төлөмдөрдү аткарууга милдеттүү эмес. Ал эми бир мекемеде туруктуу, бирок аралыктан иштеген кызматкерлер бар. Аралыктан иштеген кызматкерлердин эмгек укуктары тууралуу кодекске киргизүүнү көздөп жатабыз. Андан тышкары, Кыргызстанда 2040-жылга чейин саатына акы төлөө режимине өтүү маселеси мамлекеттик стратегияга киргизилген. Европа мамлекеттеринде биздики сыяктуу эле айдын аягында маяна алышат. Болгону саатына баа коюлуп, айдын аягында ошого жараша каражат алат. Бул келишимдик акы төлөө ситемасына жакыныраак", — деди Карачалов.

Ал бир фрилансер бир топ жумушчунун ордун ээлеп, жумуш ордунун азайышына алып келерин кошумчалады.

27
Белгилер:
дистанттык иштөө, фрилансер, Эмгек кодекси, Элдияр Карачалов
Тема боюнча
Россия жарандарына аралыктан иштөөгө мыйзамдуу түрдө уруксат берди
Акча каражаттары. Архив

Сом КМШда эң кооз валюта болуп саналат. Адис кыргыз акчанын өзгөчөлүктөрүн айтты

0
Кечээ, 10-май күнү, кыргыз сому ишке киргенине 28 жыл толду. Бул аралыкта ал бир нече эл аралык сынактарда жеңүүчү болгон.

БИШКЕК, 11-май — Sputnik. Кыргыз сомунун башкалардан кандай өзгөчөлүктөрү бар? Бул тууралуу Кыргызстандын Улуттук банкынын накталай акча жана адистик бөлүмүнүн башчысы Дана Сайфуллина айтып берди.

Эске салсак, кечээ, 10-май күнү, кыргыз сому ишке киргенине 28 жыл толду.

"2009-жылы чыккан төртүнчү сериядагы банкноталардын ар бири кайталангыс өңгө ээ. Ар биринде өзүнө гана тиешелүү ачык түс бар. Бул акчаны эске тутуп калууга шарт түзөт жана көрүүсү начар адамдарга бир топ жеңилдиктерди берет", — деди адис.

Анын айтымында, учурда кыргыз сому КМШдагы эң кооз банкноталардын бири болуп эсептелет.

"2009-жылы чыккан 5000 сом номиналындагы банкнота "Жылдын банкнотасы" аттуу ири эл аралык сынакта финалга чейин жеткен. Бул акчанын коргоо деңгээли жана дизайны каралчу жыл сайын өтө турчу сынак. Ал эми 100 сомдук КМШ боюнча адистер арасында өткөн сурамжылоодо сапаты боюнча экинчи орунду алган. Адистер 50 доллар, 50 евро жана 1 миң рублдин сапатын сынашкан. 2 миң сомдук “Аймактагы мыкты банкнота 2018” эл аралык сынагында КМШ, Борбордук жана Чыгыш Европа мамлекеттеринин ичинен жеңүүчү болгон”, — деди ал.

Ошондой эле адис акча өлкө тарыхынын маанилүү бир бөлүгү экенин кошумчалады.

0
Белгилер:
тарых, факты, сом, Улуттук банк, Кыргызстан
Тема боюнча
Кер мурут жигит Сүймөнкул Чокморов. Улуттук банктын улуу инсан тууралуу видеосу
Нөшөрлөгөн жаанга карабай Саякбайды уккан эл. Улуттук банктын видеосу