Дарыгер-невролог Кундуз Карбозова. Архив

Карбозова: гендик терапия иштелип чыкса Паркинсонду айыктыруу мүмкүн болот

25
(жаңыланган 15:10 24.04.2021)
Дарыгер-невролог, Иса Ахунбаев атындагы КММАнын Неврология жана клиникалык генетика кафедрасынын ассистенти Кундуз Карбозова Паркинсондун пайда болушуна генетикалык факторлор түздөн-түз таасир эткендиктен аны алдын алуу кыйын экенин айтты.
Карбозова: гендик терапия иштелип чыкса Паркинсонду айыктыруу мүмкүн болот

Паркинсондун негизги беш дарысы бар. Азыр жаңы чыгып жаткан дары-дармек өлкөгө алып келинбей жатат. Бизде Паркинсонго каршы препараттардын үч түрү гана сатылат. Бул тууралуу Карбозова Sputnik Кыргызстан радиосунун эфиринде маек куруп жатып билдирди.

Анын айтымында, аталган илдетке чалдыккандардын уйкусу бузулуп, депрессия менен жабыркашат.

"Паркинсон ар бир адамда түрдүү өрчүп, бейтаптын жашоо образына дагы байланыштуу болот. Бейтапка мээдеги дофаминдин көлөмүн көтөрүүчү дарылар берилет. Андан тышкары, мээни терең стимуляциялап хирургиялык жол менен да булчуңдардын катуулугун жазып, титирөө азайтылат. Ошондой эле бейтаптар физикалык, логопедиялык терапия алып, бут кийим кийүү, топчулоо жана башка иш-аракеттерди эрготерапиялык окууда үйрөнүшөт. Тилекке каршы, бул дартты толук айыктыра албайбыз. Эгер 10-15 жылдан кийин гендик терапия иштелип чыкса, ошондо оорудан арылууга мүмкүндүк жаралат. Изилдөөлөр боюнча,  кофе ичип, тамеки чеккен адамдар Паркинсонго азыраак кабылары айтылат. Бирок дарыгер катары ден соолукка зыян келтире турган жаман адаттарга жакын болууга үндөбөйм. Себеби тамекини көп чегүү өпкөнүн рагына алып келет. Эң негизгиси, ар бир илдетти туура тамактанып, активдүү болуу менен алдын алса болот", — деди Карбозова.

Невролог Паркинсон менен ооруган бейтаптын кыймылы бузулгандыктан жакындары үйдө ыңгайлуу шарт түзүп бериши керектигин кошумчалады.

25
Белгилер:
терапия, симптом, дарылоо, Паркинсон оорусу, Кундуз Карбозова
Тема боюнча
Жыт сезбей калуу Паркинсон оорусунун да белгиси болушу мүмкүндүгү айтылды
Аксакалдар соту ассоциациясынын жетекчиси Замира Мамакеева

Мамакеева: аксакалдар соту эми жергиликтүү бийликтин бир бутагы болот

38
(жаңыланган 14:24 06.05.2021)
"Аксакалдар соту" ассоциациясынын жетекчиси Замира Мамакеева жаңы Конституцияга ылайык, Аксакалдар соту институту жергиликтүү бийликтин бир бутагы болуп кирерин айтты.

Аксакалдар сотунун өзгөчө айыл жерлеринде зарылчылыгы абдан жогору. Андыктан бул институтту күчтөндүрүү керек. Мындай пикирин Замира Мамакеева Sputnik Кыргызстан радиосунун эфиринде маек куруп жатып билдирди.

Анын айтымында, өлкө боюнча 795 аксакалдар соту болсо, борбор калаада 48 институт иш алып барат. Анын 248 мүчөсү бар.

Мамакеева: аксакалдар соту эми жергиликтүү бийликтин бир бутагы болот
"Мыйзамдар өзгөрүп отуруп, азыркы убакка чейин аксакалдар соту 3-4 гана беренени караганга укуктуу болуп калган. Ошону менен бирге эле төрагалары 1000 сомдун айланасында айлык алса, мүчөлөрү кварталына 250 сом алышчу. Отуруп иш алып барган мекемелери да жок болчу. Азыркы жаңы Конституция боюнча аксакалдар соту жергиликтүү бийликке караган орган болуп калат. Каржы маселеси да айыл өкмөт, мэриялар тарабынан чечилет. Эми аксакалдар сотунун төрагаларына 3000-5000 сомдон айлык чегерип, мүчөлөрүнө 1000-1500гө чейин маяна төлөө пландалууда. Ошондой эле санын кыскартуу да каралып жатат. Мурда айыл жергесинде тогузга чейин мүчөсү болуп, кворум өтүшү үчүн кеминде беш мүчөсүн чогултуу абзел болчу. Эми шаарларда жалпысынан беш, ал эми айыл жеринде жети соттон турган аксакалдар сотун түзүү жана үч мүчөнүн катышуусу менен кворум бар деп эсептей берүү каралууда", — деди Мамакеева.

Ал жаңы даярдалып жаткан мыйзам актылары боюнча аксакалдар соту 20га чукул берене менен иш алып бара аларын кошумчалады.

38
Белгилер:
конституция, мыйзам, аксакалдар соту, Замира Мамакеева
Тема боюнча
Мамакеева: аксакалдар сотунун мүчөлөрү 80 сомдой айлык алат
Экономика жана финансы министрлигине караштуу Туризм департаментинин директору Самат Шатманов

Шатманов: өлкөнүн бардык туристтик жайлары бирдиктүү реестрге катталат

24
Экономика жана финансы министрлигине караштуу Туризм департаментинин директору Самат Шатманов өлкөдөгү бардык туристтик мекемелер бирдиктүү реестр базасына катталып, каалаган адам маалымат алып, байланыш түзө аларын айтты.

Кыргызстандагы мейманкана, альплагер, хостел, туристтик эс алуу жайларынын байланыш номерлерин, шарттарын, бааларын, видео, сүрөт галереясын бир базадан табууга мүмкүнчүлүк ачылды. Ал үчүн tourism.gov.kg веб-сайтына кирүү жетиштүү. Мындай маалыматты Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: өлкөнүн бардык туристтик жайлары бирдиктүү реестрге катталат

Анын айтымында, туристтик аймактардын бирдиктүү реестри саякатчыларга да, кызмат көрсөткөндөргө да коопсуздукту камсыздайт. Тагыраак айтканда, аралыктан брондоп, сүйлөшүүлөрдү жүргүзүп, эс алуучу жай тууралуу кенен маалымат алуу мүмкүнчүлүгү жаралат.

"Бириккен Улуттар Уюмунун Өнүгүү программасынын алкагында өлкөнүн төрт облусунда Кыргызстанды таанытуу, эл аралык деңгээлге алып чыгуу, жаңы тенденцияларды колдонуу боюнча пилоттук окутуу иштери жүрүп жатат. Дүйнөлүк booking.com отелдерди онлайн-брондоо системасы, тейлөөнү жакшыртуу боюнча да каалоочуларга үйрөтүп жатабыз. Ал эми https://tourism.gov.kg сайтында өлкөдөгү бардык туристтик мекемелер бирдиктүү реестр базасына катталып, каалаган адам маалымат алып, байланыш түзө алат. Порталда мейманкана, альплагер, хостел, туристтик эс алуучу жайлардын байланыш номерлерин, шарттарын, бааларын, видео, сүрөт галереясын бир базадан табуу мүмкүн", — деди Шатманов.

Ошондой эле жетекчи пандемияга байланыштуу ички туризмге көңүл буруп, анын артыкчылыктуу багыттарын кароо зарылдыгын кошумчалады.

24
Белгилер:
ички туризм, саякат, туризм, Самат Шатманов
Тема боюнча
Жаманкулов: коронавирус учурунда коопсуз саякаттоого үйрөнүшүбүз керек
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео