Экономика жана финансы министрлигинин Салык саясаты башкармалыгынын башчысы Кубанычбек Ысабеков

Ысабеков: Салык кодексинин жаңы редакциясы ишкерлердин ишин жеңилдетет

17
(жаңыланган 14:28 28.04.2021)
Экономика жана финансы министрлигинин Салык саясаты башкармалыгынын башчысы Кубанычбек Ысабеков Салык кодексинин жаңы редакциясы көп карама-каршылыктарды жокко чыгарарын айтты.

Бийлик өлкөнүн салык мыйзамдарын заманбап экономикалык шарттарга ылайыкташтырып, салык төлөөчүлөрдүн ишмердүүлүгү үчүн ыңгайлуу шарттарды түзүүдө. Бул тууралуу Кубанычбек Ысабеков Sputnik Кыргызстан радиосунун эфиринде маек учурунда билдирди.

Ысабеков: Салык кодексинин жаңы редакциясы ишкерлердин ишин жеңилдетет

Анын айтымында, Салык кодексинин жаңы редакциясында үчүнчү өлкөлөргө жана ЕАЭБ мамлекеттерине экспортту көбөйтүү мүмкүнчүлүгү каралууда.

"Азыркы учурда өлкөнүн салык саясаты мамлекеттин динамикалуу өнүгүп жаткан багыттарынын бири болуп саналат. Ушуга байланыштуу заманбап эл аралык бизнес процесстеринин өнүгүү темпин эске алуу менен Салык кодексине өзгөртүүлөр киргизилүүдө. Салык кодекси ишкерлер үчүн абдан маанилүү. Андыктан жаңы редакцияда ишкерлердин ишин жеңилдетүү каралууда. Ишкерлердин көйгөйлүү маселелери топтолуп, карама-каршылыктарды жаратып келген. Алардын ишин текшерүү, талаш маселелерди чечүүдө кыйынчылыктар жаралган. Ал эми бийлик өлкөнүн салык мыйзамдарын заманбап экономикалык шарттарга ылайыкташтырууга жана салык төлөөчүлөрдүн ишмердүүлүгү үчүн ыңгайлуу шарттарды түзүүдө. Үчүнчү өлкөлөргө жана ЕАЭБ мамлекеттерине экспортту көбөйтүү мүмкүнчүлүгү да бар", — деди Ысабеков.

Ошондой эле адис салыктык жеңилдиктерди алуу механизмдерин жөнөкөйлөтүү да каралып жаткандыгын кошумчалады.

17
Белгилер:
Кубанычбек Ысабеков, ишкер, экономика, салык кодекси
Тема боюнча
Салык кодекси өзгөртүлөт. Новиков 2 айда жаңысын иштеп чыгууга тапшырма берди
Аксакалдар соту ассоциациясынын жетекчиси Замира Мамакеева

Мамакеева: аксакалдар соту эми жергиликтүү бийликтин бир бутагы болот

38
(жаңыланган 14:24 06.05.2021)
"Аксакалдар соту" ассоциациясынын жетекчиси Замира Мамакеева жаңы Конституцияга ылайык, Аксакалдар соту институту жергиликтүү бийликтин бир бутагы болуп кирерин айтты.

Аксакалдар сотунун өзгөчө айыл жерлеринде зарылчылыгы абдан жогору. Андыктан бул институтту күчтөндүрүү керек. Мындай пикирин Замира Мамакеева Sputnik Кыргызстан радиосунун эфиринде маек куруп жатып билдирди.

Анын айтымында, өлкө боюнча 795 аксакалдар соту болсо, борбор калаада 48 институт иш алып барат. Анын 248 мүчөсү бар.

Мамакеева: аксакалдар соту эми жергиликтүү бийликтин бир бутагы болот
"Мыйзамдар өзгөрүп отуруп, азыркы убакка чейин аксакалдар соту 3-4 гана беренени караганга укуктуу болуп калган. Ошону менен бирге эле төрагалары 1000 сомдун айланасында айлык алса, мүчөлөрү кварталына 250 сом алышчу. Отуруп иш алып барган мекемелери да жок болчу. Азыркы жаңы Конституция боюнча аксакалдар соту жергиликтүү бийликке караган орган болуп калат. Каржы маселеси да айыл өкмөт, мэриялар тарабынан чечилет. Эми аксакалдар сотунун төрагаларына 3000-5000 сомдон айлык чегерип, мүчөлөрүнө 1000-1500гө чейин маяна төлөө пландалууда. Ошондой эле санын кыскартуу да каралып жатат. Мурда айыл жергесинде тогузга чейин мүчөсү болуп, кворум өтүшү үчүн кеминде беш мүчөсүн чогултуу абзел болчу. Эми шаарларда жалпысынан беш, ал эми айыл жеринде жети соттон турган аксакалдар сотун түзүү жана үч мүчөнүн катышуусу менен кворум бар деп эсептей берүү каралууда", — деди Мамакеева.

Ал жаңы даярдалып жаткан мыйзам актылары боюнча аксакалдар соту 20га чукул берене менен иш алып бара аларын кошумчалады.

38
Белгилер:
конституция, мыйзам, аксакалдар соту, Замира Мамакеева
Тема боюнча
Мамакеева: аксакалдар сотунун мүчөлөрү 80 сомдой айлык алат
Экономика жана финансы министрлигине караштуу Туризм департаментинин директору Самат Шатманов

Шатманов: өлкөнүн бардык туристтик жайлары бирдиктүү реестрге катталат

24
Экономика жана финансы министрлигине караштуу Туризм департаментинин директору Самат Шатманов өлкөдөгү бардык туристтик мекемелер бирдиктүү реестр базасына катталып, каалаган адам маалымат алып, байланыш түзө аларын айтты.

Кыргызстандагы мейманкана, альплагер, хостел, туристтик эс алуу жайларынын байланыш номерлерин, шарттарын, бааларын, видео, сүрөт галереясын бир базадан табууга мүмкүнчүлүк ачылды. Ал үчүн tourism.gov.kg веб-сайтына кирүү жетиштүү. Мындай маалыматты Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: өлкөнүн бардык туристтик жайлары бирдиктүү реестрге катталат

Анын айтымында, туристтик аймактардын бирдиктүү реестри саякатчыларга да, кызмат көрсөткөндөргө да коопсуздукту камсыздайт. Тагыраак айтканда, аралыктан брондоп, сүйлөшүүлөрдү жүргүзүп, эс алуучу жай тууралуу кенен маалымат алуу мүмкүнчүлүгү жаралат.

"Бириккен Улуттар Уюмунун Өнүгүү программасынын алкагында өлкөнүн төрт облусунда Кыргызстанды таанытуу, эл аралык деңгээлге алып чыгуу, жаңы тенденцияларды колдонуу боюнча пилоттук окутуу иштери жүрүп жатат. Дүйнөлүк booking.com отелдерди онлайн-брондоо системасы, тейлөөнү жакшыртуу боюнча да каалоочуларга үйрөтүп жатабыз. Ал эми https://tourism.gov.kg сайтында өлкөдөгү бардык туристтик мекемелер бирдиктүү реестр базасына катталып, каалаган адам маалымат алып, байланыш түзө алат. Порталда мейманкана, альплагер, хостел, туристтик эс алуучу жайлардын байланыш номерлерин, шарттарын, бааларын, видео, сүрөт галереясын бир базадан табуу мүмкүн", — деди Шатманов.

Ошондой эле жетекчи пандемияга байланыштуу ички туризмге көңүл буруп, анын артыкчылыктуу багыттарын кароо зарылдыгын кошумчалады.

24
Белгилер:
ички туризм, саякат, туризм, Самат Шатманов
Тема боюнча
Жаманкулов: коронавирус учурунда коопсуз саякаттоого үйрөнүшүбүз керек
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео