Туризм тармагында эксперт, мурдагы маданият, маалымат жана туризм министри Азамат Жаманкулов

Жаманкулов: коронавирус учурунда коопсуз саякаттоого үйрөнүшүбүз керек

52
(жаңыланган 10:10 28.04.2021)
Туризм тармагында эксперт, мурдагы маданият, маалымат жана туризм министри Азамат Жаманкулов коронавирус учурунда туризмди жок кылып албоого аракеттенүү керек деген пикирин билдирди.

Пандемияга чейин туризм тармагы дүйнө жүзү боюнча популярдуу болуп бара жаткан. Алсак, ар бир онунчу адам ушул жаатта эмгектенип келген. Бул тууралуу Азамат Жаманкулов Sputnik Кыргызстан радиосуна маек куруп жатып айтты.

Жаманкулов: коронавирус учурунда коопсуз саякаттоого үйрөнүшүбүз керек

Анын билдиришинче, 2019-жылы туризмден түшкөн киреше республиканын ички дүң продукциясынын 5,3 пайызын түзгөн.

"Туризм пандемияга чейин дүйнө жүзү боюнча абдан өнүгүп бара жаткан болчу. Адамдар сергек жашоого олуттуу көңүл буруп, анын ажырагыс бир бөлүгү катары саякаттоону тандап жатышкан. Тилекке каршы, коронавирус пайда болгондон кийин 2020-жылы бул багытта иш таптакыр токтоп калды. Эми бул вирус кыска убакытта кетип калбасын түшүндүк. Андыктан аны менен кошо жашап, саякаттоого үйрөнүшүбүз керек. Азыркы учурда Жер планетасы боюнча кайсы өлкөлөрдө эпидемиологиялык абал кандай экенин көрсөтүп турган карталарды интернеттен тапса болот. Анда Кыргызстан учурда кызыл чекке жакындап бара жатканы көрүнүп турат. Мына ушундай абалга жеткирбей, келген туристтерге коопсуз саякаттоо мүмкүнчүлүгүн түзүп берүүгө аракеттениш керек. Мисалы, аэропорттон тоо аралап эс алууга кеткенге чейин вирус жуктуруп алуу коркунучун азайтуу, ооруп калган учурда медициналык көмөктү өз убагында берүү сыяктуу маселелерди өлкө колго алса, туризм багыты кайрадан жанданат", — деди Жаманкулов.

Ал ошондой эле саякатчыларды тартууда жеке ишкерлер менен өкмөт тыгыз иштешүүсү зарылдыгын кошумчалады.

52
Белгилер:
саякат, коронавирус, туризм, Азамат Жаманкулов
Тема боюнча
Жаманкулов: Ысык-Көлдө туризмди өнүктүрүү боюнча форум уюштурулууда
Экономика жана финансы министрлигине караштуу Туризм департаментинин директору Самат Шатманов

Шатманов: Кыргызстандын кооз жерлерин онлайн саякаттаса болот

47
(жаңыланган 20:41 09.05.2021)
Экономика жана финансы министрлигине караштуу Туризм департаментинин директору Самат Шатманов Кыргызстандын кооз жерлерин, тарыхый мурастарын, шаарларды онлайн-форматта саякаттаса болорун айтты.

Эми бардык каалоочулар өлкөнүн кооз жерлери тууралуу веб-сайтынан үч тилде кенен маалымат ала алат. Бул тууралуу Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: Кыргызстандын кооз жерлерин онлайн саякаттаса болот
"Бүгүнкү күндө map.tourism.gov.kg веб-сайтынан бардык каалоочу Кыргызстандын тарыхый мурастары, ар бир региондун кооз аймактары, шаарлары менен тааныша алат. Портал аркылуу үч тилде кенен маалымат алып, пандемия шартында онлайн саякаттаса болот. Тармакты санариптештирүүнүн алкагында жакынкы арада дагы 3-4 тилди кошуунун үстүндө иштеп жатабыз. Мындан тышкары, Транспорт, архитектура, курулуш жана коммуникациялар министрлиги менен иштешип, жолдун жээгиндеги жерлерге туристтер үчүн көрсөтмөлөрдү коюуну пландап жатабыз", — деди Шатманов.

Ошондой эле жетекчи туризмди өнүктүрүүнүн алкагында Ысык-Көл облусунун айланасында беш туристтик борбор ачыла тургандыгын кошумчалады.

47
Белгилер:
ички туризм, саякат, туризм, Самат Шатманов
Тема боюнча
Кадыралиев: маданиятыбызды өзүбүз өздөштүргөндө гана башкаларга кызыгуу жаратабыз
Эрдик-Подвиг фондунун жетекчиси Каныбек Мырзаканов

Мырзаканов: Кыргызстанда Белгисиз жоокердин эстелиги тургузулушу керек

20
"Эрдик-Подвиг" фондунун жетекчиси Каныбек Мырзаканов өлкөдө Улуу Ата Мекендик согушта дайынсыз жоголгондордун эрдиги даңазаланышы керектигин белгиледи.

Кыргызстанда Улуу Ата Мекендик согушта дайынсыз жоголгондордун урматына Белгисиз аскердин эстелиги орнотулушу керек. Бул тууралуу Каныбек Мырзаканов Sputnik Кыргызстан радиосуна маек берип жатып билдирди.

Мырзаканов: Кыргызстанда Белгисиз жоокердин эстелиги тургузулушу керек

Анын айтымында, мындай эстеликтер көп өлкөлөрдө орнотулган.

"Улуу Ата Мекендик согушта дайынсыз жоголгондордун баарынын сөөгүн таап, аныкташ кыйын. Биз Кыргыз ССРинин мураскери, эгемендүү мамлекет болгон соң өлкөдө Белгисиз жоокердин айкели болушу керек. Себеби 10 миңдеген жоокердин дареги дайынсыз. Алардын урпактары куран түшүрүп, эрдигин даңктап турушу зарыл. Мындай эстеликтер Россияда жана башка дүйнөнүн 40 мамлекетинде бар. Кыргызстандын жоокерлери СССРдин катарында согушуп, жеңишке жетишкен. Андыктан алардын арбактары даңкталышы шарт. Калининградга барганда, ал жакта ардагерлер тууралуу маалымат издөө менен алек болгондордун айтымында, көптөгөн сөөктөр табылып, ким экени аныкталбай калат экен", — деди Мырзаканов.

Ошондой эле ал эгерде Белгисиз жоокердин эстелиги орнотулса, анын тарбиялык мааниси дагы болорун кошумчалады.

20
Белгилер:
СССР, ардагер, Улуу Ата Мекендик согуш, Каныбек Мырзаканов
Тема боюнча
Борбордо Ленинград блокадасынын курмандыктарынын элесине бак отургузулду. Видео
Дарыгер. Архив

Дарыгер акча соргон, пайдасынан зыяны көп процедураларды атап берди

0
(жаңыланган 11:13 10.05.2021)
Адис вирустук-инфекциялык сезон маалында медиктер толгон-токой витамин, биологиялык активдүү кошулмаларды жана процедураларды жазып берерин айтып, керектүүсүн алууга кеңеш берди.

БИШКЕК, 10-май — Sputnik. Жөн эле акчаны кетирген жана ашыкча жасалган ден соолук процедуралары тууралуу "Прайм" телеканалына эксперттик медицина клиникасынын башкы дарыгери Олег Серебрянский айтып берди.

Маселен, отоларингологдор мурунду деңиз тузу менен жууганга кеңеш беришет. Андан даярдалган препарат дарыканада кымбат, сасык тумоо күч алганда табуу да кыйын.

"Деңиз тузунан жасалган дарынын деле пайдасы бар. Бирок мурунду кадимки туздуу суу жана физиологиялык аралашма менен жуугандын эч айырмасы жок, натыйжасы ошондой эле болот. Бирок мурун көңдөйүн кечке эле жууй бербегиле. Аралашмалар табигый микрофлораларды кетирип, былжыр челдерге зыянын тийгизет. Көп учурда бул аллергиялык ринитке алып келет", — деген дарыгер.

Ошондой эле физиотерапиялык процедуралар сакайтат деген илимий тастыктама жок. Аны негизги процедура менен чогуу же андан кийин сунуштап жүрүшөт. Физиопроцедура адистин көзөмөлүндө жасалса зыян эмес, бирок чоң пайда күтүп деле кереги жок.

Андан сырткары, курч кармаган респиратордук-вирустук инфекция маалында медиктер толгон-токой витамин менен биологиялык активдүү кошулмаларды жазып берет. Бирок туура тамактанып, пайдалуу азыктарды жеген кишиге алардын кереги деле жок.

Мындан тышкары, дарыгерлер суук тийген адамга антибиотик жазып туура эмес кыларын кошумчалаган. Ал билдиргендей, антибиотик — күчтүү препарат, аны ичкендердин организми дарыны тоготпой калат.

0
Белгилер:
сасык тумоо, мурун, процедура, дарыгер
Тема боюнча
Диетолог толуп кетпеш үчүн канча таттуу жегенге болорун айтты