Көчө спортунун түрлөрү федерациясынын президенти Эмир Мырзабеков

Мырзабеков: Street workout спортуна кызыккандар абдан көбөйдү

73
(жаңыланган 17:21 28.04.2021)
Көчө спортунун түрлөрү федерациясынын президенти Эмир Мырзабеков акыркы жылдары воркаутка кызыгып, ден соолугун чыңдаган адамдар көбөйгөнүн айтты.

Көчө гимнастикасын өнүктүрүүгө өкмөт да көңүл буруп, шаарларда атайын машыгуу аянтчаларын кура баштады. Мындай пикирин Эмир Мырзабеков Sputnik Кыргызстан радиосунун эфиринде маек куруп жатып билдирди.

Мырзабеков: Street workout спортуна кызыккандар абдан көбөйдү

Анын айтымында, каалаган адам воркаут аянтчасына келип, акысыз машыгууларга катышып, трюктарды үйрөнүп алса болот.

"Street workout — бул көчө гимнастикасы. Таза абада бекер машыгуу мүмкүнчүлүгү бар. Спорт залдарына барып машыгууга шарты жоктор абдан көп. Бул көйгөйдү чечели деп эшикте машыгып баштаганбыз. Кыргызстанда алгач бул тармак кызыккандар үчүн гана болуп келсе, азыркы учурда спорттун түрү катары каттадык. 2013-жылы Көчө спорт түрлөрү федерациясы ачылган. Спортту кеңири жайылтуу максатында аракеттерди көрүп, өлкө боюнча мелдештерди өткөрүп келебиз. Учурда биздин командага кошулуп, воркаутка кызыккандар көбөйүп, машыккандардын саны 2000ден 5000ге чейин жетти. Бул спорт менен каалаган адам машыкса болот. Көчө гимнастикасын өнүктүрүүгө өкмөт да көңүл буруп, шаарларда атайын машыгуу аянтчаларын кура баштады", — деди Мырзабеков.

Ошондой эле машыктыруучу Street workout менен кыздар да машыгып, жылдан-жылга кызыгуу күч алып жаткандыгын кошумчалады.

73
Белгилер:
Эмир Мырзабеков, спорт, Street workout
Тема боюнча
1-май күнү Кыргызстанда эл аралык "Альпиниада – 2021" мелдеши өтөт
Экономика жана финансы министрлигине караштуу Туризм департаментинин директору Самат Шатманов

Шатманов: Кыргызстандын кооз жерлерин онлайн саякаттаса болот

47
(жаңыланган 20:41 09.05.2021)
Экономика жана финансы министрлигине караштуу Туризм департаментинин директору Самат Шатманов Кыргызстандын кооз жерлерин, тарыхый мурастарын, шаарларды онлайн-форматта саякаттаса болорун айтты.

Эми бардык каалоочулар өлкөнүн кооз жерлери тууралуу веб-сайтынан үч тилде кенен маалымат ала алат. Бул тууралуу Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: Кыргызстандын кооз жерлерин онлайн саякаттаса болот
"Бүгүнкү күндө map.tourism.gov.kg веб-сайтынан бардык каалоочу Кыргызстандын тарыхый мурастары, ар бир региондун кооз аймактары, шаарлары менен тааныша алат. Портал аркылуу үч тилде кенен маалымат алып, пандемия шартында онлайн саякаттаса болот. Тармакты санариптештирүүнүн алкагында жакынкы арада дагы 3-4 тилди кошуунун үстүндө иштеп жатабыз. Мындан тышкары, Транспорт, архитектура, курулуш жана коммуникациялар министрлиги менен иштешип, жолдун жээгиндеги жерлерге туристтер үчүн көрсөтмөлөрдү коюуну пландап жатабыз", — деди Шатманов.

Ошондой эле жетекчи туризмди өнүктүрүүнүн алкагында Ысык-Көл облусунун айланасында беш туристтик борбор ачыла тургандыгын кошумчалады.

47
Белгилер:
ички туризм, саякат, туризм, Самат Шатманов
Тема боюнча
Кадыралиев: маданиятыбызды өзүбүз өздөштүргөндө гана башкаларга кызыгуу жаратабыз
Эрдик-Подвиг фондунун жетекчиси Каныбек Мырзаканов

Мырзаканов: Кыргызстанда Белгисиз жоокердин эстелиги тургузулушу керек

19
"Эрдик-Подвиг" фондунун жетекчиси Каныбек Мырзаканов өлкөдө Улуу Ата Мекендик согушта дайынсыз жоголгондордун эрдиги даңазаланышы керектигин белгиледи.

Кыргызстанда Улуу Ата Мекендик согушта дайынсыз жоголгондордун урматына Белгисиз аскердин эстелиги орнотулушу керек. Бул тууралуу Каныбек Мырзаканов Sputnik Кыргызстан радиосуна маек берип жатып билдирди.

Мырзаканов: Кыргызстанда Белгисиз жоокердин эстелиги тургузулушу керек

Анын айтымында, мындай эстеликтер көп өлкөлөрдө орнотулган.

"Улуу Ата Мекендик согушта дайынсыз жоголгондордун баарынын сөөгүн таап, аныкташ кыйын. Биз Кыргыз ССРинин мураскери, эгемендүү мамлекет болгон соң өлкөдө Белгисиз жоокердин айкели болушу керек. Себеби 10 миңдеген жоокердин дареги дайынсыз. Алардын урпактары куран түшүрүп, эрдигин даңктап турушу зарыл. Мындай эстеликтер Россияда жана башка дүйнөнүн 40 мамлекетинде бар. Кыргызстандын жоокерлери СССРдин катарында согушуп, жеңишке жетишкен. Андыктан алардын арбактары даңкталышы шарт. Калининградга барганда, ал жакта ардагерлер тууралуу маалымат издөө менен алек болгондордун айтымында, көптөгөн сөөктөр табылып, ким экени аныкталбай калат экен", — деди Мырзаканов.

Ошондой эле ал эгерде Белгисиз жоокердин эстелиги орнотулса, анын тарбиялык мааниси дагы болорун кошумчалады.

19
Белгилер:
СССР, ардагер, Улуу Ата Мекендик согуш, Каныбек Мырзаканов
Тема боюнча
Борбордо Ленинград блокадасынын курмандыктарынын элесине бак отургузулду. Видео
Медициналык кызматкер COVID-19га тест даярдап жатат. Архив

Бир суткада коронавирус 254 кишиден табылып, 5 бейтап көз жумду

0
(жаңыланган 10:58 10.05.2021)
Кечээтен бери жети медиктен коронавирус аныкталган. Анын бирөө ооруну "кызыл зонадан" жуктуруп алганы айтылды.

БИШКЕК, 10-май — Sputnik. Өткөн суткада коронавирус 254 бейтаптан аныкталып, 257си айыкты. Бул тууралуу Саламаттык сактоо министрлигинин маалымат кызматы кабарлады.

Жуктургандар:

  • Бишкек – 195;
  • Ош шаары - 3;
  • Ош облусу -1;
  • Чүй облусу – 25;
  • Нарын облусу - 4;
  • Ысык-Көл облусу – 17;
  • Жалал-Абад облусу – 9.

Ушуну менен оору илештиргендердин жалпы саны 98 654кө жетти.

Айыккандар:

  • Бишкек – 187;
  • Ош шаары - 7;
  • Ош облусу -3;
  • Чүй облусу – 42;
  • Нарын облусу - 1;
  • Ысык-Көл облусу – 7;
  • Жалал-Абад облусу – 4;
  • Талас облусу - 6.

Жалпысынан 91 816 бейтап ооруну жеңген.

Тилекке каршы, өткөн суткада коронавирус беш адамдын өмүрүн алды. Анын ичинен үчөө Бишкекте, экөө Чүйдө көз жумган. Жалпы жонунан 1 660 киши коронавирустун курмандыгы болду.

Кечээтен бери жети медиктен коронавирус табылган. Анын бирөө ооруну "кызыл зонадан" жуктуруп алганы айтылды.

0
Белгилер:
өлүм, бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Айт намаздын Бишкекте окулушу боюнча мэрия пикирин билдирди
COVID-19: медиктерге компенсация төлөө үчүн 243 млн. сом бөлүндү