Радиостудия Sputnik Кыргызстан в Бишкеке - Sputnik Кыргызстан, 1920
Радио

Эшенгулов: Самаркандек — самарканддык дегенди түшүндүрөт

© Sputnik / Табылды КадырбековТарыхчы топонимист, картограф Темиркул Эшенгулов
Тарыхчы топонимист, картограф Темиркул Эшенгулов - Sputnik Кыргызстан, 1920, 27.04.2021
Жазылуу
Тарыхчы топонимист, картограф Темиркул Эшенгулов Баткен районуна караштуу Самаркандек айылынын тарыхын айтып берди.
Жергиликтүү калк Самаркандек деп айтат. Бирок кыргыз адабий тилинде таандык мүчөсү уланып, Самаркандык деп айтылат. Бул тууралуу Темиркул Эшенгулов Sputnik Кыргызстан радиосунун "Жер тааны" рубрикасында билдирди.
Эшенгулов: Самаркандек — самарканддык дегенди түшүндүрөт
Анын айтымында, айыл ал жакка Самарканд шаарынан көчүп келип отурукташкан жергиликтүү тургундардын өздөрүн тааныштырышынан улам ушундай аталып калган.
"Мурдагы кылымдарда адамдар өзүн тааныштырганда жерлигин, атасынын атын, анан өз ысымын аташкан. Буга мисал Баласагындык Жусуп, Нишапурлук Омар Хайям, Кашкарлык Махмуд жана башкаларды айтсак болот. Бул жөрөлгө бир эле илимпоз же башка атактуу адамдар арасында колдонулган эмес. Ошол замандын бардык тургундары ушундай формада ысым алып жүрүшкөн. Андыктан азыркы Баткен районунун аймагына кирген Самаркандек айылынын аталышы да Самарканд шаарынан көчүп келип отурукташып калган элден улам аталып калган. Адабий тилде таандык мүчөсү уланып, Самаркандык дегенди түшүндүрөт. Мурда ЖМКларда Самаркандык айылы деп эле жазылчу. Кийин эле басма сөз кызматтары да жергиликтүү говор менен жаза баштады", — деди Эшенгулов.
Ал ошондой эле массалык маалымат каражаттары жер, суу аталыштарын элди туура жазууга үндөөсү зарылдыгын кошумчалады.
Жаңылыктар түрмөгү
0